Vygiiben 20:6 - Библия - Пэ Балтитко Романи чиб (Романэс) 2019

⁶ и Мэ кэра́ва лачхипэ́н кэ тысёнцы ро́ды, конэ́скэ сом дро́го Мэ, и кон ракхэ́ла дрэ годы́ Мирэ́ упхэныбэна́.

Biblija - Pe Baltitko Romani čib (Romanes) 2019

⁶ i Me keráva lačhipén ke tysjoncy ródy, konéske som drógo Me, i kon rakhéla dre godý Miré uphenybená.

Vygiiben 20:6 Referans Kwoze

Яви́р Зако́но 7:9

И адя́кэ джин, со Рай Дэвэ́л, Дэвэ́л тыро́, исын Рай Дэвэ́л чачуно́, Саво́ ракхэ́ла Пэ́скиро завето (доракирибэ́н) и тангипэ́н кэ одолэ́ мануша́, савэ́нгэ исын дро́го Ёв, кон ракхэ́ла Лэ́скирэ припхэныбэна́ кэ тысёнцы ро́ды,

1 Ian 5:3

И амари́ паты́в и ило́ кэ Дэвэ́л исын кадасавэ́; соб (кай) амэ тэ ракхас Лэ́скиро припхэныбэ́н. И Лэ́скирэ припхэныбэна́ исын напхарэ.

Joannostir 14:21

Одова́, конэ́стэ исын Мирэ́ припхэныбэна́, и кон ракхэ́ла лэн, одова́ рикирэ́ла Ман сыр Дро́гима дро ило́, и Дад Миро сыкавэ́ла паты́в лэ́скэ, и Мэ адя́кэ-паць ява́ва тэ сыкавав паты́в лэ́скэ, и Мэ сыкадёвава Кокоро́ Пэс лэ́скэ.”

Apostolengiri Butý 2:39

Пал-дова́ со пал дава́ грэхэнгиро отмэкибэн ґара́ сыс дыно́ лав тумэ́нгэ, чхавэ́нгэ тумарэнгэ и сарэ́нгэ, адя́кэ-паць и одолэ́нгэ, кон дживэ́ла дур тумэ́ндыр, конэ́с кхарэ́ла кэ Пэ Рай Дэвэ́л амаро́.”

Яви́р Зако́но 5:29

Нэ, ко́ли бы лэ́нгиро ило́ тэ явэ́л лэ́ндэ дасаво, соб (кай) ёнэ тэ дарэ́н Ма́ндыр и тэ ракхэ́н сарэ́ Мирэ́ припхэныбэна́ дрэ сарэ́ дывэса́, соб (кай) шука́р тэ явэ́л лэ́нгэ и лэ́нгирэ чхавэ́нгэ дро ве́ко!

Яви́р Зако́но 4:37

и адя́кэ сыр Лэ́скэ ячнэ́ дро́га тырэ́ дада́, и Ёв выкэдыя́ тумэн, лэ́нгиро ро́до пало́ (после) лэ́ндэ, тэды и вылыджия́ Ёв тут Кокоро́ барэ́ Пэ́скирэ зорья́са Египто́стыр,

Joannostir 14:15

Ко́ли тумэ́ рикирэ́на Ман сыр Дро́гима дро ило́, то кэрэ́н дова́, со Мэ припхэндём тумэ́нгэ.

2 Ian 1:6

Дая́ пшалы́тко паты́в значинэла дова́, соб (кай) амэ тэ джива́с адя́кэ, сыр Дэвэ́л припхэндя́ амэ́нгэ. Дава́ исын дова́-паць припхэныбэ́н, саво́ тумэ́ шундлэ́ англыпна́стыр, соб (кай) амэ тэ джива́с пир дава́ припхэныбэ́н.

1 Ian 4:19

Амэ сам лачхэ́ екх кэ екх, пал-дова́ со Дэвлэ́скэ англэды́р яця́м дро́га амэ.

Jakov 1:12

Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Vygiiben 34:7

Саво́ ракхэ́ла ла́ска ваш тысёнцы манушэ́нгэ, Саво́ отмэкэ́ла банг и чорипэ́н, и грэ́хо, Саво́ на ячкирэ́ла би отпхэныбнаскиро, Саво́ чхувэ́ла ка́ра пал дадэнгири банг дрэ чхавэ́ндэ и чхавэ́нгирэ чхавэ́ндэ кэ три́то и шта́рто ро́до.”

Čysly 14:18

“О Рай Дэвэ́л ґара́ (длу́гэс) ужакирэ́ла и Ёв исын бутэ́-тангипнаскиро, Саво́ отмэкэ́ла грэ́хи и чорипэ́н, и Ёв на ячкирэ́ла би отпхэныбнаскиро, нэ Ёв чхувэ́ла ка́ра пал дадэ́нгиро чорипэ́н пэ чхавэ́ндэ кэ три́то и шта́рто ро́до.

Ниеми́я 1:5

и ракиравас мэ: “Раё Дэ́вла, болыбна́скиро, Дэ́вла баро́ и трашадо, Саво́ ракхэ́ла завето и ла́ска кэ сарэ́, савэ́нгэ Ту сан дро́го, и савэ́ рикирна Тырэ́ припхэныбэна́!

Psalmy 103:17

Нэ Ра́скирэ-Дэвлэ́скири лачхэ́-илы́ткима исын биконио́скиро (биягоро́скиро) ваш одолэ́нгэ, савэ́ дарэ́на Лэ́стыр, а лэ́скиро чачипэ́н ваш чхавэ́нгирэ чхавэ́нгэ,

Pritčy 3:1

Миро чхава! На бистыр, сыр мэ сыклякирава тут, мэк тыро́ ило́ тэ ракхэ́л (тэ рикирэлпэ) кэ мирэ́ припхэныбэна́,

Ереме́ё 32:18

Ту сыкавэса тангипэ́н (ла́ска) бут э тысёнцэнгэ манушэ́нгэ, и Ту отдэса палэ Пэ́скирэ сэндоса чхавэ́нгэ пал чорипэ́н лэ́нгирэ-дадэ́нгиро пал лэ́ндэ. Дэ́вла! Ту сан баро́ и зоралыпнаскиро, Раё Дэ́вла, болыбна́скирэ-янголэ́нгиро, – акэ, исын Тыро́ лав!

Дание́лё 9:4

И мангдёмпэ мэ Ра́скэ-Дэвлэ́скэ мирэ́скэ и откэравас мэ ило́ и ракиравас: “Манга́ва Ту́тыр, Раё Дэ́вла, баро́ и дивно кэ дар, Кон ракхэ́ла завето и ла́ска кодолэнца, савэ́ рикирэ́на Тут сыр Дро́гима дро ило́ и рикирэнапэ кэ припхэныбэна́ Тырэ́!