Vygiiben 16:23 - Библия - Пэ Балтитко Романи чиб (Романэс) 2019

²³ И ёв пхэндя́ лэ́нгэ: “Ѓа́да, со пхэндя́ Рай Дэвэ́л: атася́ откхиныбэн, свэ́нто Ра́скирэ-Дэвлэ́скиро са́вато (субо́та); со трэй тэ пэкэн, пэкэн, и со трэй тэ кэравэн, кэравэн ададывэ́с, а со ячэ́лапэ, отчхувэн и зракхэн кэ ра́нко.

Biblija - Pe Baltitko Romani čib (Romanes) 2019

²³ I jov phendiá lénge: “Ĥáda, so phendiá Raj Devél: atasiá otkhinyben, svénto Ráskire-Devléskiro sávato (subóta); so trej te peken, peken, i so trej te keraven, keraven adadyvés, a so jačélape, otčhuven i zrakhen ke ránko.

Vygiiben 16:23 Referans Kwoze

Левито 23:3

шов дывэса́ сашты́ тэ кэрэ́с буты́, а пэ эфта́то (битринэ́нгиро дэ́што) дывэ́с са́вато (субо́та) тэ откинён, свэ́нто скэдыибэ́н; нисави́ буты́ на кэрэ́н: дава́ исын са́вато Ра́скиро-Дэвлэ́скиро дрэ сарэ́ тумарэ́ кхэра́.

Vygiiben 31:15

шов дывэса́ мэк тэ кэрэ́н рэ́ндо, а пэ эфта́то (битринэ́нгиро дэ́што) дывэ́с са́вато тэ откхинён, ёв исын отдыно́ Ра́скэ-Дэвлэ́скэ: кажно, кон кэрэ́ла рэ́ндо дро саватоскиро дывэ́с, мэк тэ явэ́л отдыно́ мэрибна́скэ;

Luka 23:56

И ке́ли ёнэ явнэ́ палэ, тэды ёнэ кэдынэ ароматытка чарья́ и гудлэ́ драба тэ кхосэн; и ёнэ ячнэ́пэ штыл саватонэ́ (суботонэ́), сыр трэй пир припхэныбэ́н дро Зако́но.

Vygiiben 23:12

Шов дывэса́ кэр тырэ́ рэ́нды, а пэ эфта́то дывэ́с откхинёв, соб (кай) тэ откхинёл тыро́ гурув и тыро́ о́сло (мега́ри), и тэ откхинёл бутя́тыр тырэ́-дынарицакиро чхаво́, и кон явдя́ явирэ рига́тыр.

Sykadyipén 1:10

Дро Ра́скирэ-Дэвлэ́скиро дывэ́с Ду́хо (Фа́но) лыя́ упралыпэ́н пэ ма́ндэ и мэ шундём пала́л зоралы́ зан, сави́ сы́рбы рого́стыр (труба́тыр) ракирдя́:

Čysly 11:8

мануша́ псирдэ́ и скэдэнас ла, и мелиндлэ дрэ жэрновы бэлэдин ци курдэ (толкиндлэ) дрэ ступа, и кэрадэ дрэ кака́ви (котло), и кэрдэ́ ла́тыр марикля; пир смако ёй сыс дасави́-паць, сыр мариклы елеёса.

Vygiiben 16:19

И пхэндя́ лэ́нгэ Мо́йза: “Нико́н тэ на ячкирэл дава́ кэ ра́нко.”

Яви́р Зако́но 5:12

Ракх дывэ́с са́вато (субо́та), соб (кай) свэнтэс тэ ракхэ́с лэс, сыр ракирдя́ ту́кэ Рай Дэвэ́л, Дэвэ́л тыро́;

Ниеми́я 9:13

Ту явдя́н пэ бэ́рга Синаё и ракирдян лэ́нца болыбна́стыр и дыя́н лэ́нгэ чачунэ́ сэнды, патяибнытка зако́ны, лачхэ́ упхэныбэна́ и припхэныбэна́.

Ниеми́я 9:14

Пхэндя́н лэ́нгэ пал свэ́нто Тыро́ са́вато, и припхэныбэна́, и упхэныбэ́н и сэнды пиридыян лэ́нгэ пир Пэ́скирэ писхаристэ, Мойзастэ.

Ереме́ё 17:22

И тэ на вылыджан нисаво́ пхарипэ́н дро саватытко дывэ́с, и тэ на кэрэ́н нисави́ буты́, нэ свэнцякирэн саватытко дывэ́с, сыр Рай Дэвэ́л припхэндя́ тумарэ́ дадэ́нгэ.”

Čysly 11:7

Манна сыс дасави́-паць сыр кориандрытко семё, видоса сыр бдолахо;