Vygiiben 19:5 - Библия - Пэ Балтитко Романи чиб (Романэс) 2019

⁵ адя́кэ, ко́ли тумэ́ явэ́на тэ шунэ́н Мири́ зан и тэ ракхэ́н дрэ годы́ Миро завето (доракирибэ́н), тэды тумэ́ явэ́на Мирэ́ выкэдынэ́ народоса сарэ́ манушытконэ́ нацые́ндыр, пал-дова́ со сари́ пхув исын Мири́,

Biblija - Pe Baltitko Romani čib (Romanes) 2019

⁵ adiáke, kóli tumé javéna te šunén Mirí zan i te rakhén dre godý Miro zavieto (dorakiribén), tedy tumé javéna Miré vykedyné narodosa saré manušytkoné nacyiéndyr, pal-dová so sarí phuv isyn Mirí,

Vygiiben 19:5 Referans Kwoze

Яви́р Зако́но 14:2

пал-дова́ со тумэ́ сан свэ́нта мануша́ Растэ-Дэвлэ́стэ, Дэвлэ́стэ тумарэстэ, и тумэн выкэдыя́ Рай Дэвэ́л, соб (кай) тумэ́ тэ явэ́н екх Лэ́скирэ мануша́ сарэ́ манушэ́ндыр, савэ́ исын пэ пхув.

Яви́р Зако́но 7:6

пал-дова́ со Растэ-Дэвлэ́стэ, тумарэ́ Дэвлэ́стэ, тумэ́ сан свэ́нта мануша́: тумэн выкэдыя́ Рай Дэвэ́л, Дэвэ́л тумаро́, соб (кай) тумэ́ тэ явэ́н екхэ Лэ́скирэ мануша́ (манушэ́нца) сарэ́ манушэ́ндыр, савэ́ исын пэ пхув.

Яви́р Зако́но 26:18

И Рай Дэвэ́л ададывэ́с чхудя́ Лэ́скири зор пэ дава́, сыр Ёв дыя́ лав ту́кэ, со ту явэ́са екхэ Лэ́скирэ манушэ́ндыр, ко́ли ту явэ́са тэ ракхэ́с сарэ́ Лэ́скирэ припхэныбэна́,

Малахия 3:17

Ёнэ явэ́на Мирэ́, – ракирэ́ла янголэ́нгирэ-болыбна́скиро Рай Дэвэ́л, – дро дова́ дывэ́с, сыр Мэ кэра́ва лэ́ндыр Миро кучипэ́н. И Мэ ява́ва тэ тангинав (жалинав) лэн, сыр о ману́ш тангинэла Пэ́скирэ чхавэ́с, саво́ дынаринэла лэ́скэ.

Vygiiben 15:26

И пхэндя́: “Ко́ли ту явэ́са тэ шунэ́с ракхунэс Ра́скирэ-Дэвлэ́скири, тырэ́ Дэвлэ́скири зан, и тэ кэрэ́с лачхипэ́н анги́л Лэ́скирэ якха́, и тэ шунэ́с Лэ́скирэ припхэныбэна́, и тэ ракхэ́с сарэ́ Лэ́скирэ упхэныбэна́, тэды Мэ на лыджа́ва пэ ту́тэ ни екх дукхэндыр, савэ́ Мэ лыджиём пэ Еги́пто, пал-дова́ со Мэ сом Рай Дэвэ́л, Тыро́ састякирибнари.”

Psalmy 135:4

Ёв выкэдыя́ Яково́с ваш Пэ́скэ, а Израилё сыр Пэ́скиро миштыпэ́н.

Яви́р Зако́но 4:20

А тумэн лыя́ Рай Дэвэ́л и вылыджия́ тумэн саструнэ́ бовэстыр, Египто́стыр, соб (кай) тумэ́ тэ явэ́н Лэ́скирэ мануша́ Лэ́скирэ мэкнэ́ миштыпна́стыр, сыр дава́ акана́ бицяло́.

Vygiiben 23:22

Ко́ли ту явэ́са тэ шунэ́с Лэ́скири зан и тэ кэрэ́с саро́, со Мэ пхэна́ва, тэды Мэ ява́ва вэргоса (врогоса) тырэ́ вэргэ́нгэ и намалэса (противникоса) тырэ́ намалэнгэ.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Яви́р Зако́но 10:14

Акэ, Растэ-Дэвлэ́стэ, тырэ́ Дэвлэ́стэ, исын болыбэ́н и болыбна́скиро болыбэ́н, пхув и саро́, со исын пэ ла́тэ;

Vygiiben 9:29

Мо́йза пхэндя́ лэ́скэ: “Сыр сыг мэ выджава форо́стыр, и ґазда́ва мирэ́ васта́ кэ Рай Дэвэ́л; то гро́мы пириячэна, и градо буты́р на явэ́ла, соб (кай) ту тэ уджинэс, со пхув исын Раскири-Дэвлэ́скири;”

Psalmy 24:1

Давидо́скиро Пса́лмо. Сари́ пхув исын Дэвлэ́скири и саро́, со исын дро свэ́то, исын Лэ́скиро, и сарэ́, кон дживэ́ла пэ дава́ свэ́то (лот).

1 Коринфянэнгэ 10:26

Пал-дова́ со пхув исын Дэвлэ́скири и саро́, со исын пэ пхув, исын Дэвлэ́скиро.

Ióvo 41:11

[18] Лэ́скирэ мо́стыр джа́на дуда, со хачона, и тыкнэ́ ягорья вурняна сы́гэс сыр карэдынятыр.

Яви́р Зако́но 5:2

Рай Дэвэ́л, Дэвэ́л амаро́, чхудя́ амэ́нца завето (доракирибэ́н) пэ Хориво;

Юдэ́нгэ 11:8

Патяибна́са Авраа́мо, саво́ сыс кхардо тэ кандэл и сыс бичхадо́ тэ джал пэ дова́ штэ́то, пал саво́ сыс лэ́скэ дыно́ лав тэ дорэсэл паш; ёв гия́ и на джиндя́, карик ёв джа́лас.

Isajos 43:1

Акана́ адя́кэ ракирэ́ла Рай Дэвэ́л, Саво́ создыя́ тут, Яково, и Саво́ дыя́ джиибэ́н ту́кэ, Израилё: “На дар, пал-дова́ со Мэ выкиндём тут, кхардём тут тырэ́ лавэ́са, ту сан Миро.

Isajos 41:8

Нэ ту, Израилё, сан Миро писха́ри, Яково, конэ́с Мэ выкэдыём, Аврамос, Мирэ́ малэс (другос).

Psalmy 25:10

Рай Дэвэ́л лыджа́ла пэ́скирэ дромэ́са одолэ́н, савэ́ приракхэна Лэ́скиро Зако́но и припхэныбэна́, лачхэ́-илыткимаса и чачипна́са.

1 Kralip 15:22

И отпхэндя́ Самуи́ло: “Нау́што цэ́ло схачкирибэ́н и свэ́нта яныбэна́ Ра́скирэ-Дэвлэ́скирэ пэ ада́кицы исын дро́га Ра́скэ-Дэвлэ́скэ сыр тэ кандэс Ра́скирэ-Дэвлэ́скири зан? Кандыпэн исын фэды́р свэнтонэ́ яныбнастыр и тэ пришунэспэ кэ Рай Дэвэ́л исын фэды́р бакрэскирэ масэстыр;

Isúso 24:24

Мануша́ пхэндлэ́ Исусо́скэ: “Амарэ́ Ра́скэ-Дэвлэ́скэ, Дэвлэ́скэ, амэ ява́са тэ дынарина́с, и Лэ́скири зан (глос) ява́са тэ шунас”.

Isajos 1:19

Ко́ли тумэ́ закамэна и явэ́на тэ кандэ́н, то тумэ́ явэ́на тэ хан лачхипэ́н пхувья́киро.

3 Kralip 8:53

Пал-дова́ со Ту выкэдыян лэн Пэ́скэ дрэ миштыпна́скири ме́ра сарэ́ манушэ́нгирэ пхувья́тыр, сыр Ту пхэндя́н пирда́л Мойзастэ, Тырэ́ писхаристэ, ке́ли вылыджиян амарэн дадэн Египто́стыр, Раё Баро́, Раё Дэ́вла!’”

Яви́р Зако́но 28:1

Ко́ли ту, [ке́ли пириджана пал Иорда́но-р.с.], явэ́са тэ шунэ́с Ра́скирэ-Дэвлэ́скири, тырэ́ Дэвлэ́скири зан, и явэ́са ракхунэс тэ кэрэ́с саро́ пир сарэ́ Лэ́скирэ припхэныбэна́, савэ́ мэ припхэнава ту́кэ ададывэ́с, тэды Рай Дэвэ́л, Дэвэ́л тыро́, чхувэ́ла тут вучэды́р сарэ́ манушэ́ндыр пэ пхув;

Isajos 56:4

Пал-дова́ со Рай Дэвэ́л адя́кэ ракирэ́ла пал адасавэ́ манушэ́ндэ (евнухэндэ): “Ко́ли ёнэ ракхэна Мирэ́ са́ваты (суботы), выкэдэна дова́, со исын лачхо́ Ма́нгэ, рикирэ́на Миро завето.

Vygiiben 24:7

и лыя́ заветоскири лылвари́, и прогиндя зоралэ́с (дыя́ упрэ́) манушэ́нгэ, и пхэндлэ́ ёнэ: “Саро́, со пхэндя́ Дэвэ́л, кэра́са и ява́са тэ кандас.”

Ереме́ё 7:23

Нэ, акэ, со Мэ припхэндём лэ́нгэ, пхэни́: “Шунэ́н мири́ зан и Мэ ява́ва тумаро́ Дэвэ́л, и тумэ́ явэ́на Мирэ́ мануша́. И дживэ́н адя́кэ, сыр Мэ припхэндём тумэ́нгэ, соб (кай) тэ явэ́л миштэ́с тумэ́нгэ.”

Яви́р Зако́но 11:27

бахтякирибэ́н, ко́ли тумэ́ шунэ́на припхэныбэна́ Ра́скирэ-Дэвлэ́скирэ, тумарэ́ Дэвлэ́скирэ, савэ́ мэ ракира́ва тумэ́нгэ ададывэ́с,

1 Коринфянэнгэ 10:28

Нэ ко́ли вари-кон пхэнэ́ла тумэ́нгэ: ґа́да, исын яндло сыр свэ́нто дыибэ́н, на хан ваш одолэ́ манушэ́скэ, саво́ пхэндя́ дава́ лав тумэ́нгэ, соб (кай) адалэ́ манушэскири ладж тэ явэ́л штыл;

Яви́р Зако́но 14:21

На хан ни саво́ муло́ мас; манушэ́скэ явирэ рига́тыр, саво́ явэ́ла дро тыро́ кхэр, отдэ́ лэ́скэ, ёв мэк тэ хал лэс, ци бикин лэ́скэ, пал-дова́ со тумэ́ сан мануша́ свэ́нта Растэ-Дэвлэ́стэ, тырэ́ Дэвлэ́стэ. На кэра́в бузнорэс дро тхуд лэ́скирэ дакирэса.

Ереме́ё 10:16

Яковоскири до́ля нанэ кадасави сыр лэ́нгири, пал-дова́, со Ёв, Кон создыя́ саро́, и Кон выкэдыя́ Израилё сыр Лэ́скиро миштыпэ́н, исын болыбна́скирэ-янголэ́нгиро Рай Дэвэ́л и дава́ исын Лэ́скиро лав.

Гиленгири (Соломоно́скири) Гилы́ 8:12

Нэ мири́ винаграды́тко у́нта исын пашы́л ма́ндэ. Ту́кэ, о Соломо́нэ, мэк тэ явэ́л бар (тысёнцо), а дуй шэла́ одолэ́нгэ, савэ́ ракхэна барьякирдэ́ (пло́ды).

Юдэ́нгэ 8:9

нэ нанэ дасаво завето, саво́ Мэ кэрдём лэ́нгирэ дадэ́нца дро дова́ часо, ке́ли Мэ лыём пал васт лэн, соб (кай) тэ вылыджав Египто́скирэ пхувья́тыр. Ёнэ на ячнэ́пэ зоралэ́ дро патяибэ́н и Мэ на прилыём илэ́са лэн.

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Džiibén 17:9

И Дэвэ́л пхэндя́ Авраамо́скэ: “Ту ракх Миро Завето, ту и тырэ́-чхавэ́нгиро ро́до пало́ ту́тэ дрэ лэ́нгирэ-родэнгирэ стрэ́чы (поколении).

Vygiiben 6:7

и Мэ прилава тумэн Пэ́скэ сыр манушэ́н и Мэ ява́ва тумэ́нгэ Дэвлэ́са, и тумэ́ уджинэна, со Мэ сом Рай Дэвэ́л, Дэвэ́л тумаро́, вылыджии тумэн Египто́скирэ дынарибнастыр;

Vygiiben 8:22

и дрэ дова́ дывэ́с Мэ чхува́ва дрэ риг Гесемоскири пхув, пэ сави́ исын Мирэ́ мануша́, и одо́й на явэ́на джукланэ пушума; соб (кай) ту тэ джинэ́с, со Мэ, Рай Дэвэ́л, сом машки́р пхув;

Яви́р Зако́но 28:9

Чхувэ́ла тут Рай Дэвэ́л Пэ́скирэ манушэ́нца свэнтонэнца, сыр Ёв совлахадя́ ту́кэ, ко́ли ту явэ́са тэ ракхэ́с припхэныбэна́ Ра́скирэ-Дэвлэ́скирэ, Дэвлэ́скирэ тырэскирэ, и явэ́са тэ псирэ́с Лэ́скирэ дромэ́нца;

1 Паралипоменоно 17:22

Ту кэрдя́н Тырэ́ Израилёскирэ манушэ́н, Пэскирэнца манушэ́нца пэ ве́ко, и Ту, Раё Дэ́вла, яця́н лэ́нгирэ Дэвлэ́са.

Езэкилё 16:8

Тэ проджавас Мэ одо́й, кай ту са́нас, и Мэ удыкхавас тут. Акэ, дава́ сыс тыро́ часо, камлыпнаскиро часо. Лыём Мэ Мирэ́ урибэна́, учхакирдём тыро́ нангипэ́н; дыём совэ́л ту́кэ, кэрдём доракирибэ́н ту́са, – ракирэ́ла Рай Дэвэ́л, Дэвэ́л, – ту яця́н Мири́.

Amoso 3:2

“Тумэ́ сан екх кхэри́тко ро́до сарэ́ родэндыр пэ пхув, савэ́скэ Мэ кэрдём паты́в, палдава́ Мэ пхарэ́с сэндякирава тумэн пал саро́ тумаро́ чорипэ́н.”

Amoso 6:1

Бида тумэ́нгэ, кон прилэ́ла джиибэ́н локхэс, и савэ́ исын наракхибнытка (беспечна) дро патяибэ́н пэ бэ́рга дрэ Сама́рия, – тумэ́, славутна мануша́ барэ́ нацыятыр, кэ савэ́ явэ́ла кхэр Израилёскиро.

Vygiiben 34:9

и пхэндя́: “Ко́ли тэ явэ́л ла́ска ваш ма́нгэ дрэ Тырэ́ якха́, Раё Баро́, тэды мэк тэ джал Рай Баро́ машки́р амэ́ндэ; пал-дова́ со адалэ́ мануша́ исын пхарэ́-шэритка. Отмэк амаро́ чорипэ́н и грэ́хи амарэ́, и кэр амэн Тырэ́ прилыибнаскирэнца (наследникэнца) ваш Тыро́ мэкно́ миштыпэ́н.”

Левито 20:24

и пхэндём Мэ тумэ́нгэ: ‘тумэ́ хулаинэна лэ́нгирэ пхувья́са, и тумэ́нгэ отда́ва дро мэкно́ миштыпэ́н (наследство) пхув, дрэ сави́ тхадэ́ла тхуд и авги́н. Мэ сом Рай Дэвэ́л, тумаро́ Дэвэ́л, саво́ чхудя́ дрэ риг тумэн сарэ́ манушэ́ндыр.

Яви́р Зако́но 9:29

‘А ёнэ исын Тырэ́ мануша́ и Тыри́ миштыпна́скири ме́ра, савья́са Ту вылыджиян лэн Египто́скирэ пхувья́тыр Тырэ́ барэ́ зорья́са и Тырэ́ вучэ́ псикэса.’

Яви́р Зако́но 26:19

и со ёв чхувэ́ла тут вучэды́р сарэ́ манушэ́ндыр, савэ́н Ёв создыя́, пир барипэ́н, пир лав и пир паты́в, и со тумэ́ явэ́на свэ́нта мануша́ Растэ-Дэвлэ́стэ, Дэвлэ́стэ тырэстэ, сыр Ёв ракирдя́.”

Ióvo 41:3

[10] Кон пхэнэлас ма́нгэ, соб (кай) Мэ лэ́скэ тэ плэскирав палэ? Саро́ тэл болыбэ́н исын фэ́ни (то́ка) Миро.

Ереме́ё 13:11

Пал-дова́ со сыр кусты́к ухтылэлапэ зоралэ́с (исын пашто́) кэ пэ манушэ́скиро трушу́л, адя́кэ-паць Мэ кэрдём, соб (кай) саро́ Израилёскиро кхэр и саро́ Юдэя́киро кхэр тэ ухтылэнпэ зоралэ́с кэ Мэ, соб (кай) ёнэ могинэ́нас тэ явэ́л Мирэ́ мануша́, Миро лав тэ шарэ́н и тэ барьякирэ́н Ман; нэ ёнэ на шундлэ́.