Vygiiben 18:19 - Библия - Пэ Балтитко Романи чиб (Романэс) 2019

¹⁹ адя́кэ пошун мирэ́ лава́; мэ да́ва ту́кэ годы́, и Рай Дэвэ́л явэ́ла ту́са: яв ту ваш манушэ́нгэ машкиратунэса (посредникоса) анги́л Растэ-Дэвлэ́стэ и пиридэ Дэвлэ́скэ манушэ́нгирэ рэ́нды;

Biblija - Pe Baltitko Romani čib (Romanes) 2019

¹⁹ adiáke pošun miré lavá; me dáva túke godý, i Raj Devél javéla túsa: jav tu vaš manušénge maškiratunesa (posriednikosa) angíl Raste-Devléste i piride Devléske manušéngire réndy;

Vygiiben 18:19 Referans Kwoze

Čysly 27:5

И яндя́ Мо́йза лэ́нгиро рэ́ндо (де́ло) анги́л Растэ-Дэвлэ́стэ.

Яви́р Зако́но 5:5

мэ со́мас тэрдо́ машки́р Растэ-Дэвлэ́стэ и машки́р тумэ́ндэ дро дова́ часо, соб (кай) тэ пирипхэнав тумэ́нгэ Ра́скирэ-Дэвлэ́скиро лав, пал-дова́ со тумэ́ дара́ндынэ ягатыр и на гинэ́ пэ бэ́рга. Ёв тэды пхэндя́:

Vygiiben 20:19

И пхэндлэ́ Мойза́скэ: “Ра́кир ту амэ́нца, и амэ ява́са тэ шунас, нэ соб (кай) тэ на ракирэ́л амэ́нца Дэвэ́л, соб (кай) амэ́нгэ тэ на мэрас.”

Vygiiben 3:12

И пхэндя́ Дэвэ́л: “Мэ ява́ва ту́са, и, ґа́да, ту́кэ явэ́ла допхэныбэ́н, со Мэ бичхадём тут: ке́ли ту вылыджаса Египто́стыр манушэ́н, то тумэ́ кэрэ́н мангипэ́н Дэвлэ́скэ пэ дая́ бэ́рга.”

Džiibén 39:2

И сыс Рай Дэвэ́л Ёзаса: ёв сыс бахтало́ дрэ рэ́нды (де́лы), и дживдя́ дро пэ́скирэ-хуласкиро Египтяниноскиро кхэр.

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Pritčy 9:9

Подсыклякир годэ́ манушэ́с, и ёв явэ́ла годэдыр, сыкля́кир чачунэ́ (вортэ) манушэ́с и лэ́стэ явэ́ла бутэды́р джиныбэ́н.

2 Kralip 14:17

И пхэндя́ дына́рица тыри́: ‘Мэк тэ явэ́л лав хула́скирэ мирэскирэ, крали́скирэ, дро рама́нё (миро) ма́нгэ, пал-дова́ со хула́й миро, кра́ли, исын сыр Дэвлэ́скиро Янго́ло, и ёв сашты́ (могинэ́ла) тэ вышунэл и лачхипэ́н, и фуипэ́н. И Рай Дэвэ́л, Дэвэ́л тыро́, явэ́ла ту́са.”

Isúso 1:9

Ѓа́да, Мэ ракира́ва ту́кэ: яв зорало́ и муршкано́, на дар и на страхадёв; пал-дова́ со ту́са Рай Дэвэ́л, тыро́ Дэвэ́л, исын усенде (везде), карик ту на джасас”.

Яви́р Зако́но 20:1

Ке́ли ту выджаса пэ марибэ́н проти тырэ́ вэргостэ (врогостэ) и ту явэ́са тэ дыкхэ́с грэн и марибны́тка вурдэна́ и манушэ́н буты́р сыр ту́тэ, тэды на дар лэ́ндыр, пал-дова́ со ту́са исын Рай Дэвэ́л, Дэвэ́л тыро́, Саво́ вылыджия́ тут Египто́скирэ пхувья́тыр.

Vygiiben 18:24

И Мо́йза кандыя́ пэ́скирэ-састрэскирэ лава́, и саро́ кэрдя́, со ёв ракирдя́;

Vygiiben 18:15

И пхэндя́ Мо́йза пэ́скирэ састрэскэ: “Мануша́ явэ́на кэ мэ тэ мангэ́н Дэвлэ́стыр сэ́ндо;

Vygiiben 4:16

и явэ́ла ёв тэ ракирэ́л заме́ст ту́тэ манушэ́нгэ; и адя́кэ ёв явэ́ла тырэ́ уштэ́нца, а ту явэ́са лэ́скэ заме́ст Дэвлэ́стэ;

Vygiiben 4:12

И адя́кэ джа́, и Мэ ява́ва пашы́л тырэ́ ушта́, и высыклякирава тут, со ту́кэ тэ ракирэ́с.”

Vygiiben 18:20

сыкля́кир лэн Дэвлэ́скирэ упхэныбнэнгэ и законэнгэ, сыка́в лэ́нгэ дром Лэ́скиро, пир саво́ лэ́нгэ трэй тэ джа́н, и рэ́нды, савэ́ ёнэ исын бангэ́ тэ кэрэ́н;