Vygiiben 16:7 - Библия - Пэ Балтитко Романи чиб (Романэс) 2019

⁷ и пэ ра́нко (пэ зло́ко) дыкхэ́на Ра́скирэ-Дэвлэ́скири сла́ва, пал-дова́ со шундя́ Ёв тумаро́ холямо́ ракирибэ́н пэ Растэ-Дэвлэ́стэ: а амэ, кон сам адасавэ́, со тумэ́ ракирэ́на пэ амэ́ндэ?”

Biblija - Pe Baltitko Romani čib (Romanes) 2019

⁷ i pe ránko (pe zlóko) dykhéna Ráskire-Devléskiri sláva, pal-dová so šundiá Jov tumaró xoliamó rakiribén pe Raste-Devléste: a ame, kon sam adasavé, so tumé rakiréna pe aménde?”

Vygiiben 16:7 Referans Kwoze

Isajos 40:5

И сыкадёла Ра́скирэ-Дэвлэ́скиро барипэ́н, и кажно лочь (плоть) дыкхэ́ла зракхибэ́н Ра́скирэ-Дэвлэ́скиро, пал-дова́, со адя́кэ пхэндлэ́ Ра́скирэ-Дэвлэ́скирэ ушта́.”

Čysly 16:11

И адя́кэ ту и сарэ́ тырэ́ мануша́ скэдынэ́пэ проти Растэ-Дэвлэ́стэ. Со исын дасаво Аароноса, со тумэ́ холя́са жалинэнапэ пэ лэ́стэ?”

Joannostir 11:40

Ису́со ракирэ́ла ла́кэ: “Ци Мэ на ракирдём ту́кэ, со ко́ли явэ́са тэ патяс, дыкхэ́са Дэвлэ́скири сла́ва?”

Joannostir 11:4

Ке́ли Ису́со шундя́ пал дава́, Ёв пхэндя́: “Дая́ дукх исын на кэ мэрибэ́н, ёй исын ваш Дэвлэ́скири сла́ва, соб (кай) Чхаво́ Дэвлэ́скиро тэ славинэлпэ пир ла́тэ.”

Isajos 35:2

И явэ́ла пхув гожэс тэ розмэкэлпэ и тэ радынэ́лпэ, явэ́ла радыма́са и годлэнца барипэ́н Ливаноскиро ла́кэ дэ́лапэ, Кармилоскиро и Сароноскиро бариканыпэн; ёнэ явэ́на тэ дыкхэ́н Ра́скирэ-Дэвлэ́скиро, амарэ́ Дэвлэ́скиро барипэ́н.

Vygiiben 40:34

И учхакирдя́ о́блоко скэдыибна́скири ша́тра, и барипэ́н Ра́скиро-Дэвлэ́скиро пхэрдякирдя́ ша́тра;

Vygiiben 16:10

И ке́ли ракирдя́ Ааро́но кэ саро́ Израилёскиро-чхавэ́нгирэ скэдыибэ́н, тэды ёнэ рисинэ́ мо́са пэ чхучи́ пхув, и ґа́да, Раскири-Дэвлэ́скири сла́ва явдя́ дро о́блоко.

Čysly 16:42

И ке́ли скэдынэ́пэ мануша́ проти Мойзастэ и Аароностэ, ёнэ рисинэ́ кэ скэдыибна́скири ша́тра (ски́ния), и ґа́да, о́блоко учхакирдя́ ла, и явдя́ Ра́скирэ-Дэвлэ́скири сла́ва.

Čysly 14:10

И пхэндлэ́ сарэ́ мануша́ скэдыибна́стыр: “Тэ марэс лэн барэ́нца!” Нэ Ра́скирэ Дэвлэ́скири сла́ва зазяиндя дрэ скэдыибна́скири ша́тра сарэ́нгэ Израилёскирэ чхавэ́нгэ.

Čysly 14:27

“Кицы́ адалэ́ холямэ́ мануша́ явэ́на тэ жалинэнпэ холя́са пэ Ма́ндэ? Холямо́ выракирибэн Израилёскирэ чхавэ́нгиро, савэ́са ёнэ жалинэнапэ пэ Ма́ндэ, Мэ шунава.

Vygiiben 24:16

и Ра́скирэ-Дэвлэ́скири сла́ва закэрдя бэ́рга Синаё; и учхакирэ́ла ла о́блоко шов дывэса́, а пэ эфта́то дывэ́с кхардя́ Рай Дэвэ́л кэ Пэ Мойза́с облокостыр.

Vygiiben 24:10

и дыкхнэ́ ёнэ Израилёскирэ Дэвлэ́с; и тэл Лэ́скирэ ґэра́ сыс вари-со, со поджалас сыр буты́ кэрды жужэ́ сапфиростыр, и сыс ясно, сыр кокоро́ болыбэ́н.

Левито 9:6

Тэ́ньци пхэндя́ Мо́йза: “Дава́ исын чачипэ́н, саво́ Рай Дэвэ́л припхэндя́ тэ кэрэ́н тумэ́нгэ, и сла́ва Ра́скирэ-Дэвлэ́скири сыкадёла тумэ́нгэ.”

Vygiiben 16:12

“Мэ шундём Израилёскирэ-чхавэнгири го́дла; пхэн лэ́нгэ: ‘Бэльвэле́ явэ́на тэ хан мас, а пэ зло́ко чалёна марэ́са, и уджинэна, со Мэ сом Рай Дэвэ́л (Яхва́), Дэвэ́л тумаро́.’”

Vygiiben 16:8

И пхэндя́ Мо́йза: “Тумэ́ уджинэна, ке́ли Рай Дэвэ́л бэльвэле́ дэ́ла тумэ́нгэ мас дрэ хабэ́н, а пэ ра́нко маро́, кицы́ тумэ́ камэ́на, пал-дова́ со Рай Дэвэ́л шундя́ го́дла тумари́, сави́ тумэ́ ґаздынэ́ проти Лэ́стэ: а амэ со? Тумари́ го́дла на пэ амэ́ндэ, а пэ Растэ-Дэвлэ́стэ.

Čysly 17:5

и конэ́с Мэ выкэдава, одолэ́стэ дэсто́ лындёла (зацвэтинэла); и адя́кэ Мэ штылякирава Израилёскирэ чхавэ́нгиро ракирибэ́н холя́са, савэ́са ёнэ ракирэ́на пэ амэ́ндэ.”