Vygiiben 18:9 - Библия - Пэ Балтитко Романи чиб (Романэс) 2019

⁹ Иофоро сыс радо пал сарэ́ бахталэ́ рэ́нды, савэ́ Рай Дэвэ́л кэрдя́ Израилёскэ, ке́ли зракхця́ лэс Египтянэнгирэ вастэ́ндыр.

Biblija - Pe Baltitko Romani čib (Romanes) 2019

⁹ Ioforo sys rado pal saré bahtalé réndy, savé Raj Devél kerdiá Izrailjoske, kiéli zrakhciá les Jegiptianengire vasténdyr.

Vygiiben 18:9 Referans Kwoze

1 Коринфянэнгэ 12:26

И ко́ли екх паш мэнчынэлапэ, сарэ́ паша́ мэнчынэнапэ кхэтанэ́ ла́са; и ко́ли шарэна екх паш, сарэ́ паша́ радынэ́напэ ла́са.

Римлянэнгэ 12:15

Радынэ́нпэ кхэтанэ́ одолэ́ манушэ́нца, савэ́ радынэ́напэ, и ровэ́н кхэтанэ́ одолэ́ манушэ́нца, савэ́ ровэна.

Римлянэнгэ 12:10

сыкавэ́н паты́в екх екхэ́скэ пшалытконэ патыва́са и тангинэн екх екхэ́с: кутякирэн (важынэн) екх екхэ́с;

Isajos 66:10

“Радынэ́нпэ Ерусалимоса, радынэ́нпэ пал лэ́стэ сарэ́, конэ́скэ дро́го исын Ёв! Радынэ́нпэ радыпнаса кхэтанэ́ Лэ́са сарэ́, кон тангинэлас (жалинэлас) пал Лэ́стэ;

Isajos 44:23

Мэк тэ радынэ́лпэ кэ багаипэн болыбэ́н, пал-дова́ со Рай Дэвэ́л кэрдя́ дава́! Мэк тэ годлэл пхувитко хорипэ́н, мэк тэ шуминэн бахтятыр бэ́рги, вэш, сарэ́ кашта́ дро вэш, пал-дова́ со Рай Дэвэ́л выкиндя Яково́с, Ёв ґаздэ́ла Пэ́скири паты́в дро Израилё.

1 Kralip 15:6

И пхэндя́ Са́уло Кинеянэнгэ: “Джа́н, отджан, выджа́н Амаликоскирэ манушэ́ндыр, соб (кай) ма́нгэ тэ на вымарав тумэн лэ́са, пал-дова́ со тумэ́ кэрдэ́ баро́ лачхипэ́н сарэ́нгэ Израильтянэнгэ, келё ёнэ гинэ́ Египто́стыр.” И отгинэ́ Кинеяни Амаликоскирэ манушэ́ндыр.

Isajos 63:7

Пририпирава мэ лачхипэ́н Ра́скирэ-Дэвлэ́скиро и барипэ́н Ра́скирэ-Дэвлэ́скиро пал саро́, со Рай Дэвэ́л дыя́ амэ́нгэ, пририпирава баро́ бахталыпэ́н Лэ́скиро ваш кхэр Израилёскиро, саво́ Ёв кэрдя́ пир Лэ́скиро лачхипэ́н, пир Лэ́скиро баро́ кучипэ́н.

Isajos 44:22

Мэ скхосава (злава) тыро́ чорипэ́н сыр мигла (тумано), тырэ́ грэ́хи сыр о́блоко, обрисёв кэ Мэ, пал-дова́ со Мэ выкиндём тут.