Vygiiben 18:7 - Библия - Пэ Балтитко Романи чиб (Романэс) 2019

⁷ Мо́йза выгия́ гил пэ́скирэ састрэскэ, и кэрдя́ шэрэ́са и чамудя лэс, и пало́ саро́ ёнэ загинэ́ дрэ ша́тра.

Biblija - Pe Baltitko Romani čib (Romanes) 2019

⁷ Mójza vygijá gil péskire sastreske, i kerdiá šerésa i čamudia les, i paló saró jone zaginé dre šátra.

Vygiiben 18:7 Referans Kwoze

Džiibén 29:13

О Лава́но, сыр шундя́ пал Яковостэ, пэ́скирэ-пхэнякирэ чхавэ́стэ; то праста́ндыя муял (гил) лэ́скэ, облыя лэс, и чамудя, и яндя́ лэс дрэ пэ́скиро кхэр; и ёв роспхэндя́ Лаваноскэ дава́ саро́.

3 Kralip 2:19

И загия́ Вирса́вия кэ кра́ли Соломо́но тэ ракирэ́л лэ́скэ пал Адониястэ. Кра́ли уштыя́ анги́л ла́тэ, и поклониндяпэ ла́кэ, и бэсця́ пэ пэ́скиро штэ́то. Чхудэ́ троно и ваш да́кэ кралискирьякэ, и ёй бэсця́ пэ чачо́ (право) васт лэ́скиро.

2 Kralip 11:7

И явдя́ кэ ёв Урия, и роспхуцяпэ лэ́стыр Дави́до, и пал Иовостэ, и пал рэ́нды манушэ́ндэ, и пал марибнаскиро гиибэн.

Džiibén 19:1

И явнэ́ дуй Янго́лы бэльвэле́ дро Содо́мо, ке́ли Лото сыс бэшто́ пашы́л по́рта (вра́ты) дро Содо́мо. Лото дыкхця́ лэн, и уштыя́ тэ пирилэл лэн и кэрдя́ шэрэ́са (клониндяпэ) кэ пхув,

Džiibén 18:2

Ёв ґаздыя́ пэ́скирэ якха́, и дыкхця́, и, ґа́да, трин мурша́ сыс тэрдэ́ маму́й лэ́стэ. Сыр дыкхця́ ёв лэн, то праста́ндыя тэ пирилэл лэн загиибнастыр дрэ ша́тра, и кэрдя́ шэрэ́са (клониндяпэ) кэ пхув,

Džiibén 14:17

Ке́ли ёв рисия́ палэ пало́ Кедорлаомероскиро и кральенгиро розмарибэн, савэ́ исыс лэ́са, то Содомоскиро кра́ли выгия́ анги́л лэ́стэ пэ до́ло Шаве́, со исын акана́ крали́скиро до́ло;

Apostolengiri Butý 28:15

И ке́ли пша́ла дро Римо шундлэ́ пал амэ́ндэ, ёнэ гинэ́ амэн тэ стрэнинэн кэ Апиёскиро Форумо и кэ Трин Кирчымы, а ке́ли Па́вли дыкхця́ лэн, ёв парикирдя Дэвлэ́скэ и яця́ муршканэдыр.

Apostolengiri Butý 20:37

И ёнэ сарэ́ рондлэ́, облэнас лэс и обчамудэнас,

Luka 7:45

Ту на чамудян Ман, а ёй на пирияця́ тэ чамудэл Мирэ́ ґэра́ долэ́ часостыр, ке́ли Мэ явдём.

Psalmy 2:12

Кутякирэн Чхавэ́с, соб (кай) тумэ́ тэ на хасён дромэ́са, а Лэ́скири холы́ сашты́ тэ росхачол сы́гэс. Бахталэ́ исын одолэ́, савэ́ патя́на дрэ Лэ́стэ.

Сэндарьенгири Лылвари́ 11:34

И явдя́ Ефаё дрэ Маси́фа дро пэ́скиро кхэр, и ґа́да, лэ́скири чхай выджа́ла гил лэ́скэ бубноса и кхэлыбнаса; ёй сыс лэ́стэ екх, и на сыс лэ́стэ буты́р ни чхавэ́с, ни чха.

Čysly 22:36

О Вала́ко, шундя́, со джа́ла Валаа́мо, выгия́ тэ пирилэл лэс дро Моавитоскиро фо́ро, саво́ исын пэ ме́жа паш Арноно, со исын пашы́л сама штэ́ты пэ яго́ро (пэ краё).

Džiibén 46:29

О Ёза дыя́ андрэ́ пэ́скиро марибны́тко вурдэ́н, и традыя́ муял (пэ стреч) Израилёскэ, пэ́скирэ дадэ́скэ, дро Гесе́мо, и, дыкхця́ лэс, пыя́ лэ́скэ пэ мэн, и ґара́ (длу́гэс) рондя́ лэ́стэ пэ мэн.

Džiibén 45:15

И чамудя сарэ́н пэ́скирэ пшалэ́н, и рондя́, облыи лэн. Тэ́ньци ракирдэ́ лэ́са лэ́скирэ пша́ла.

Džiibén 31:28

ту на дыя́н ма́нгэ тэ чамудав пэ́скирэ ўнукэн и чхае́н; на годьварэс ту кэрдя́н.

Džiibén 43:26

И явдя́ Ёза кхэрэ́; и ёнэ яндлэ́ лэ́скэ дро кхэр почасту́нки, савэ́ сыс пэ лэ́нгирэ васта́, кэрдэ́ шэрэ́са лэ́скэ кэ пхув.

Vygiiben 4:27

И Дэвэ́л пхэндя́ Аароно́скэ: “Джа́ пэ чхучи́ пхув гил Мойза́скэ. И ёв гия́, и стрэниндяпэ лэ́са пашы́л Дэвлэ́скири бэ́рга, и чамудя лэс.

Vygiiben 18:6

и дыя́ тэ джинэ́л Мойза́скэ: “Мэ, тыро́ састро Иофоро, джа́ва кэ ту, и тыри́ ромны́, и дуй ла́кирэ чхавэ́ ла́са.”

Vygiiben 33:7

Мо́йза лыя́ и чхудя́ пэ́скэ ша́тра пал ста́но, дура́л станостыр, и кхардя́ ла ша́тра скэдыибна́скири, и кажно, кон родыя Рас-Дэвлэ́с, явэ́лас дрэ ша́тра скэдыибна́скири, сави́ сыс пало́ ста́но.

1 Kralip 17:18

а далэ́ дэш кирала (сыры) залыджа тысёнцэнгирэ барыдырэ́скэ, и уджин пал тырэ́ пшалэнгиро састыпэн, и уджин пал лэ́нгирэ трэбимы.”

1 Kralip 17:22

Дави́до ячкирдя́ пэ́скири ноша табороскирэ ракхибнарискэ, и праста́ндыя дро ряды, и, яви, пхуцяпэ пэ́скирэ пшалэ́ндыр пал састыпэн.