Vygiiben 25:2 - Библия - Пэ Балтитко Романи чиб (Романэс) 2019

² “Пхэн Израилёскирэ чхавэ́нгэ, соб (кай) ёнэ тэ кэрэ́н Ма́нгэ яныбэ́н; кажнонэ́ манушэ́стыр, саво́ пэ ило́ явэ́ла тэ дэл, прилэ́н яныбэ́н Ма́нгэ.”

Biblija - Pe Baltitko Romani čib (Romanes) 2019

² “Phen Izrailjoskire čhavénge, sob (kaj) jone te kerén Mánge janybén; kažnoné manušéstyr, savó pe iló javéla te del, prilén janybén Mánge.”

Vygiiben 25:2 Referans Kwoze

2 Коринфянэнгэ 9:7

мэк кажно ману́ш тэ дэл ада́кицы, кицы́ исын лэ́скэ пир ило́, а на пир зор; пал-дова́ со Дэвлэ́скэ исын дро́го кодова́ ману́ш, кон дэ́ла радыма́са.

Е́здра 2:68

Вари-савэ́ э шэралэ́ стрэчэнгирэ (пэ поколении), ке́ли ёнэ явнэ́ кэ Кхэр (Кхангири́) Ра́скирэ-Дэвлэ́скиро, со исын дро Ерусалимо, яндлэ́ да́ры сарэ́ илэ́стыр ваш Кхэр (Кхангири́) Дэвлэ́скиро, соб (кай) тэ чхувэ́н палэ лэс пэ лэ́скиро штэ́то;

Ниеми́я 11:2

И бахтякирдэ мануша́ сарэ́н явирэ манушэ́н, савэ́ догинэ́ кэ екх годы́ кокорэ́ пэ́стыр тэ дживэ́н кэ Ерусалимо.

Е́здра 7:16

и саро́ руп, и сувнака́й, со тумэ́ могинэ́на тэ латхэ́н дрэ округа Вавилоноскири, на гины́ свэ́нта дыибэна́, савэ́ дынэ́ пэ́скирэ илэ́стыр э мануша́, и рашая́, кон янэ́ла пэ́скирэ илэ́стыр ваш Кхэр (Кхангири́) лэ́нгирэ Дэвлэ́скиро кэ Ерусалимо,

Е́здра 1:6

И сарэ́ одолэ́, кон сыс пашы́л лэ́ндэ, зорьякирдэ лэ́нгирэ васта́ рупувэ́ чарэнца, предметэнца (чысэ́нца) сувнака́стыр, явирэ дарэнца маёнкостыр, и кхэритконэ́ мурдалэ́нца, и кучипнэнца (дрогонэ́ предметэнца), адя́кэ-паць, сыр и сарэ́ дарэнца, со сыс яндло сыр свэ́нто дыибэ́н, со кон камдя́”.”

Е́здра 3:5

и пало́ дава́ ёнэ яндлэ́ бипириячибнаскирэ свэ́нта дыибэна́ тэ хачкирэ́н, и одолэ́, сыр нэво́ чхон исын и ваш сарэ́ упхэндлэ свэ́нки ваш Ра́скэ-Дэвлэ́скэ, со лэ́скэ сыс посвэнцындлэ, и ваш кажно да́ро, со явэ́лас сарэ́ илэ́стыр, сыр янэ́на свэ́нто дыибэ́н, конэ́скэ пир ило́ тэ дэл Ра́скэ-Дэвлэ́скэ.

Psalmy 110:3

Тырэ́ мануша́ янэ́на пэс дро Тырэ́-зоралыпнаскиро дывэ́с свэнтонэ́ райканэ слава́са: Тырэ́ тэрнэ́ бияндёна сыр пахлын (роса), сави́ сыс пэ зло́ко (пэ ра́нко).

Сэндарьенгири Лылвари́ 5:9

Ило́ миро исын кэ тумэ́, Израилёскирэ барыдыра́, кэ ревнители (зэвлыныбнарья), савэ́ отдэна пэс манушэ́нгэ; славинэ́н Рас-Дэвлэ́с!

Čysly 18:24

адя́кэ, сыр дэ́што паш Израилёскирэ чхавэнгири, сави́ ёнэ янэ́на дро свэ́нто яныбэ́н Ра́скэ Дэвлэ́скэ, Мэ да́ва Левитэ́нгэ дрэ миштыпна́скири ме́ра, палдава́ Мэ и пхэндём лэ́нгэ, машкира́л Израилёскирэ чхавэ́ндэ ёнэ на дорэсэ́на миштыпна́скири ме́ра.”

Vygiiben 25:1

И пхэндя́ Рай Дэвэ́л Мойза́скэ, и ракирдя́:

Vygiiben 25:3

Ѓа́да, исын яныбэ́н, савэ́ тумэ́ сан бангэ́ тэ прилэ́н лэ́ндыр: сувнака́й, и руп, и харко́ма (медь),