Vygiiben 24:7 - Библия - Пэ Балтитко Романи чиб (Романэс) 2019

⁷ и лыя́ заветоскири лылвари́, и прогиндя зоралэ́с (дыя́ упрэ́) манушэ́нгэ, и пхэндлэ́ ёнэ: “Саро́, со пхэндя́ Дэвэ́л, кэра́са и ява́са тэ кандас.”

Biblija - Pe Baltitko Romani čib (Romanes) 2019

⁷ i lyjá zavietoskiri lylvarí, i progindia zoralés (dyjá upré) manušénge, i phendlé jone: “Saró, so phendiá Devél, kerása i javása te kandas.”

Vygiiben 24:7 Referans Kwoze

1 Фесалоникийцэнгэ 5:27

Мэ совлахава тумэн Ра́са-Дэвлэ́са тэ прогинэн кадава́ лыл сарэ́ свэнтонэ́ пшалэ́нгэ.

Колосянэнгэ 4:16

ке́ли явэ́на тэ гинэн дава́ лыл тумэ́ндэ, мэк тэ прогинэн лэс и дрэ кхангири́ Лаодикийцэнгэ, а дова́ лыл, саво́ Лаодикиятыр, прогинэн и тумэ́.

Apostolengiri Butý 13:15

Пало́ (после) гиныбэ́н Мойза́скирэ Законо́стыр и пророкэ́нгирэ сыклякирибнастыр, синагогакирэ барыдыра́ бичхадэ́ лав лэ́нгэ: “Мануша́лэ-Пшала́лэ! Ко́ли тумэ́ндэ исын лав ваш сыклякирибэ́н тэ пхэнэ́н манушэ́нгэ, то ракирэ́н.

Vygiiben 19:8

И сарэ́ мануша́ отпхэндлэ́ пал екх, и ракирдэ́: “Саро́, со пхэндя́ Рай Дэвэ́л, кэра́са.” И Мо́йза долыджия манушэ́нгирэ лава́ Ра́скэ-Дэвлэ́скэ.

Isúso 24:24

Мануша́ пхэндлэ́ Исусо́скэ: “Амарэ́ Ра́скэ-Дэвлэ́скэ, Дэвлэ́скэ, амэ ява́са тэ дынарина́с, и Лэ́скири зан (глос) ява́са тэ шунас”.

3 Kralip 8:9

Дро ковчэго ничы́ на сыс, апри́ч дуй барунэ́ таблицы, савэ́ чхудя́ одори́к Мо́йза пэ Хориво, ке́ли Рай Дэвэ́л кэрдя́ доракирибэ́н Израилёскирэ чхавэ́нца, пир лэ́нгиро выгиибэн Египто́скирэ пхувья́тыр.

Psalmy 50:5

“Скэ́дэ Мирэн свэнтонэн кхэтанэ́ кэ Мэ, савэ́ кэрдэ́ Завето Ма́нца свэнтонэ́ дыибнаса (жэртваса).”

Psalmy 78:36

Ёнэ шарэнас Лэс на илэ́стыр пэ́скирэ муенца, и лэ́нгирэ чиба́ хохавэнас Лэ́скэ,

Ереме́ё 34:13

“Адя́кэ ракирэ́ла Рай Дэвэ́л, Израилёскиро Дэвэ́л: “Мэ счхудём заве́то тумарэ́ дадэ́нца дро дывэ́с, ке́ли Мэ яндём (вылыджиём) лэн Египто́скирэ пхувья́тыр, штэто́стыр, кай ёнэ сыс дрэ наволя, и пхэни́:

Ереме́ё 42:6

Соб (кай) тэ на явэ́л: лачхо́ ци биба́хт, амэ ява́са тэ шунас зан Ра́скирэ-Дэвлэ́скири, амарэ́ Дэвлэ́скири, кэ Кон амэ бичхадям тут, соб (кай) тэ явэ́л саро́ мишто́ амэ́нца, ке́ли амэ ява́са тэ кандас зан Ра́скирэ-Дэвлэ́скири, амарэ́ Дэвлэ́скири.”

Езэкилё 16:8

Тэ проджавас Мэ одо́й, кай ту са́нас, и Мэ удыкхавас тут. Акэ, дава́ сыс тыро́ часо, камлыпнаскиро часо. Лыём Мэ Мирэ́ урибэна́, учхакирдём тыро́ нангипэ́н; дыём совэ́л ту́кэ, кэрдём доракирибэ́н ту́са, – ракирэ́ла Рай Дэвэ́л, Дэвэ́л, – ту яця́н Мири́.

Малахия 2:10

Ци нанэ Екх Дад тумэ́ндэ? Ци на Екх Дэвэ́л создыя́ амэн? Со́скэ да амэ кэра́са нахратыма (ячаса сыр напатяибнытка екх проти екхэ́стэ), ке́ли амэ магираса завето дадэ́нгиро?

2 Паралипоменоно 15:14

И совлахадэ Ра́скэ-Дэвлэ́скэ зоралэ́ заня́са (глосаса) и годлыпнаса, и пашы́л зан рогэнгири и горноскири.