Vygiiben 20:25 - Библия - Пэ Балтитко Романи чиб (Романэс) 2019

²⁵ ко́ли ту явэ́са тэ кэрэ́с Ма́нгэ алта́рё барэндыр, то тэды на счхув лэс вычингирдэ (тёсанонэ) барэндыр, пал-дова́ со, сыр ту чхувэ́са пэ лэ́ндэ тыри́ далта (тесло), тэды магирэса лэн;

Biblija - Pe Baltitko Romani čib (Romanes) 2019

²⁵ kóli tu javésa te kerés Mánge altárjo barendyr, to tedy na sčhuv les vyčingirde (tjosanone) barendyr, pal-dová so, syr tu čhuvésa pe lénde tyrí dalta (tieslo), tedy magiresa len;

Vygiiben 20:25 Referans Kwoze

Isúso 8:31

Сыр ракирдя́ Мо́йза, писха́ри Ра́скирэ-Дэвлэ́скиро, Израилёскирэ чхавэ́нгэ, пал со исын зачхиндло́ дрэ Мойза́скирэ-законоскири лылвари́, – алта́рё (жэртвенико) барэндыр цэлонэндыр, пэ савэ́ на ґаздынэ́ састыра́; и яндлэ́ пэ лэ́стэ цэ́ло схачкирибэ́н Ра́скэ-Дэвлэ́скэ, и кэрдя́ свэ́нта мирна яныбэна́.

Vygiiben 20:24

кэр Ма́нгэ алта́рё (жэртвенико) пхувья́тыр, и ян пэ лэ́стэ цэ́ла схачкирибэна тырэ́ и раманёна (мирна) свэ́нта дыибэна́ тырэ́ и тырэ́ бакрэ́н и тырэ́ гурувэ́н; пэ кажно штэ́то, кай Мэ чхува́ва рипирибэ́н ваш Миро лав, Мэ ява́ва кэ ту, и Мэ бахтякирава тут;

3 Kralip 6:7

Ке́ли чхудяпэ Кхангири́, пэ кэрибэн чхудэ́ фэ́ни (то́ка) вычингирдэ бара́; ни млотко свиринд, ни товэр, ни саво́ яви́р саструно струменто на сыс шундло, ке́ли кэрэ́нас Кхангири́.

Езэкилё 40:42

Сыс штар скаминда вычингирдэ барэндыр ваш дова́, соб (кай) тэ хачкирэс свэ́нта дыибэна́; лэ́нгиро длугипэ́н сыс екх тэ паш куня́, буґлыпэ́н сыс екх тэ паш куня́, а вучипэ́н екх кунь; пэ лэ́ндэ чхувэ́нас долэ́ струме́нты, со́са зачхинэнас свэ́нта дыибэна́ тэ хачкирэ́н и ваш яви́р дыибэна́.

Vygiiben 24:4

И зачхиндя́ Мо́йза сарэ́ лава́ Ра́стыр-Дэвлэ́стыр, и, уштыи пэ ра́нко, чхудя́ тэл бэ́рга алта́рё (жэртвенико) и дэшуду́й бара́, пир дэшуду́й Израилёскирэ ро́дыцы;