Vygiiben 24:6 - Библия - Пэ Балтитко Романи чиб (Романэс) 2019

⁶ Мо́йза лыя́ паш рат, чхудя́ дрэ тахтая́, а явирэ пашэ́са обчхудя́ алта́рё;

Biblija - Pe Baltitko Romani čib (Romanes) 2019

⁶ Mójza lyjá paš rat, čhudiá dre tahtaja, a javire pašésa občhudiá altárjo;

Vygiiben 24:6 Referans Kwoze

1 Petr 1:19

а тумэ́ сан выкиндлэ дрогонэ́ Христосо́скирэ Ратэ́са, Саво́ сыс сыр Свэ́нто Бакроро́, Конэ́стэ на сыс банг и дош.

Vygiiben 24:8

И лыя́ Мо́йза рат, и обрызгиндя манушэ́н, ракири́: “Ѓа́да, исын завето́скиро рат, саво́ Рай Дэвэ́л кэрдя́ тумэ́нца пир сарэ́ далэ́ лава́.”

Юдэ́нгэ 9:18

Адя́кэ-паць и пэ́рво завето на прилыя́ зор би ратэ́скиро.

Левито 4:6

и обмакнинэла (булавэла) раша́й пэ́скиро ангу́шт (пальцо) дро рат, и побрызгинэла ратэ́са эфта́ (битринэ́нгиро дэш) мо́лы анги́л Растэ-Дэвлэ́стэ анги́л шы́рма пэ свэ́нто штэ́то;

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

Юдэ́нгэ 12:24

и кэ Ису́со, Саво́ пиридыя амэ́нгэ Нэво́ Завето Дэвлэ́са и кэ дро́го рат, со сыс прочхудо, саво́ исын зоралэды́р Авелёскирэ ратэстыр.

Колосянэнгэ 1:20

и соб (кай) пир Лэ́стэ тэ кэрэ́л рама́нё (миро) Пэ́са дро саро́, со исын пэ пхув, и дова́, со исын пэ болыбэ́н, Лэ́скирэ-Чхавэ́скирэ ратэ́са, саво́ Ёв прочхудя пэ трушу́л.

Левито 3:8

и чхувэ́ла пэ́скиро васт пэ шэро́ пэ́скирэ жэртвакиро, и зачхинэла ла анги́л скэдыибна́скири ша́тра, и Аароно́скирэ чхавэ́ побрызгинэна ла́кирэ ратэ́са пэ алта́рё сарэ́ ригэ́ндыр;

Левито 3:2

и чхувэ́ла пэ́скиро васт пэ пэ́скирэ-жэртвакиро шэро́, и зачхинэла лэс пашы́л вуда́р скэдыибна́скири ша́тра; а Аароно́скирэ чхавэ́, рашая́, побрызгинэна ратэ́са пэ алта́рё сарэ́ ригэ́ндыр;

Левито 1:11

и зачхинэла лэс анги́л Растэ-Дэвлэ́стэ пэ паш-рати́тко (северно) алтарёскири риг, и Аароно́скирэ чхавэ́, рашая́, мэк тэ брызгинэн далэ́ ратэ́са пэ алта́рё сарэ́ ригэ́ндыр;

Левито 1:5

и зачхинэла гуруво́рэс (тельцос) анги́л Растэ-Дэвлэ́стэ. Аароно́скирэ чхавэ́, рашая́, мэк тэ янэ́н рат, и мэк тэ брызгинэн ратэ́са сарэ́ ригэ́ндыр пэ алта́рё, саво́ исын пашы́л загиибэ́н дрэ скэдыибна́скири ша́тра;

Vygiiben 29:20

и зачхин бакрэ́с, и лэ лэ́скиро рат, и чхув пэ чачо́ (право) Аароноскиро кан пэ яго́ро (краё) и пэ лэ́скирэ-чхавэ́нгиро чачо́ кан пэ яго́ро, и лэ лэ́нгиро правонэ-вастэскиро баро́ ангу́шт (пальцо), и пэ лэ́нгиро правонэ-ґэр΄якиро баро́ ангу́шт; и обрызгин ратэ́са алта́рё сарэ́ ригэ́ндыр;

Vygiiben 29:16

и зачхин бакрэ́с, и лэ лэ́скиро рат, и брызгин пэ алта́рё сарэ́ ригэ́ндыр;

Vygiiben 12:22

и лэн пучко исопо, и булавэн (обмакнинэн) дрэ рат, саво́ исын дрэ судинки [кхорэ́-р.с] и макхэн пирикладина и дуй косяки вударэнгирэ ратэ́са, саво́ исын дрэ судинки; а тумэ́ нико́н тэ на выджа́н пал пэ́скирэ кхэрэ́скирэ вудара́ кэ ра́нко.

Vygiiben 12:7

и мэк тэ лэн лэ́скирэ ратэстыр и тэ обмакэн лэ́са пэ дуй косяки и пэ вударэнгири пирикладина дрэ кхэра́, кай явэ́на тэ хан лэс;

1 Коринфянэнгэ 11:25

Адя́кэ-паць и тахта́й пало́ вечэря и пхэндя́: “Дава́ тахта́й исын нэво́ Дэвлэ́скиро завето пир миро рат: кэрэ́н дава́ ада́кицы мо́лы, кицы́ мо́лы тумэ́ явэ́на тэ пьен лэ́стыр (ла́тыр), соб (кай) тэ рипирэ́н Ман.”

Юдэ́нгэ 8:9

нэ нанэ дасаво завето, саво́ Мэ кэрдём лэ́нгирэ дадэ́нца дро дова́ часо, ке́ли Мэ лыём пал васт лэн, соб (кай) тэ вылыджав Египто́скирэ пхувья́тыр. Ёнэ на ячнэ́пэ зоралэ́ дро патяибэ́н и Мэ на прилыём илэ́са лэн.

Юдэ́нгэ 9:19

И палдава́, ке́ли Мо́йза пхэндя́ сарэ́ припхэныбэна́ Законо́стыр сарэ́ манушэ́нгэ, ёв лыя́ целянтэнгирэ и бузнэнгиро (козлэнгиро) рат пане́са, лолэ́ балэнца и исопоскирэ ранденца, и кропиндя лэ́нца сыр кокори лылвари́-сви́тко, адя́кэ-паць и сарэ́ манушэ́н.

Юдэ́нгэ 9:21

И адя́кэ-паць ёв кропиндя ратэ́са и ша́тра и сарэ́ кхорэ́ (сосуды), со трэй тэ лэн, ке́ли мангэ́напэ Дэвлэ́скэ.

4 Kralip 17:15

И лынэ́ тэ на прилэ́н Лэ́скирэ упхэныбэна́, и Заве́то Лэ́скиро, саво́ Ёв кэрдя́ лэ́нгирэ дадэ́нца, и приракхибэна Лэ́скирэ, савэ́нца Ёв приракхця лэн, и гинэ́ ёнэ пала́л пал харныпэ́н (пустота), и пала́л пал манушэ́ндэ, савэ́ дживдэ́ пашы́л, пал савэ́ндэ Рай Дэвэ́л ракирдя́ лэ́нгэ, соб (кай) тэ на кэрэ́н адя́кэ, сыр ёнэ.

Psalmy 99:6

Мо́йза и Ароно сыс машки́р Лэ́скирэ рашандэ и Самуи́ло сыс машки́р одолэ́ндэ, савэ́ приракхэнас лэ́скиро лав: ёнэ кхарэнас Рас-Дэвлэ́с, и Ёв отпхэнэ́лас лэ́нгэ.

Ереме́ё 31:32

нэ на кадасаво́-паць заве́то, саво́ Мэ счхудём дадэ́нца дро дывэ́с, ке́ли Мэ лыём лэн пало́ васт тэ лыджав лэн Египто́скирэ пхувья́тыр, – кодова́ заве́то ёнэ пхагирдэ́, на дыкхи́ пэ дова́, со Мэ со́мас Хула́й ваш лэ́нгэ’, – ракирэ́ла Рай Дэвэ́л.