Vygiiben 20:5 - Библия - Пэ Балтитко Романи чиб (Романэс) 2019

⁵ на кэр шэрэ́са (на кло́нинпэ) лэ́нгэ и на дынарин (на служын) лэ́нгэ; пал-дова́ со Мэ Рай Дэвэ́л, Дэвэ́л тыро́, Дэвэ́л, Саво́ зэвлынэла (ревнинэла), чхувэ́ла ка́ра пэ чхавэ́ндэ пал дадэнгири банг кэ три́то и шта́рто ро́до, конэ́скэ на сом дро́го Мэ,

Biblija - Pe Baltitko Romani čib (Romanes) 2019

⁵ na ker šerésa (na klóninpe) lénge i na dynarin (na služyn) lénge; pal-dová so Me Raj Devél, Devél tyró, Devél, Savó zevlynela (rievninela), čhuvéla kára pe čhavénde pal dadengiri bang ke tríto i štárto ródo, konéske na som drógo Me,

Vygiiben 20:5 Referans Kwoze

Čysly 14:18

“О Рай Дэвэ́л ґара́ (длу́гэс) ужакирэ́ла и Ёв исын бутэ́-тангипнаскиро, Саво́ отмэкэ́ла грэ́хи и чорипэ́н, и Ёв на ячкирэ́ла би отпхэныбнаскиро, нэ Ёв чхувэ́ла ка́ра пал дадэ́нгиро чорипэ́н пэ чхавэ́ндэ кэ три́то и шта́рто ро́до.

Яви́р Зако́но 5:9

на мангпэ лэ́нгэ и на дынарин (на служын) лэ́нгэ; пал-дова́ со Мэ Рай Дэвэ́л, Дэвэ́л тыро́, исын Дэвэ́л зэвлыныпнаскиро (ревностякиро), пал дадэнгири банг Мэ чхува́ва ка́ра пэ чхавэ́ндэ кэ три́то и кэ шта́рто ро́до, савэ́нгэ на сом дро́го Мэ,

Яви́р Зако́но 4:24

пал-дова́ со Рай Дэвэ́л, Дэвэ́л тыро́, исын яг, сави́ ха́ла, исын Дэвэ́л зэвлыныпнаскиро.

Vygiiben 34:14

пал-дова́ со ту́кэ нашты́ тэ мангэспэ явирэ дэвлорэскэ, апри́ч Растэ-Дэвлэ́стэ; пал-дова́ со лав Лэ́скиро-Ревнителё (Зэвлынари); Ёв исын Дэвэ́л Зэвлынари.

Isúso 24:19

Ису́со пхэндя́ манушэ́нгэ: “Тумэ́нгэ нашты́ тэ дынаринэ́н Ра́скэ-Дэвлэ́скэ, пал-дова́ со Ёв, Дэвэ́л, исын свэ́нто, исын Дэвэ́л зэвлыныпнытко (ревнителё), Ёв на явэ́ла тэ вырикирэл тумаро́ проштавибэн (беззакониё) и тумарэ́ грэ́хи.

Psalmy 109:14

Мэк Рай Дэвэ́л тэ рипирэл чорипэ́н, со кэрдэ́ лэ́нгирэ дада́, мэк грэ́хи, со кэрдэ́ лэ́нгирэ дая́, тэ на явэ́н бистырдэ.

Isúso 23:7

На явэ́н кхэтанэ́ далэ́ манушэ́нца, савэ́ ячнэ́пэ машки́р тумэ́ндэ, на пририпирэн лэ́нгирэ дэвлорэнгиро лав, на совлахан лэ́нца, и на дынаринэ́н лэ́нгэ, и на мангэ́нпэ лэ́нгэ,

Яви́р Зако́но 6:15

пал-дова́ со Рай Дэвэ́л, тыро́ Дэвэ́л, Саво́ исын машки́р ту́тэ, исын Дэвэ́л зэвлыныпнаскиро; соб (кай) тэ на захачол Ра́скирэ-Дэвлэ́скири, тырэ́ Дэвлэ́скири холы́ пэ ту́тэ, и тэ на традэл криг Ёв тут пхувья́кирэ мо́стыр.

Naumo 1:2

О Рай-Дэвэ́л исын зэвлыныпнаскиро Дэвэ́л, и Ёв отдэ́ла палэ сэндоса. Рай Дэвэ́л отдэ́ла палэ сэндоса, и Ёв исын древа́н дарано дрэ холы́. Рай Дэвэ́л отдэ́ла палэ сэндоса Лэ́скирэ намалэнгэ, и Ёв на потангинэла Лэскирирэ вэргэ́н [пригаравэла Лэ́скири бари холын пэ Лэ́скирэ вэргэ́ндэ-ю.о.].

Ереме́ё 32:18

Ту сыкавэса тангипэ́н (ла́ска) бут э тысёнцэнгэ манушэ́нгэ, и Ту отдэса палэ Пэ́скирэ сэндоса чхавэ́нгэ пал чорипэ́н лэ́нгирэ-дадэ́нгиро пал лэ́ндэ. Дэ́вла! Ту сан баро́ и зоралыпнаскиро, Раё Дэ́вла, болыбна́скирэ-янголэ́нгиро, – акэ, исын Тыро́ лав!

Čysly 14:33

а тумарэ́ чхавэ́ явэ́на пэ чхучи́ пхув тэ лодэн штардэша́ бэрш, и явэ́на тэ лыджа́н ка́ра пал тумаро́ ладжаипэ́н, кэ дава́ часо, пака хасёна сарэ́ тумарэ́ тру́пы пэ чхучи́ пхув;

Psalmy 79:8

На ри́пир грэ́хи, амарэ́ прапапэнгирэ, мэк Тыри́ бари лачхэ́-илы́ткима тэ пирилэл амэн най сыгэды́р: пал-дова́ со амэ догиям сарэ́са кэ пхув.

Vygiiben 23:24

тэды на клонинпэ (на кэр шэрэ́са) лэ́нгирэ дэвлорэ́нгэ, и на дынарин лэ́нгэ, и на пирилэ лэ́нгирэ рэ́нды, нэ пхагир лэн, и роспхагир лэ́нгирэ сты́лбы:

Jakov 4:4

Напатяибнытка мурша́ и джувля́! Ци на джинэ́на тумэ́, со малыпэн (дружба) грэхитконэ́ манушэ́нца свэто́стыр исын проти Дэвлэ́стэ? И адя́кэ, кон выкэдэ́ла пэ́скэ малэ́с (друго́с) адалэ́ свэто́стыр, одова́ явэ́ла проти Дэвлэ́стэ.

Римлянэнгэ 8:7

Пал-дова́ со лочакирэ-грэхоскирэ-манушэ́скиро тырдыпэ́н исын проти Дэвлэ́стэ: ёнэ ж на кандэ́на Дэвлэ́скиро Зако́но, и ёнэ на могинэ́на тэ кандэ́н;

Римлянэнгэ 1:30

ёнэ хохавэна екх екхэ́с, и ёнэ на рикирэ́на сыр Дро́гима Дэвлэ́с дро пэ́скиро ило́; биладжаипнытка, пхутькирдэ́, шарибнытка; ёнэ уса́ кэрэ́на нэво́ фуипэ́н, на кандэ́на пэскирэн дадэн.

Ереме́ё 2:9

Палдава́ Мэ ява́ва буты́р тэ сэндякирав тумэн’, – ракирэ́ла Рай Дэвэ́л, – “Мэ ява́ва тэ сэндякирав тумарэ́-чхаворэнгирэ чхаворэ́н.

Isajos 44:19

И на прилэ́ла ману́ш кэ ило́, и нанэ лэ́стэ годы́, соб (кай) тэ пхэнэ́л: “Мэ схачкирдём кашт пэ яг и пэ вангара пэкцём маро́, кэрадём мас ци трэй ма́нгэ тэ кэра́в налачхипэн каштэ́стыр, со яця́пэ? Ци трэй тэ мангавпэ каштэскэ?”

Isajos 44:15

Далэ́ каштэ́стыр ману́ш татёла, хачкирэ́ла лэс дрэ яг и пэкэла маро́. И далэ́ каштэ́стыр кэрэ́ла дэвлорэс и мангэлапэ лэ́скэ; кэрэ́ла идоло и пэрэ́ла анги́л лэ́стэ пэ чанга́.

Psalmy 81:15

Мэ сы́гэс тэлякиравас лэ́нгирэ вэргэ́н тэл ґэра́ и мэ рискиравас Миро васт пэ лэ́нгирэ намалэндэ.

Ióvo 5:4

Лэ́скирэ чхавэ́ исын дур, соб (кай) тэ явэ́н бахталэ́, лэн домарэна пашы́л по́рта, и нанэ ние́кх, кон тэ зракхэ́л лэн:

4 Kralip 23:26

Усае́кх Рай Дэвэ́л на отчхудя Пэ́скири бари холы́, савья́са захачи́я холы́ Лэ́скири на Юдастэ пал сарэ́ тэлякирибэна, савэ́нца холякирдя Лэс Мана́сия.

4 Kralip 17:35

Счхудя Рай Дэвэ́л лэ́нца Заве́то и припхэндя́ шылалэс лэ́нгэ, ракири́: “На дэн паты́в дэвлорэ́нгэ явирэ́нгэ, и на мангэ́нпэ лэ́нгэ, и на дынаринэ́н лэ́нгэ, и на янэ́н свэ́нта дыибэна́ лэ́нгэ:

3 Kralip 21:29

“Ци дыкхэ́са, сыр Аха́во тыкнякирдя пэс анги́л Ма́ндэ? Пал-дова́ со о Аха́во тыкнякирдя пэс анги́л Ма́ндэ, то Мэ на ява́ва тэ янав бари би́да пэ кхэр лэ́скиро, нэ Мэ яна́ва бари би́да дрэ дывэса́ чхавэ́скирэ лэ́скирэ.”

2 Kralip 21:6

лэ́скирэ родо́стыр выдэ амэ́нгэ эфта́ манушэ́н, и амэ ублаваса лэн анги́л Растэ-Дэвлэ́стэ дрэ Гива́ Саулоскири, выкэдыно Ра́са-Дэвлэ́са.” И пхэндя́ кра́ли: “Мэ выдава.”

2 Kralip 21:1

Сыс бокх пэ пхув дрэ Давидо́скирэ дывэса́ трин бэрш, бэрш пал бэрш. И пхуцяпэ Дави́до Ра́стыр-Дэвлэ́стыр. И пхэндя́ Рай Дэвэ́л: “Дава́ исын пал Саулостэ и пал ратпибнаскиро лэ́скиро кхэр, пал-дова́, со ёв замардя́ Гаваонитянэн.”

Яви́р Зако́но 32:21

Ёнэ холякирдэ Ман лэ́нгирэ надэвлэса, нэ пэ́скирэ идолэнца ёнэ холякирдэ Ман: и Мэ лэн холякирава наманушэнца, а дылынэ́ манушытконэ́ нацыя́са (народоса) холякирава Мэ лэн;

Яви́р Зако́но 7:10

и Ёв отдэ́ла (рискирэ́ла) палэ пэ лэ́нгиро шэро́ одолэ́нгэ, кон Лэс древа́н бидыкхэла, дро лэ́нгиро муй, хасякири лэн; Ёв на явэ́ла тэ отчхувэл фуипэ́н пэ лэ́скиро шэро́, кон Лэс древа́н бидыкхэла, кокорэскэ одолэ́ манушэ́скэ Ёв отдэ́ла палэ.

Левито 26:29

и тумэ́ явэ́на тэ хан тумарэ́-чхавэнгири лоч (плоть), и лоч тумарэ́-чхаенгири явэ́на тэ хан;

Левито 26:1

На кэрэ́н пэ́скэ вычхудэ́ образы (кумиры) и вычхиндлэ́ муя́ (изваянии), и сты́лбы на чхувэ́н пэ́стэ, и бара́ вычхиндлэ́ муенца на чхувэ́н пэ тумари́ пхув, соб (кай) тэ на бандён анги́л лэ́ндэ, пал-дова́ Мэ сом Рай Дэвэ́л, тумаро́ Дэвэ́л.

Левито 20:5

то тэды Мэ рискира́ва Миро муй пэ одолэ́ манушэ́стэ и пэ лэ́скиро ро́до, и хасякира́ва лэс лэ́скирэ манушэ́ндыр, и сарэ́н, кон псирэ́ла пал лэ́стэ, соб (кай) блэндыи тэ псирэ́н пала́л Молохостэ.

1 Коринфянэнгэ 10:22

Нау́што амэ ява́са тэ муршкинаспэ тэ холякирас Дэвлэ́с? Нау́што амэ сам зоралэды́р Лэ́стыр?

Joannostir 15:18

Ко́ли свэ́то на дэ́ла паты́в тумэ́нгэ, джинэ́н, со ёв Ман англэды́р тумэ́ндыр свэ́то на дэ́лас паты́в.

Joannostir 7:7

Свэ́то на могинэ́ла тэ бидыкхэл тумэн (тэ ненавидинэл), а свэ́то бидыкхэла Ман, пал-дова́ со Мэ допхэнава пал лэ́стэ, со лэ́скирэ рэ́нды исын налачхэ́.

Матфеё 4:9

и раки́рла Лэ́скэ: “Саро́ мэ да́ва Ту́кэ, ко́ли пэрэса и поклонинэсапэ ма́нгэ.”

Дание́лё 1:2

И дыя́ о Рай Дэвэ́л дро лэ́скиро васт э Иокимос, Юдэя́кирэ крали́с, и ада́кицы кхорэ́ (сасу́ды) Дэвлытконэ́ кхэрэ́стыр, и ёв бичхадя́ лэн пэ пхув Сеноар, кэ лэ́скирэ Дэвлэ́скиро кхэр, и яндя́ адалэ́ сарэ́ кхорэ́ дрэ пиралы́ ваш казна лэ́скирэ дэвлэскири.

Езэкилё 8:3

Ёв протырдыя́ сы́рбы васт, и лыя́ ман пал бала́ пэ миро шэро́. И ґаздыя́ ман Ду́хо (Фа́но) машки́р пхув и болыбэ́н, и лыджия́ ман дрэ Дэвлэ́скирэ дыкхибэна кэ фо́ро Ерусалимо кэ загиибэ́н пашы́л вуда́р, саво́ сыс чхудо пэ паш-рат (северо), кай сыс чхудо идоло; саво́ выкхарэла зэвлыныпэ́н.

Pritčy 8:36

нэ ману́ш, кон бистрэла пал ма́ндэ, кодова́ кэрэ́ла чорипэ́н пэ́скирэ дескэ; сарэ́, конэ́скэ мэ на сом пир ило́, сы́рбы ужакирэ́на мэрибэ́н.

Psalmy 78:58

И ёнэ холякирдэ Лэс пэ́скирэ штэтэнца пэ бэ́ргицы, кай ёнэ дэ́нас паты́в и ёнэ прэзэнтынэнас (дражнинэнас) Лэс лэ́нгирэ вычингирдэ идолэнца.

Ióvo 21:19

Тумэ́ пхэнэ́на: “Дэвэ́л приракхэла лэ́нгирэ чорэ́ рэ́нды ваш лэ́нгирэ чхавэ́нгэ?’ Над: мэк Дэвэ́л тэ отплэскирэл палэ дадэ́скэ,

2 Паралипоменоно 25:14

Ама́сия, сыр явдя́ пало́ (после) Идумеянэнгиро мулякирибэн, то яндя́ Сеироскирэ чхавэ́нгирэ дэвлорэ́, и чхудя́ лэн пэ́стэ дэвлорэнца, и анги́л лэ́ндэ клониндяпэ, и лэ́нгэ кадиндя.

4 Kralip 17:41

Далэ́ манушы́тка на́цыи дэ́нас паты́в Ра́скэ-Дэвлэ́скэ, нэ и пэскирэнгэ вычхиндлэ́ муе́нгэ дынариндлэ́. Адя́кэ и чхавэ́ лэ́нгирэ и чхавэ́ лэ́нгирэ чхавэ́нгирэ кэ дава́ дывэ́с кэрэ́на адя́кэ-паць, сыр кэрдэ́ лэ́нгирэ дада́.

Сэндарьенгири Лылвари́ 2:19

Нэ сыр сыг мыя́ сэнда́ри, ёнэ нэвэ́с (зноко) кэрдэ́ фуеды́р пэ́скирэ дадэндыр, отрисии кэ яви́р дэворэ, дына́ри лэ́нгэ и мангнэпэ лэ́нгэ. На мэкнэ́ ёнэ пэ́скирэ рэндэ́ндыр и налачхэ́ пэ́скирэ дромэ́стыр.

Isúso 23:16

Ко́ли тумэ́ пириджана (кэрэ́на банг) Ра́скирэ-Дэвлэ́скиро, тумарэ́ Дэвлэ́скиро завето, саво́ Ёв чхудя́ тумэ́нца, и джа́на и явэ́на тэ дынаринэ́н явирэ дэвлорэ́нгэ и тэ мангэ́нпэ лэ́нгэ: тэды захачола пэ тумэ́ндэ Ра́скирэ-Дэвлэ́скири холы́, и сыг хасёна тумэ́ далэ́ лачхэ́ пхувья́тыр, сави́ дыя́ тумэ́нгэ Рай Дэвэ́л”.

Яви́р Зако́но 32:41

Ке́ли востринава Мэ курта́ла Мири́ зяиндлы, и васт Миро прилэ́ла сэ́ндо, то тэды отхава (отда́ва) палэ Мэ Мирэ́ вэргэ́нгэ, и конэ́скэ Мэ на сом дро́го, Мэ отда́ва;

Joannostir 9:2

Лэ́скирэ сыкляибны́тка пхучнэ́ Лэ́стыр: “Равви! Кон лэ́ндыр кэрдя́ грэ́хо, ёв кокоро́, ци дада́ лэ́скирэ, со ёв бия́ндыя короро́?”

Яви́р Зако́но 5:10

и, кон кэрэ́ла лачхипэ́н кэ тысёнцо ро́ды, конэ́скэ Мэ сом дро́го, и кон сполнинэла Мирэ́ припхэныбэна́.

3 Kralip 19:10

Ёв пхэндя́: “Захачиём мэ пал Растэ-Дэвлэ́стэ пал болыбна́скирэ-янголэнгирэстэ; пал-дова́ со чхавэ́ Израилёскирэ мэкнэ́ Тыро́ заве́то, алта́ри Тырэ́ роспхагирдэ́ и замардэ́ Тырэ́ пророкэ́н куртала́са; и мэ яцёмпэ екхджино́, нэ ёнэ родэ́на тэ отлэн миро джиибэ́н.”

Езэкилё 18:19

Тумэ́ ракирэ́на: “Со́скэ же чхаво́ на лыджа́ла пэ́скирэ – дадэ́скири банг?” Пал-дова́, со чхаво́ кэрэ́лас чачунэ́с и пир зако́но; и ёв гия́ пир мирэ́ упхэныбэна́ и кэрдя́, сыр трэй пир лэ́ндэ? Тумэ́ джинэ́на, со ёв явэ́ла джидо́.’”

Езэкилё 20:7

И пхэндём Мэ лэ́нгэ: ‘Мэк кажно (сва́ко) тумэ́ндыр тэ чхурдэл криг пэ́стыр саро́ джунгалыпэ́н пэ́скирэ якхэ́ндыр, соб (кай) тэ на магирэ́н пэс Египто́скирэ идолэнца, Мэ сом тумаро́ Рай Дэвэ́л, Дэвэ́л.’

Езэкилё 39:25

Палдава́ адя́кэ ракирэ́ла Рай-Дэвэ́л, Дэвэ́л: ‘Акана́ рискира́ва Мэ Яково́с плено́стыр, и потангинава (пожалинава) саро́ Израилёскиро кхэр, Мэ ява́ва тэ зэвлынав пир Миро свэ́нто лав.

Čysly 25:11

“О Финеесо, чхаво́ Елизароскиро, Аароно́скирэ-рашаскиро чхавэ́скиро, отлыджия Мири́ холы́ Израилёскирэ чхавэ́ндыр, сыр лыя́ тэ зэвлынэл (тэ чхуинэл накуч) пир Ма́ндэ машки́р лэ́ндэ, и Мэ на хасякирдём Израилёскирэ чхавэ́н дро зэвлыныпэ́н Миро;

4 Kralip 5:18

Екх, ґа́да дрэ со мэк тэ примангэл (тэ простинэл) Рай Дэвэ́л тырэ́ писхари́с; ке́ли джа́ла миро хула́й дро кхэр Римоноскиро ваш мангипэ́н одо́й и облокотинэлапэ пэ миро васт, и клонинавапэ мэ дрэ Римоноскиро кхэр, то тэды, ке́ли мэ клонинавапэ дро́ кхэр Римоноскиро, мэк тэ примангэл Рай Дэвэ́л писхари́с тырэ́с дрэ дая́ ваканцыя (дава́ случаё).”

4 Kralip 5:27

Мэк Нееманоскири прока́за тэ пириячэл кэ ту и кэ тыро́ ро́до пэ ве́ко.” И выгия́ ёв лэ́стыр парно́ проказатыр, сыр ив.

2 Паралипоменоно 7:19

Нэ ко́ли тумэ́ отрисёна и ячкирэна Мирэ́ упхэныбэна́ и Мирэ́ припхэныбэна́, савэ́ Мэ дыём тумэ́нгэ, и джа́на пэ́скэ, и лэ́на тэ дынаринэ́н явирэ дэвлорэ́нгэ и тэ мангэ́нпэ лэ́нгэ:

Езэкилё 18:2

“Со́скэ тумэ́ ракирэ́на дасави́ притча (приме́ро) пэ Израилёскири пхув: ‘Дада́ ханас шутло винаградо (дракх), а пэ чхаворэнгирэ данда́ яця́ аскома?’

Дание́лё 3:18

Ко́ли тэ на явэ́л дова́, то явэ́ла ту́кэ ґалыно, о кра́ли, со тырэ́ дэвлэнгэ амэ на ласам тэ дынарина́с и сувнакунэ́ москэ (идолоскэ), саво́ ту чхудя́н, тэ на бандякирасапэ.”