Vygiiben 20:23 - Библия - Пэ Балтитко Романи чиб (Романэс) 2019

²³ на кэрэ́н анги́л Ма́ндэ рупувэ́ дэвлорэ́ ци сувнакунэн дэвлорэ́, на кэрэ́н пэ́скэ:

Biblija - Pe Baltitko Romani čib (Romanes) 2019

²³ na kerén angíl Mánde rupuvé devloré ci suvnakunen devloré, na kerén péske:

Vygiiben 20:23 Referans Kwoze

Езэкилё 20:39

А тумэ́, Израилёскиро кхэр, – адя́кэ ракирэ́ла Рай Дэвэ́л, Дэвэ́л, джа́н кажно (сва́ко) кэ пэ́скирэ и́долы, дынаринэ́н (служынэн) лэ́нгэ, ко́ли Ман на шунэ́на, нэ на магирэ́н бутэды́р Миро свэ́нто лав тумарэ́ дарэнца и тумарэ́ идолэнца.

Софония 1:5

и кодолэ́н, кон кэрэ́ла паты́в кодолэ́нгэ, савэ́ исын дро болыбнытко свэ́то, пэ кхэрэ́скирэ фе́ли (макушки), и кодолэ́н, савэ́ кэрэ́на паты́в Ма́нгэ, Ра́скэ-Дэвлэ́скэ и совлахана Мирэ́ лавэ́са, и савэ́ адя́кэ-паць совлахана Молохоса;

4 Kralip 17:33

Ра́скэ-Дэвлэ́скэ ёнэ дэ́нас паты́в, и дэвлорэ́нгэ пэскирэнгэ ёнэ дынариндлэ́ пир мане́ра манушэ́нгири, савэ́ндыр вычхурдынэ лэн.

Sykadyipén 22:15

А яври́ пал фо́ро исын джукэла, човаханэ, и кон дживдя́ джувле́нца сыр ромня́са би сэвлакиро, замарибнарья, и кон мангдя́пэ идолэ́нгэ, и сарэ́ яви́р, конэ́скэ дава́ сыс пир ило́ тэ ракирэ́л хохаибэ́н.

Vygiiben 32:31

И рисия́ Мо́йза кэ Рай Дэвэ́л, и пхэндя́: “Адалэ́ мануша́ кэрдэ́ баро́ грэ́хо: кэрдэ́ пэ́скэ сувнакунэ́ дэвлорэс;

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Дание́лё 5:4

Пинэ́ мол, славиндлэ дэвэла́ (дэвлорэн), сувнакунэ́, рупунэ, харкунэ́, саструнэ́, каштунэ и барунэ́.

Езэкилё 43:8

Ёнэ чхувэ́нас пэ́скиро прого пашы́л Миро прого, пэ́скиро вуда́р пашы́л Миро вуда́р, адя́кэ, со екх ва́нта сыс машки́р Ма́ндэ и лэ́ндэ; ёнэ магирэнас Миро свэ́нто лав пэ́скирэ джунгалэ́ рэндэ́нца, савэ́ кэрэ́нас, пал-дова́ Мэ хасякирдём лэн дрэ Мири́ холы́.

4 Kralip 17:41

Далэ́ манушы́тка на́цыи дэ́нас паты́в Ра́скэ-Дэвлэ́скэ, нэ и пэскирэнгэ вычхиндлэ́ муе́нгэ дынариндлэ́. Адя́кэ и чхавэ́ лэ́нгирэ и чхавэ́ лэ́нгирэ чхавэ́нгирэ кэ дава́ дывэ́с кэрэ́на адя́кэ-паць, сыр кэрдэ́ лэ́нгирэ дада́.

Vygiiben 34:17

На кэр пэ́скэ вычхудэ́ дэвлорэ́.

Левито 19:4

На мангэ́нпэ идолэ́нгэ, и на кэрэ́н пэ́скэ вычхудэ́ дэвлорэ́. Мэ сом Рай Дэвэ́л, тумаро́ Дэвэ́л.

Яви́р Зако́но 27:15

“Прокошно́ явэ́ла одова́, кон кэрэ́ла вычхиндло ци вычхудо о́бразо, магирипэ́н анги́л Растэ-Дэвлэ́стэ дова́, со кэрдэ́ манушэ́скирэ васта́, и ёв чхувэ́ла лэс дро гарадо́ штэ́то! Сарэ́ мануша́ отпхэнэна зоралэ́с и пхэнэ́на: ами́нь.

Яви́р Зако́но 29:17

и дыкхцям магирипэ́н лэ́нгиро и и́долы лэ́нгирэ, каштунэ и барунэ́, рупувэ́ и сувнакунэ́, савэ́ сыс лэ́ндэ.

Сэндарьенгири Лылвари́ 17:3

И рискирдя́ ёв пэ́скирэ да́кэ тысёнцо шэл шэ́кели руп. И пхэндя́ лэ́скири дай: “Дава́ руп мэ ту́тыр отдыём Ра́скэ-Дэвлэ́скэ ваш мирэ́ чхавэ́скэ, соб (кай) тэ кэрэ́с лэ́стыр и вычхиндло муй и вычхудо о́бразо; и адя́кэ мэ отда́ва лэс ту́кэ.”