Vygiiben 18:11 - Библия - Пэ Балтитко Романи чиб (Романэс) 2019

¹¹ кана́ мэ уджиндём, со Рай Дэвэ́л исын баро́, вучэды́р сарэ́ дэвлорэндыр, дрэ дова́-паць, со́са ёнэ шардэпэ вучэды́р пэ Израильтянэндэ.”

Biblija - Pe Baltitko Romani čib (Romanes) 2019

¹¹ kaná me udžindjom, so Raj Devél isyn baró, vučedýr saré devlorendyr, dre dová-pac', sósa jone šardepe vučedýr pe Izrail'tianende.”

Vygiiben 18:11 Referans Kwoze

Psalmy 95:3

Пал-дова́ со Рай Дэвэ́л исын баро́ Дэвэ́л и баро́ Кра́ли, Саво́ исын вучэды́р сарэ́ дэвлорэндыр.

Vygiiben 15:11

Кон исын сыр Ту, Раё Дэ́вла, машки́р дэвлорэндэ? Кон исын, сыр Ту, най барыдыр свэнтыпнаса, шарибнаса кэ дар Ту, дивэнгиро Кэрибнари?

2 Паралипоменоно 2:5

И Кхэр, саво́ мэ кэра́ва, явэ́ла баро́-баро́, пал-дова́ со древа́н баро́ исын Дэвэ́л амаро́, вучэды́р сарэ́ дэвлорэндыр.

Luka 1:51

Ёв кэрдя́ барэ́ бутя́ Пэ́скирэ мышчаса (вастэ́са), рострадыя одолэ́н, савэ́ исын пхутькирдэ́ и бут камэ́на дрэ пэ́скирэ илэ;

Psalmy 135:5

Пал-дова́ со мэ джино́м, со Рай Дэвэ́л исын баро́ и амаро́ Рай Дэвэ́л исын вучэды́р сарэ́ дэвлорэндыр.

Psalmy 97:9

Пал-дова́ со Ту, Раё Дэ́вла, сан Сано (Най) Вучэды́р сарэ́стыр пир пхув; Ту сан ґаздыно́ древа́н вучэды́р сарэ́ дэвлорэндыр.

1 Паралипоменоно 16:25

Пал-дова́ со баро́ исын Рай Дэвэ́л и исын мол, соб (кай) тэ шарэ́н Лэс, Ёв исын даранэдыр сарэ́ явирэ дэвлорэндыр.

Jakov 4:6

Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”

Psalmy 119:21

Ту сыкадян банг пхутькирдэнгэ, Ту прокосцян одолэ́н, кон гия́ дрэ риг Тырэ́ припхэныбнэндыр.

Ниеми́я 9:10

Ту кэрдя́н знаме́нии (ґертыка́) и ди́вы анги́л фараоностэ и анги́л сарэ́ндэ пэскирэндэ писхарьендэ, и анги́л саро́ лэ́скиро народо, пал-дова́ со Ту джиндян, со ёнэ кэрдэ́ накуч лэ́нца и кэрдя́н пэ́скэ малва кэ ададывэсатуно дывэ́с.

4 Kralip 5:15

И рисия́ ёв кэ Дэвлэ́скиро ману́ш – ёв и сарэ́ лэ́скирэ мануша́, савэ́ сыс лэ́са, и явдя́, и тэрдия́ анги́л лэ́стэ, и пхэндя́: “Ѓа́да, мэ уджиндём, со пэ сари́ пхув нанэ Дэвлэ́с, сыр исын дрэ екх Израилё; и адя́кэ прилэ́ да́ро тырэ́ писхаристыр.”

1 Petr 5:5

Адя́кэ-паць, тэрнэ́ мануша́лэ, кандэ́н пэ́скирэ годэпхурэн, явэ́н ковлэ́-илы́тка екх кэ екх, на шарэ́н пэс екх анги́л явирэ́стэ, пал-дова́ со Дэвэ́л исын проти одолэ́ндэ, кон гинэ́ла пэс вучэды́р явирэндыр, а одолэ́нгэ, кон на шарэла пэс, Ёв дэ́ла васт.

Psalmy 31:23

Мэ пхэндём дро пэ́скиро конфузо: “Мэ сом чхурдыно́ криг Тырэ́ якхэ́ндыр.” Нэ Ту шундя́н мири́ зан, сыр мэ мангдёмпэ Ту́кэ; ке́ли мэ кхардём Тут тэ помогинэс.

Ниеми́я 9:29

Ту пририпирэсас лэ́нгэ тэ дживэ́н пир Зако́но, нэ ёнэ на лыджинэ́ пэ́скиро джиибэ́н адя́кэ, и на шундлэ́ Тырэ́ припхэныбэна́ и гинэ́ на долэ́ дромэ́са, сыр Тыро́ стату́то (уставо) ракирдя́, савэ́нца тэ явэ́л джидо́ ману́ш, ко́ли кэрдя́ бы пир стату́то (уставо), и думо пэ́скиро кэрдэ́ твардо и мэн пэ́скири рикирдэ вучэ́с и на кандэнас Тут.

Ниеми́я 9:16

Нэ ёнэ и дада́ амарэ́ сыс нахрата и рикирдэ пэ́скири мэн вучэ́с, и на шундлэ́ Тырэ́ припхэныбэна́.

3 Kralip 17:24

И ада́я джувлы́ пхэндя́ Илияскэ: “Акана́ мэ лыём тэ джина́в, со ту сан ману́ш Дэвлэ́скиро, и со лав Ра́скиро-Дэвлэ́скиро исын чачуно́ дрэ муй.”

1 Kralip 2:3

На ракирэ́н бут пхутькирдэ́ лава́; налачхэ́ лава́ мэк тэ на выджа́н тумарэ́ уштэндыр; пал-дова́ со Рай Дэвэ́л исын дыкхиб-наскиро Дэвэ́л, и рэ́нды Лэ́стэ сыкадэ.

Vygiiben 14:18

и уджинэна Египтя́ни, со Мэ сом Рай Дэвэ́л, ке́ли сыкава́ва Миро барипэ́н пэ фараоностэ, пэ лэ́скирэ марибны́тка вурдэна́, и пэ лэ́скирэ манушэ́ндэ, савэ́ уклистэ́ пэ грэ́ндэ.”

Vygiiben 14:8

И пхарьякирдя Рай Дэвэ́л Египто́скирэ-крали́скирэ-фараоно́скиро ило́, и ёв традыяпэ пал Израилёскирэ чхавэ́ндэ; Израилёскирэ чхавэ́ гинэ́ тэл вучо́ васт.

Vygiiben 12:12

А Мэ джа́ва дрэ дая́-паць рат пир Египто́скири пхув, и мулякирава кажнонэ́ англатунэ́ биято́с пэ Египто́скири пхув манушэ́стыр кэ кхэри́тко мурда́л, и пэ сарэ́ндэ Египто́скирэ дэвлорэндэ Мэ кэра́ва сэ́ндо. Мэ сом Рай Дэвэ́л.

Vygiiben 10:3

Мо́йза и Ааро́но гинэ́ кэ фарао́но и пхэндлэ́ лэ́скэ: “Адя́кэ ракирэ́ла Рай Дэвэ́л, Дэвэ́л Юдэ́нгиро: ‘Ци ґара́ (длу́гэс) ту явэ́са тэ на явэс дрэ екх годы́ анги́л Ма́ндэ? Отмэк Мирэ́ манушэ́н, соб (кай) ёнэ тэ кэрэ́н Ма́нгэ паты́в;

Vygiiben 5:7

“На дэн буты́р манушэ́нгэ пхус тэ кэрэ́н кирпичо, сыр тася́ и пэ три́то дывэ́с, мэк ёнэ кокорэ́ тэ псирэ́н и тэ кэдэн пэ́скэ пхус,

Vygiiben 5:2

Нэ фарао́но пхэндя́: “Кон исын адасаво́ Рай Дэвэ́л, соб (кай) мэ тэ кандав Лэ́скири зан и тэ отмэкав Израилё? Мэ на джино́м Рас-Дэвлэ́с, и Израилё на отмэка́ва.”

Vygiiben 1:22

Тэды фарао́но припхэндя́ сарэ́нгэ пэ́скирэ манушэ́нгэ: “Кажнонэс чхавэ́с, саво́ бияндёла Юдэ́ндэ, чхурдэ́н дрэ рэка (лэнь); а кажнона чха ячкирэн тэ дживэ́л.”

Vygiiben 1:16

и пхэндя́: “Ке́ли тумэ́ явэ́на тэ бабинэн чхаворэ́н Юдыцэндэ, то тумэ́ дыкхэ́н, сыр ёнэ биянэна: ко́ли явэ́ла чхаво́, тэды мулякирэ́н лэс; а ко́ли чхай, тэды мэк тэ дживэ́л.”

Vygiiben 1:10

акэ, хохаваса лэн, соб (кай) лэн тэ на явэ́л бут, пал-дова́ со, ке́ли явэ́ла марибэ́н, то кхэтанякирэнапэ ёнэ амарэ́ вэргэнца (врогэнца), и джа́на пэ амэ́ндэ, и выджа́на амарэ́ пхувья́тыр.”

Čysly 33:4

дрэ дова́ часо Египтя́ни ґарадэ́ сарэ́н англатунэн чхаворэ́н, савэ́н хасякирдя́ лэ́ндэ Рай Дэвэ́л, и пэ лэ́нгирэ дэвлорэндэ Рай Дэвэ́л кэрдя́ сэ́ндо.