Vygiiben 22:25 - Библия - Пэ Балтитко Романи чиб (Романэс) 2019

²⁵ Ко́ли дэ́са ту дро длуго (вужлыпэ́н) ловэ́ чорорэскэ Мирэ́ манушэ́ндыр, тэды на притасав лэн, и на чхув пэ лэ́ндэ ко́фо (процэнто).

Biblija - Pe Baltitko Romani čib (Romanes) 2019

²⁵ Kóli désa tu dro dlugo (vužlypén) lové čororeske Miré manušéndyr, tedy na pritasav len, i na čhuv pe lénde kófo (procento).

Vygiiben 22:25 Referans Kwoze

Psalmy 15:5

Кон дэ́ла ловэ́ дро вужлыпэ́н би кофоскиро, кон на лэ́ла мыто (взятка) тэ ракирэ́л проти кодолэстэ, кон исын набанго. Кон кэрэ́ла адя́кэ, одова́ ману́ш ние́кхвар на змарэлапэ пэ́скирэ дромэ́стыр.

Езэкилё 18:8

ёв зракхэлас пэ́скиро васт начачунэ кофостыр, на лэлас барыдыр бажын пэ́скэ, обрикирэлас пэ́скиро васт чорипна́стыр, а ёв кэрэ́лас чачуно́ сэ́ндо манушэ́скэ манушэ́са;

Pritčy 28:8

Кон прибарьякирэла пэ́скиро миштыпэ́н начачунэ кофоса (ростоса) и хохаибнаса, кодова́ сы́рбы кэдэла ловэ́ кодолэ́скэ, саво́ явэ́ла тэ тангинэ́л чорорэн.

Ниеми́я 5:7

Миро ило́ ґаздыя́пэ холя́са, и мэ нартэс (шылалэс) выпхэндём лачхэ́-родоскирэнгэ и барыдырэ́нгэ, и пхэндём лэ́нгэ: “Тумэ́ лэ́на древа́н бут начачуно ко́фо тумарэ́ пшалэ́ндыр.” И кхардём мэ пэ лэ́ндэ баро́ скэдыибэ́н.

Езэкилё 18:17

кон зракхця́ пэ́скиро васт, соб (кай) тэ на кэрэ́л намиштэс чорорэскэ, нэ ёв кэрдя́ пир Мирэ́ припхэныбэна́, кэрдя́ саро́ пир Мирэ́ упхэныбэна́ – кадава́ ману́ш пал пэ́скирэ – дадэ́скиро чорипэ́н на мэрэ́ла; тумэ́ джинэ́на, со ёв явэ́ла джидо́!

Езэкилё 18:13

Ко́ли ёв лэ́ла хохано́ ко́фо, ци лэ́ла пэ́скэ барэды́р бажын, ци явэ́ла ёв тэ дживэ́л? Над, ёв на явэ́ла джидо́! Кон кэрэ́лас сарэ́ дасавэ́ джунгалэ́ рэ́нды, кодова́ мэрэ́ла, лэ́скиро рат явэ́ла пэ лэ́стэ.

Ереме́ё 15:10

Бида ма́нгэ, Еремеёскэ, мири́ дай, со ту бияндян ман тэ кошавпэ, и тэ чингардавпэ сарэ́ пхувья́са! Мэ на дыём никонэ́скэ ловэ́ тэл ко́фо, и ёнэ адя́кэ-паць на дынэ́ ма́нгэ тэл ко́фо, нэ кажно (сва́ко) лэ́ндыр прокошэла ман (кэрэ́ла арманя пэ ма́ндэ).

4 Kralip 4:7

И явдя́ ёй, и роспхэндя́ Дэвлэ́скирэ манушэ́скэ. Ёв пхэндя́: “Джа́, бикин ксил и заплэскир тырэ́ длуги; со ячэ́лапэ, долэса явэ́са тэ дживэ́с тырэ́ чхавэ́нца.”

4 Kralip 4:1

Екх пророкэ́нгирэ-чхавэнгири джувлы́ роибнаса ракирдя́ Елисеёскэ: “Писха́ри тыро́, миро ром, мыя́. А ту джинэ́са, со писха́ри тыро́ дарандыя Ра́стыр-Дэвлэ́стыр. Какана́ явдя́ ловитко кофари тэ лэл дуе́н мирэн чхавэ́н дрэ писхарье́ндэ пэ́скэ.”

Luka 19:23

Со́скэ ту на чхудя́н миро руп дро банко, соб (кай) мэ, сыр рисиём, тэ лав палэ пэ́скирэ ловэ́ кофоса’.

Матфеё 25:27

Палдова́ трэиндя́ ту́кэ тэ дэс миро руп тэл ко́фо кофарьенгэ, и сыр мэ рисиём, мэ дорэсавас пэ́скиро кофоса.

Езэкилё 22:12

Кэ ту мануша́ лэ́на мыто (взятка), соб (кай) тэ чхувэ́н рат, ту дэсас ловэ́ тэло ко́фо (процэнто), и лэсас барэды́р бажын (лихва) ту зорья́са отлэсас миштыпэ́н тырэ́ пшалэстыр, а пал Ма́ндэ бистырдян, – ракирэ́ла Рай Дэвэ́л, Дэвэ́л.

Яви́р Зако́но 15:7

Ко́ли явэ́ла ту́тэ чороро́ вари-кон тырэ́ пшалэ́ндыр, пэ тыри́ пхув, сави́ Рай Дэвэ́л, Дэвэ́л тыро́, дэ́ла ту́кэ, тэды на холякир тыро́ ило́ и на [на гарав-ю.о.] тасав тыро́ васт анги́л тырэ́ чорорэ́ пшалэ́стэ,

Яви́р Зако́но 24:13

ри́скир лэ́скэ сымады́ (залого) анги́л кхамэскиро загиибэ́н, соб (кай) ёв тэ пасёл тэ совэ́л дрэ пэ́скири и́дя и тэ бахтякирэ́л тут, и ту́кэ явэ́ла дава́ дро чачипэ́н анги́л Растэ-Дэвлэ́стэ, Дэвлэ́стэ тырэстэ.

Езэкилё 18:7

На притасавя никонэ́с; а манушэ́скэ, саво́ сыс лэ́скэ банго́, отдэлас лэ́скири сымады́; на чорэлас, дэ́лас пэ́скиро маро́ чорорэ́ манушэ́скэ, учхакирэлас нангэс урибнаса;

Amoso 2:8

Ёнэ пасёна пашы́л кажно алта́рё дрэ и́ди, со лынэ́ дрэ сымады́ (залого), и пьена мол (вино) бангякирдэ-манушэ́нца дро кхэр, кай исын лэ́нгиро дэвлоро.