Vygiiben 20:12 - Библия - Пэ Балтитко Романи чиб (Романэс) 2019

¹² Кутякир (важын) тырэ́ дадэ́с и тырэ́ да, соб (кай) тэ явэ́н ґара́ (длуга) тырэ́ дывэса́ пэ пхув, сави́ Рай Дэвэ́л, Дэвэ́л тыро́, дэ́ла ту́кэ.

Biblija - Pe Baltitko Romani čib (Romanes) 2019

¹² Kutiakir (važyn) tyré dadés i tyré da, sob (kaj) te javén ĥará (dluga) tyré dyvesá pe phuv, saví Raj Devél, Devél tyró, déla túke.

Vygiiben 20:12 Referans Kwoze

Колосянэнгэ 3:20

Чхавэ́, кандэ́н пэ́скирэ дадэн дро саро́, пал-дова́ со дава́ трэй Ра́скэ Дэвлэ́скэ.

Яви́р Зако́но 5:16

Кандэ тырэ́ дадэ́с и тырья да, сыр ракирдя́ ту́кэ Рай Дэвэ́л, Дэвэ́л тыро́, соб (кай) тэ явэ́н ґара́ (длуга) тырэ́ джиибна́скирэ дывэса́, и, соб (кай) шука́р ту́кэ тэ явэ́л пэ доя́ пхув, сави́ Рай Дэвэ́л, Дэвэ́л тыро́, дэ́ла ту́кэ.

Marko 7:10

Мо́йза ж пхэндя́: “Кутякир дадэ́с пэ́скирэс и пэскирья́ да”, и, “Кон ракирэ́ла нашукар пэ дадэ́стэ пэскирэстэ ци датэ, тэ мэрэ́л адава́ ману́ш.

Pritčy 30:17

Манушэ́стэ, кон просала дадэ́с, и кон салапэ холямэс, соб (кай) тэ на кандэл пэ́скирэ да, то лэ́скэ кораки, со исын пэ до́ло, выхана лэ́скирэ якха́, и тэрнэ́ орлы (кидорэ) схана лэн сарэ́са.

Левито 19:3

Дар кажно (сва́ко) ману́ш пэ́скирэ датыр и пэ́скирэ дадэ́стыр, и ракхэ́н Мирэ́ са́ваты (суботы). Мэ сом Рай Дэвэ́л, тумаро́ Дэвэ́л.

Luka 18:20

Ту джинэ́са припхэныбэна́: ‘На кэр биладжаипэ́н, на замар, на чор, на совлаха́ хоханэ́с; кутякир пэ́скирэ дадэ́с и пэ́скирэ да.’

Матфеё 19:19

кутякир пэ́скирэ дадэ́с и да; и сыка́в паты́в пэ́скирэ пашатунэ́ манушэ́скэ, сыр кокоро́ пэ́скэ.”

Pritčy 20:20

Кон прокошэла пэ́скирэ дадэ́с, ци пэ́скирэ да, лэ́скиро момолы́тко (свети́льнико) мурдёла машки́р хор калыпэ́н.

Vygiiben 21:17

Кон кошэла пэ́скирэ дадэ́с ци пэскирья́ да, одолэ́с трэй тэ отдэс пэ мэрибэ́н.

Marko 10:19

Ту джинэ́са припхэныбэна́: ‘На замар, на кэр биладжаипэ́н, на чор, на совлаха́ хоханэ́с (пэфроми), на хохав, кутякир дадэ́с и да.’”

Vygiiben 21:15

Кон пэкавэла пэ́скирэ дадэ́с ци пэ́скирэ да, одолэ́с трэй тэ отдэ́н пэ мэрибэ́н.

Яви́р Зако́но 32:47

пал-дава́ со дава́ исын на чхучо́ сыклякирибэ́н ваш тумэ́нгэ, нэ дава́ дэ́ла джиибэ́н тумэ́нгэ, и пир дава́ тумэ́ ґара́ (длу́гэс) явэ́на пэ доя́ пхув, пэ сави́ тумэ́ джа́на пирда́л Иорда́но, соб (кай) тэ заухтылэн ла.”

Pritčy 3:16

Годыпэ́н рикирэ́ла длэнга бэрша́ дро чачо́ васт, а барвалыпэ́н и паты́в исын дро лэ́скиро зэ́рво (ле́во) васт.

4 Kralip 2:12

Елисе́ё дыкхця́ и дыя́ го́дла: “Да́до миро, да́до миро, вурдэ́н Израилёскиро и грая лэ́скирэ!” И на дыкхця́ лэс буты́р. И ухтылдя ёв и́ди пэ́скирэ, и роскустя лэн пэ дуй паша́.

Яви́р Зако́но 4:40

и ракх Лэ́скирэ упхэныбэна́ и Лэ́скирэ припхэныбэна́, савэ́ мэ ракира́ва акана́ ту́кэ, соб (кай) шука́р тэ явэ́л ту́кэ и тырэ́ чхавэ́нгэ пало́ (после) ту́тэ, и, соб (кай) ту бут часо (цы́ро) тэ явэс пэ доя́ пхув, сави́ Рай Дэвэ́л, тыро́ Дэвэ́л, дэ́ла ту́кэ пэ саро́ джиибэ́н.”

Яви́р Зако́но 25:15

гиря ту́тэ мусинэла тэ явэ́л чачипнаскири и чачуны́, и эфа ту́тэ трэй, соб (кай) тэ явэ́л чачипнаскири и чачуны́, соб (кай) тэ явэ́н длуга дывэса́ тырэ́ пэ пхув, сави́ Рай Дэвэ́л, Дэвэ́л тыро́, дэ́ла ту́кэ;

Малахия 1:6

“О чхаво́ кэрэ́ла паты́в пэ́скирэ дадэ́скэ, и о писха́ри лэ́скирэ ра́скэ: ко́ли Мэ сом Дад, кай жа исын хор паты́в Ма́нгэ? Ко́ли Мэ сом Рай Дэвэ́л, кай жа исын паты́в Ма́нгэ?”, – ракирэ́ла янголэ́нгирэ-болыбна́скиро Рай Дэвэ́л тумэ́нгэ, рашая́, савэ́ндэ нанэ дрэ паты́в Миро лав. Нэ тумэ́ пхэнэ́на: “Дро со амэ на сыкаваса паты́в Тырэ́ лавэ́скэ?”

Pritčy 30:11

Исын ро́до, саво́ прокошэла дадэ́с, и на шарэла пэ́скирэ да.

Pritčy 28:24

Кон чорэла дадэ́стыр ци датыр и ракирэ́ла: “Дава́ нанэ грэ́хо”, кадасаво́ ману́ш исын дро́го дру́го (мал) кодолэ́скэ, саво́ хасякирэ́ла саро́.

Pritčy 15:5

Дылыно́ дыкхэ́ла вучипна́стыр, ке́ли лэс дад сыклякирэ́ла, нэ кон прилэ́ла банг, ке́ли лэ́скэ сыкавэ́на, исын барэ́-годя́киро.

3 Kralip 2:19

И загия́ Вирса́вия кэ кра́ли Соломо́но тэ ракирэ́л лэ́скэ пал Адониястэ. Кра́ли уштыя́ анги́л ла́тэ, и поклониндяпэ ла́кэ, и бэсця́ пэ пэ́скиро штэ́то. Чхудэ́ троно и ваш да́кэ кралискирьякэ, и ёй бэсця́ пэ чачо́ (право) васт лэ́скиро.

Левито 19:32

Анги́л пхурэ́ манушэ́стэ ушты́ и кутякир лэ́скиро пхурипэн, и дар тырэ́ Дэвлэ́стыр. Мэ сом Рай Дэвэ́л.

Эфесянэнгэ 5:21

кандэ́н екх екхэ́с пир дар анги́л Дэвлэ́стэ.

Яви́р Зако́но 4:26

то тэды мэ допхэнава тумэ́нгэ ададывэ́с болыбнаса и пхувья́са, со тумэ́ сыг хасякирэна пхув, ваш пэ́скэ, пир сави́ тумэ́ пириджана пал Иорда́но; тумэ́ на явэ́на бут дывэса́ пэ ла́тэ, нэ хасёна;

Яви́р Зако́но 5:33

нэ тумэ́ джа́н пир дова́ дром, пир саво́ ракирдя́ тэ джа́н тумэ́нгэ Рай Дэвэ́л, тумаро́ Дэвэ́л, соб (кай) тумэ́ тэ явэ́н джидэ́, и шука́р тэ явэ́л тумэ́нгэ, и тэ дживэ́н тумэ́ бут дывэса́ пэ доя́ пхув, сави́ явэ́ла тумари́.”

Яви́р Зако́но 6:2

соб (кай) ту тэ дарэс тырэ́ Ра́стыр-Дэвлэ́стыр, и сарэ́ Лэ́скирэ упхэныбнэндыр и Лэ́скирэ припхэныбнэндыр, савэ́ ракира́ва ту́кэ, соб (кай) ту тэ ракхэ́с, и тырэ́ чхавэ́, и тырэ́ чхавэ́нгирэ-чхавэ́ дрэ сарэ́ тырэ́ джиибна́скирэ дывэса́, соб (кай) тэ явэ́н ґарэдыр (длугэдыр) тырэ́ дывэса́.

Яви́р Зако́но 11:8

И палдава́ ракхэ́н сарэ́ Лэ́скирэ припхэныбэна́, савэ́ мэ ракира́ва тумэ́нгэ ададывэ́с, соб (кай) тумэ́ тэ зоралён, и тэ джа́н и тэ лэн пхув, пэ сави́ тумэ́ пириджана, соб (кай) тэ лэн ла;

Яви́р Зако́но 11:9

и, соб (кай) тумэ́ тэ дживэ́н бут часо пэ доя́ пхув, сави́ совлахадя́ Рай Дэвэ́л тумарэ́ дадэ́нгэ тэ дэл лэ́нгэ и лэ́нгирэ родо́скэ пэ пхув, пэ сави́ тхадэ́ла тхуд и авги́н (мэда).

Яви́р Зако́но 21:18

Ко́ли вари-конэ́стэ явэ́ла чхаво́ накандуно и бунтяритко, саво́ на шунэ́ла, со ракирэ́ла лэ́скиро дад и дай лэ́скэ, и ёнэ сыклякирдэ́ кэ дукха́ лэс, нэ ёв на шунэ́ла лэн,

Яви́р Зако́но 27:16

Прокошно́ явэ́ла ману́ш, саво́ кошэла пэ́скирэ дадэ́с ци пэскирья́ да! И сарэ́ мануша́ пхэнэ́на: ами́нь.

Pritčy 17:6

Чхавэ́нгирэ чхаворэ́ исын сы́рбы крали́скири стадык (коро́на) пхуранэ́ манушэ́нгэ, чхавэ́ исын бариканэ лэ́нгирэ дадэндыр.

Ереме́ё 35:7

И тумэ́ на чхувэ́н кхэра́, и на почхувэн гив дрэ пхув, на розлыджан винаграды́тко бар, и тэ на явэ́л тумэ́ндэ нисо́ далэ́стыр, нэ тумэ́ явэ́на тэ дживэ́н сарэ́ пэ́скирэ дывэса́ дрэ ша́тры, соб (кай) тумэ́нгэ тэ дживэ́н бут дывэса́ пэ пхув, пэ сави́ тумэ́ явэ́на тэ лодэн.”

Ереме́ё 35:18

И пхэндя́ Ереме́ё кхэрэ́скэ (чэкарьякэ) Рехавитоскирэскэ: “Адя́кэ ракирэ́ла Рай Дэвэ́л, болыбна́скирэ-янголэ́нгиро, Дэвэ́л Израилёскиро: ‘Пал-дова́ со тумэ́ шундлэ́ припхэныбэ́н Ионадавоскиро (тумарэ́-дадэ́скиро), и тумэ́ ракхнэ (рикирдэпэ кэ сарэ́ лэ́скирэ упхэныбэна́) и кэрдэ́ саро́, со ёв припхэндя́ тумэ́нгэ,

Езэкилё 22:7

Ту́тэ намишто ракирэ́на пал датэ и дадэ́стэ: кэрэ́на намиштэс манушэ́са, саво́ явдя́ явирэ пхувья́тыр; машки́р ту́тэ накуч кэрэ́на пиротоса (бидадэскирэ чхавэ́са), пивляса (биромэскирэ манушняса).

Džiibén 48:12

И лыджия́ лэн криг Ёза лэ́скирэ чангэндыр, и кэрдя́ шэрэ́са лэ́скэ кэ пхув.

Džiibén 50:12

И кэрдэ́ Яково́скирэ чхавэ́ лэ́са, сыр ёв ракирдя́ лэ́нгэ;

Ruta 3:6

И гия́ пэ шу́рна (гумно), и кэрдя́ саро́ адя́кэ, сыр припхэндя́ ла́кэ сасуй ла́кири.

1 Kralip 22:3

Одотхы́р гия́ Дави́до дро Моавитоскирэ Маси́фа, и пхэндя́ Моавитоскири крали́скэ: “Мэк дад миро и дай мири́ тэ явэ́н вари-кицы́ тумэ́ндэ, пака мэ уджинава, со кэрэ́ла Дэвэ́л ма́нца.”