Vygiiben 23:7 - Библия - Пэ Балтитко Романи чиб (Романэс) 2019

⁷ отджа хохаибнастыр, и на мулякир набангэс и саво́ исын чачипна́скиро; пал-дова́ со Мэ на чачакирава (на оправдынава), кон кэрэ́ла фуес.

Biblija - Pe Baltitko Romani čib (Romanes) 2019

⁷ otdža xohaibnastyr, i na muliakir nabanges i savó isyn čačipnáskiro; pal-dová so Me na čačakirava (na opravdynava), kon keréla fujes.

Vygiiben 23:7 Referans Kwoze

Эфесянэнгэ 4:25

Палдава́ мэкэ́н хохаибэ́н, кажно тумэ́ндыр тэ ракирэ́л чачипэ́н пэ́скирэ пашатунэ́скэ, пал-дова́ со амэ сам екхэ́ масэ́нгирэ паша́ екх екхэ́скэ.

Яви́р Зако́но 27:25

Прокошно́ явэ́ла ману́ш, саво́ лэ́ла ловэ́, соб (кай) тэ замарэ́л ди и тэ прочхувэл рат, саво́ исын набанго! И сарэ́ мануша́ пхэнэ́на: ами́нь.

Vygiiben 34:7

Саво́ ракхэ́ла ла́ска ваш тысёнцы манушэ́нгэ, Саво́ отмэкэ́ла банг и чорипэ́н, и грэ́хо, Саво́ на ячкирэ́ла би отпхэныбнаскиро, Саво́ чхувэ́ла ка́ра пал дадэнгири банг дрэ чхавэ́ндэ и чхавэ́нгирэ чхавэ́ндэ кэ три́то и шта́рто ро́до.”

Vygiiben 23:1

На розлыджа чхучо́ (пусто) ракирибэ́н, на дэ тыро́ васт напатяибнытконэскэ, соб (кай) тэ явэс якхитконэса хохаибнаскэ.

1 Фесалоникийцэнгэ 5:22

Ракхэ́нпэ кажнонэ́ фуипнастыр.

Левито 19:11

На чорэн, на ракирэ́н начачипэ́н, на хохавэн екх екхэ́с.

Римлянэнгэ 1:18

Пал-дова́ со болыбна́стыр зджа́ла Дэвлэ́скири холы́ пэ кажно бидэвлыткима и пэ манушэ́нгиро хохаибэ́н, савэ́ пэ́скирэ начачипнаса хасякирэна чачипэ́н.

Luka 3:14

Вари-савэ́ халадэ́ адя́кэ-паць пхучнэ́ Лэ́стыр: “А со ж амэ́нгэ тэ кэра́с?” Ёв пхэндя́ халадэнгэ: “На отлэн зорья́са никонэстыр, и на бангякирэн никонэ́с хоханэ́с. Явэ́н ра́да далэскэ, со тумэ́нгэ плэскирэна.”

Naumo 1:3

Рай Дэвэ́л насыгэс холясо́ла (ґара́ / длу́гэс ужакирэ́ла) и Лэ́стэ исын баро́ зоралыпэ́н. И Ёв на ковлякирэла ило́ анги́л бибахталэндэ: сыр о Рай Дэвэ́л псирэ́ла, тэды ґаздэ́напэ рискирибнаскири балва́л и штормо, и о́блоки сыр пра́хо вурняна тэл Лэ́скирэ ґэра́.

Isajos 33:15

Одова́, кон псирэ́ла дро чачипэ́н и ракирэ́ла чачуно́ лав, кон на камэ́ла тэ отлэл пэ́скирэ пшалэстыр, кон обрикирэла пэ́скирэ васта́, соб (кай) тэ на лэл мыто (да́ро) манушэ́ндыр пал налачхэ́ рэ́нды, кон закэрэла пэ́скирэ кана́, соб (кай) тэ на шунэ́л, сыр рат чхувэ́лапэ, и закэрэла пэ́скирэ якха́, соб (кай) тэ на дыкхэ́л, сыр кэрэ́лапэ фуипэ́н.

Pritčy 17:15

Кон чачакирэла (оправдынэла) [промэкэла банг-ю.о.] фуе́ манушэ́нгэ, кон бангякирэла чачунэ́ манушэ́с-далэ́ дуе рэндэ́ндыр (делэндыр) дурьела Рай Дэвэ́л.

Ióvo 22:23

Ко́ли рискирэса ту пэ́скиро ило́ кэ Сарэзорья́киро Дэвэ́л, тэды нэвэ́стыр ту явэ́са баро́ ману́ш. Ко́ли дурьякирэса ту чорипэ́н пэ́скирэ вастэ́ндыр,

Vygiiben 20:13

На замар (на умар).

Džiibén 18:23

И подги́я Авраа́мо, и пхэндя́: “Нау́што Ту хасякирэса чачунэ́ манушэ́с кхэтанэ́ злыднитконэ́са?

Vygiiben 20:16

На ра́кир хохано́ допхэныбэ́н пэ тырэ́ пашатунэстэ.

Левито 19:16

На псир пиридыибнариса машки́р тырэ́ манушэ́ндэ, и на ґаздэпэ пэ тырэ́-пашатунэскиро джиибэ́н. Мэ сом Рай Дэвэ́л.

Яви́р Зако́но 25:1

Ко́ли явэ́ла сэндытко рэ́ндо машки́р манушэ́ндэ, тэды мэк тэ янэ́н лэн пэ сэ́ндо и тэ россэндякирэн лэн, манушэ́с, саво́ исын на банго́, мэк лэс тэ отбичхавэн, а кон явэ́ла банго́, мэк лэс тэ сэндякирэн;

Psalmy 94:21

Ёнэ скэдэ́напэ кхэтанэ́ тэ мулякирэ́н чачипнаскирэ манушэ́с, ёнэ бангякирэна бибангэ манушэ́с, соб (кай) тэ прочхувэн лэ́скиро рат.

Psalmy 119:29

Лэ криг ма́ндыр хохаибэ́н и сыка́в Тыри́ ла́ска пир Тыро́ Зако́но.

Pritčy 11:21

Мэк ёнэ и кхэтанякирэнпэ вастэ́нца, нэ фуй мануша́ на ячэ́напэ набангэ; нэ чачунэ́-манушэ́нгиро ро́до (миштыпэ́н) явэ́ла ракхно.

Isajos 5:20

Бида одолэ́нгэ, савэ́ налачхипэн кхарэ́н лачхипна́са, а лачхипэ́н – налачхипнаса; и пхэнэ́на пэ калыпэ́н, со дава́ исын дуд, а пэ свэ́то – со дава́ исын калыпэ́н; пхэнэ́на пэ кирко, со дава́ исын гудло́, а пэ гудло́ пхэнэ́на – киркипэн!