Vygiiben 24:8 - Библия - Пэ Балтитко Романи чиб (Романэс) 2019

⁸ И лыя́ Мо́йза рат, и обрызгиндя манушэ́н, ракири́: “Ѓа́да, исын завето́скиро рат, саво́ Рай Дэвэ́л кэрдя́ тумэ́нца пир сарэ́ далэ́ лава́.”

Biblija - Pe Baltitko Romani čib (Romanes) 2019

⁸ I lyjá Mójza rat, i obryzgindia manušén, rakirí: “Ĥáda, isyn zavietóskiro rat, savó Raj Devél kerdiá tuménca pir saré dalé lavá.”

Vygiiben 24:8 Referans Kwoze

Vygiiben 24:6

Мо́йза лыя́ паш рат, чхудя́ дрэ тахтая́, а явирэ пашэ́са обчхудя́ алта́рё;

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Матфеё 26:28

Пал-дова́ со дава́ исын Миро Рат завето́скиро, саво́ исын прочхудо пал бутэндэ ваш грэхэнгиро отмэкибэн.

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

1 Коринфянэнгэ 11:25

Адя́кэ-паць и тахта́й пало́ вечэря и пхэндя́: “Дава́ тахта́й исын нэво́ Дэвлэ́скиро завето пир миро рат: кэрэ́н дава́ ада́кицы мо́лы, кицы́ мо́лы тумэ́ явэ́на тэ пьен лэ́стыр (ла́тыр), соб (кай) тэ рипирэ́н Ман.”

Marko 14:24

“Акэ, исын Миро рат завето́скиро, саво́ прочхудо пал бутэндэ”, – пхэндя́ Ёв лэ́нгэ.

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

Luka 22:20

Адя́кэ-паць и тахта́й (чаша) коригэды́р, сыр ёнэ ханэ́ маро́, Ису́со дыя́ лэ́нгэ, пхэни́: “Кадава́ тахта́й исын нэво́ завето дро Миро рат, саво́ чхувэ́лапэ пал тумэ́ндэ.

Заха́рия 9:11

Акана́ пал ту́тэ – ваш рат мирэ́ пхэныбнаскиро заветостыр Мэ мэкава пэ во́ля тырэ́ стардэ манушэ́н далэ́ хорипнастыр, дро саво́ нанэ пани́.

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

Isajos 52:15

Адя́кэ бут народы дивинэнаспэ Лэ́стыр; кра́лья закэрна (пхандэна) пэ́скирэ ушта́ анги́л Лэ́стэ, пал-дова́ со ёнэ дыкхэ́на и джинэ́на дова́, со ёнэ на шундлэ́, со николи лэ́нгэ на ракирдэ́.

Левито 8:30

И лыя́ Мо́йза макхибнытко елеё и рат, саво́ сыс пэ алта́рё, и побрызгиндя Аароно́с и лэ́скирэ и́ди, и лэ́скирэ чхавэ́н и лэ́скирэ чхавэ́нгирэ и́ди лэ́са; и адя́кэ высвэнцындя Аароно́с и лэ́скирэ и́ди, и лэ́скирэ чхавэ́н и и́ди лэ́скирэ чхавэ́нгирэ лэ́са.

Юдэ́нгэ 10:29

то, сыр тумэ́ думинэ́на, ци пэ бут пхарэдыр явэ́ла ка́ра пэ одолэ́ манушэ́стэ, саво́ сы́рбы штакирэла ґэрэ́нца Дэвлэ́скирэ Чхавэ́с и на гинэ́ла пал свэ́нто завето́скиро рат, савэ́са ёнэ кокоро́ сыс свэнцындло, и ракирэ́ла налачхэ́ лава́ пэ Ду́хо (Фа́но), Савэ́стыр амэ лыям бахталыпэ́н?

Isúso 24:25

И кэрдя́ Ису́со манушэ́нца завето дро дова́-паць дывэ́с, и дыя́ лэ́нгэ упхэныбэ́н и Зако́но дро Сихемо.

3 Kralip 8:9

Дро ковчэго ничы́ на сыс, апри́ч дуй барунэ́ таблицы, савэ́ чхудя́ одори́к Мо́йза пэ Хориво, ке́ли Рай Дэвэ́л кэрдя́ доракирибэ́н Израилёскирэ чхавэ́нца, пир лэ́нгиро выгиибэн Египто́скирэ пхувья́тыр.

Psalmy 78:36

Ёнэ шарэнас Лэс на илэ́стыр пэ́скирэ муенца, и лэ́нгирэ чиба́ хохавэнас Лэ́скэ,

Езэкилё 16:8

Тэ проджавас Мэ одо́й, кай ту са́нас, и Мэ удыкхавас тут. Акэ, дава́ сыс тыро́ часо, камлыпнаскиро часо. Лыём Мэ Мирэ́ урибэна́, учхакирдём тыро́ нангипэ́н; дыём совэ́л ту́кэ, кэрдём доракирибэ́н ту́са, – ракирэ́ла Рай Дэвэ́л, Дэвэ́л, – ту яця́н Мири́.

Яви́р Зако́но 5:2

Рай Дэвэ́л, Дэвэ́л амаро́, чхудя́ амэ́нца завето (доракирибэ́н) пэ Хориво;

3 Kralip 8:21

И кэрдём одо́й штэ́то ваш ковчэго, дро саво́ исын Ра́скирэ-Дэвлэ́скиро завето, саво́ Ёв кэрдя́ амарэ́ дадэ́нца, ке́ли Ёв вылыджия́ лэн Египто́скирэ пхувья́тыр.”

Ереме́ё 31:32

нэ на кадасаво́-паць заве́то, саво́ Мэ счхудём дадэ́нца дро дывэ́с, ке́ли Мэ лыём лэн пало́ васт тэ лыджав лэн Египто́скирэ пхувья́тыр, – кодова́ заве́то ёнэ пхагирдэ́, на дыкхи́ пэ дова́, со Мэ со́мас Хула́й ваш лэ́нгэ’, – ракирэ́ла Рай Дэвэ́л.

Agiejo 2:5

Пир дава́ лав, савэ́са Мэ чхудём Завето тумэ́нца, ке́ли тумэ́ выджа́нас Египто́стыр, и Миро ду́хо (фа́но) ячэ́лапэ тумэ́нца: На дарэ́н.