Vygiiben 2:6 - Библия - Пэ Балтитко Романи чиб (Романэс) 2019

⁶ Отчхакирдя и дыкхця́ тыкнэмасэс; и ґа́да, чхаворо́ ровэлас; и ёй потангиндя лэс (пожалиндя) и пхэндя́: “Адава́ исын Юдэ́нгирэ чхаворэндыр.”

Biblija - Pe Baltitko Romani čib (Romanes) 2019

⁶ Otčhakirdia i dykhciá tyknemases; i ĥáda, čhavoró rovelas; i joj potangindia les (požalindia) i phendiá: “Adavá isyn Judéngire čhavorendyr.”

Vygiiben 2:6 Referans Kwoze

1 Petr 3:8

Явэ́н дрэ екх годы́ екх екхэ́са, подэн васта́ екх екхэ́скэ дро пхарипэ́н, тангинэ́н (жалинэн) екх екхэ́с, сыр пша́ла, малынэнпэ (дружынэн) и явэ́н ковлэ́-илы́тка,

Apostolengiri Butý 7:21

Нэ ке́ли лэс тыкниньконэс чхурдынэ́ яври́, Фараоноскири чхай и лыя́ лэс кэ пэ и барьякирдя лэс, сыр пэ́скирэс чхавэ́с.

3 Kralip 8:50

И приманг (отмэк) манушэ́нгэ Тырэнгэ, дрэ со ёнэ кэрдэ́ грэ́хо анги́л Ту́тэ, и сыка́в тангипэ́н (жалима) кэ ёнэ лэ́нгирэ вэргэ́ндыр, соб (кай) ёнэ тэ явэ́н ковлэилытка кэ ёнэ.

Psalmy 106:46

И Ёв кэрдя́ адя́кэ, со одолэ́, савэ́ притасавэнас лэн, лынэ́ тэ тангинэн лэн.

Ниеми́я 1:11

Мэ манга́ва зоралэ́с Тут, Раё Дэ́вла! Тэ явэ́л Тыро́ кан откэрдо тэ шунэ́л па́тери (моли́тва) Тырэ́ писхарискиро и па́тери Тырэ́ писхарьенгиро, савэ́ камэ́на тэ лэн шукарипэ́н анги́л Тыро́ Лав. И тэ дэс Ту лачхыпэн Тырэ́ писхари́скэ акана́, и тэ дэс лэ́скэ ла́ска кадасавэ́ манушэ́стэ. Мэ со́мас моля́киро дыибна́ри (кучика́ри) крали́стэ.

Pritčy 21:1

Крали́скиро ило́ исын дрэ Ра́скирэ-Дэвлэ́скирэ васта́ сы́рбы панитка ручаи, со тхадэна: Ёв рискирэ́ла лэн, сыр Лэ́скэ исын трэй.

Vygiiben 2:5

И фараоноскири чхай выгия́ пэ рэка (лэнь) тэ морэлпэ, а ла́кирэ дынарицы (слугицы) псирдэ́ пир брэ́го рэкакиро (лэнякиро). Ёй дыкхця́ машкира́л тришчына кхудо, и бичхадя́ пэскирья́ дына́рица тэ лэл лэс.

Vygiiben 2:7

И пхэндя́ лэ́скири пхэн фараоно́скирэ чхакэ: “Ци тэ на спсирав ма́нгэ и тэ кхарав кэ ту Юдыцэндыр чараибнарка, соб (кай) ёй тэ чаравэл ту́кэ тыкнэмасэс?”

Ереме́ё 34:9

соб (кай) кажно (сва́ко) ману́ш тэ отмэкэ́л пэ во́ля пэ́скирэ муршканэ́ и джувликанэ писхари́с – Юдос, ци Юдыца, соб (кай) ние́кх лэ́ндыр тэ на рикирэ́л Юдэёс (Юдос) пшалэ́с дрэ наволя.

Vygiiben 1:22

Тэды фарао́но припхэндя́ сарэ́нгэ пэ́скирэ манушэ́нгэ: “Кажнонэс чхавэ́с, саво́ бияндёла Юдэ́ндэ, чхурдэ́н дрэ рэка (лэнь); а кажнона чха ячкирэн тэ дживэ́л.”