Vygiiben 15:16 - Библия - Пэ Балтитко Романи чиб (Романэс) 2019

¹⁶ Мэк тэ пэрэ́л пэ лэ́ндэ дар и траш; Тырэ́-вастэнгирэ славатыр мэк тэ явэ́н ёнэ мута (нема), сыр бар, кэ дава́ часо (цы́ро), пака проджа́на Тырэ́ мануша́, Раё Дэ́вла, кэ дава́ часо, пака проджа́на адалэ́ мануша́, савэ́н Ту дорэсцян.

Biblija - Pe Baltitko Romani čib (Romanes) 2019

¹⁶ Mek te perél pe lénde dar i traš; Tyré-vastengire slavatyr mek te javén jone muta (niema), syr bar, ke davá časo (cýro), paka prodžána Tyré manušá, Rajo Dévla, ke davá časo, paka prodžána adalé manušá, savén Tu dorescian.

Vygiiben 15:16 Referans Kwoze

Psalmy 74:2

Ри́пир Тыро́ скэдыибэ́н, со Ту дорэсцян ґарэдыр, саво́ исын сы́рбы до́ля Тырэ́ миштыпна́стыр. Ри́пир бэ́рга Сио́но, пэ сави́ Ту дживэса.

Яви́р Зако́но 2:25

далэ́ дывэсэ́стыр Мэ ла́ва тэ розмэкав дар и траш анги́л ту́тэ пэ манушэ́ндэ тэл саро́ болыбэ́н; одолэ́, савэ́ шунэ́на пал ту́тэ, затринскирэнапэ и страхадёна ту́тыр.”

1 Kralip 25:37

Злокоса, ке́ли Навало яця́ трязво (нырно), лэ́скири ромны́ роспхэндя́ лэ́скэ пал дава́, и замыя́ дро лэ́стэ ило́ лэ́скиро, и яця́ ёв сыр бар.

Isúso 2:9

И пхэндя́ лэ́нгэ: “Мэ джино́м, со Рай Дэвэ́л отдыя́ дая́ пхув тумэ́нгэ; палдава́ тумэ́ яндлэ́ пэ амэ́ндэ траш, и сарэ́ мануша́ далэ́ пхувья́кирэ ячнэ́ тумэ́ндыр дрэ дар.

2 Petr 2:1

Нэ сыр сыс хоханэ́ проро́ки машки́р манушэ́ндэ, адя́кэ-паць явэ́на и хоханэ́ сыклякирибнаскирэ машки́р тумэ́ндэ, савэ́ явэ́на чораханэ́с тэ ракирэ́н хасибны́тка сыклякирибэна пэ́скирэ кампаниендыр и на явэ́на тэ приґалён Рас-Дэвлэ́с, Саво́ выкиндя лэн, далэ́ ракирибнаса ёнэ янэ́на кокорэ́ пэ́скэ сы́гно хасибэ́н;

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Ереме́ё 31:11

Пал-дова́ со Рай Дэвэ́л выкинэла Яково́с, и Ёв зракхэ́ла лэс кодолэскирэ вастэ́стыр, кон исын зоралэды́р лэ́стыр.

Яви́р Зако́но 11:25

Нико́н на вытэрдёла проти тумэ́ндэ: Рай Дэвэ́л, Дэвэ́л тумаро́, янэ́ла дар анги́л тумэ́ндэ пэ кажно пхув, пэ сави́ тумэ́ тэрдёна, сыр Ёв ракирдя́ тумэ́нгэ.

Vygiiben 11:7

сарэ́ Израилёскирэ чхавэ́ндэ ни пэ манушэ́стэ, ни пэ кхэритконэ́ мурдалэ́ндэ на рискирэ́ла джукэл пэ́скирэ чиба́са, соб (кай) тумэ́ тэ джинэ́н, сави́ рознь кэрэ́ла Рай Дэвэ́л машки́р Египтянэндэ и Израильтянэндэ.

Apostolengiri Butý 20:28

И адя́кэ ракхэ́н пэс и сарэ́ дэвлытконэ́ манушэ́н, савэ́н Свэ́нто Ду́хо (Фа́но) чхудя́ тэ явэ́н кхангирья́кирэ барыдырэ́нца (дыкхибнаскирэнца), соб (кай) тэ ракхэ́н Дэвлэ́скири Кхангири́, сави́ Ёв дорэсця́ Пэ́скэ Лэ́скирэ-Чхавэ́скирэ Ратэ́са.

Isajos 51:10

Ци на ту вышутькирдян мо́рё (дэрья́в); шутькирдян пани́, саво́ исын дро лю́но (адо) хор тэла́л; кэрдя́н мо́рё (дэрья́в) дромэ́са, соб (кай) тэ джа́н мануша́, савэ́н выкиндя Рай Дэвэ́л?

2 Kralip 7:23

И кон исын равно Дырэ манушэ́нгэ Израилёскэ, екхэ манушэ́нгэ пэ пхув, ваш савэ́нгэ явдя́ Рай Дэвэ́л, соб (кай) тэ зракхэ́л лэс Пэ́скэ дрэ манушэ́ндэ, и тэ прославинэл Пэ́скиро лав, и тэ кэрэ́л баро́ и дарано анги́л Тырэ́ манушэ́ндэ, савэ́н Ту лыян Пэ́скэ Египтянэндыр, традыян криг манушэ́н и лэ́нгирэ дэвлорэ́?

1 Kralip 2:9

Пэ́скирэ свэнтонэнгирэ ґэра́ (стопы) Ёв ракхэ́ла, савэ́ на пир зако́но дживэ́на, дро калыпэ́н хасёна; пал-дова́ со на зорья́са ману́ш исын зорало́.

Яви́р Зако́но 32:9

Пал-дова́ со Ра́скирэ-Дэвлэ́скири паш исын Лэ́скирэ мануша́, а Яково исын Лэ́скири ме́ра дро Лэ́скиро мэкно́ миштыпэ́н.

Яви́р Зако́но 32:6

Ци адя́кэ, со тумэ́ отдэна палэ Ра́скэ-Дэвлэ́скэ, мануша́ дылынэ́ и бигодякирэ? Ци на Ёв исын Дад тыро́, Саво́ сыклякирдя́ тут, Саво́ создыя́ тут и чхудя́ тут?

Vygiiben 23:27

Мэ бичхава́ва Мири́ траш (дар) анги́л ту́тэ, и дро конфузо Мэ яна́ва кажнонэ́ манушэ́н, кэ савэ́ ту явэ́са, и Мэ ява́ва тэ обрискирав кэ ту палалэса сарэ́н тырэ́ вэргэ́н;

Džiibén 35:5

И гинэ́ ёнэ. И трашаибэ́н Дэвлэ́скиро сыс пэ пашатынэ фо́рья, и на традынэпэ пал Яково́скирэ чхавэ́ндэ.

Vygiiben 15:5

Валны (вэлны) хорипнастыр зачхакирдэ лэн: ёнэ гинэ́ тэ тасадён дро хорипэ́н, сыр бар.

Vygiiben 15:6

Тыро́ чачо́ васт (десница), Рай Дэвэ́л, славинэлапэ зорья́са; Тыро́ чачо́ васт, Рай Дэвэ́л розрискирдя пэ котэра́ вэргос (врогос).

Vygiiben 15:13

Ту лыджа́са Тырэ́ тангипнаса адалэн манушэ́н, савэ́н Ту зракхця́н, – пролыджаса лэн Тырэ́ зорья́са дрэ Тырэ́ свэ́нта кхэра́.

Vygiiben 18:8

И роспхэндя́ Мо́йза пэ́скирэ састрэскэ пал саро́, со кэрдя́ Рай Дэвэ́л фараоноса и Египтянэнца пал Израилё, и пал саро́ пхарипэ́н, саво́ сыс лэ́нца пэ дром, и сыр зракхця́ лэн Рай Дэвэ́л.

Vygiiben 20:2

“Мэ сом Рай Дэвэ́л, тыро́ Дэвэ́л, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр;

Vygiiben 23:20

Ѓа́да, Мэ бичхава́ва анги́л ту́тэ Янголо́с тэ ракхэ́л тут пэ дром и тэ залыджал тут пэ дова́ штэ́то, саво́ Мэ кэрдём скэдыно́.

Яви́р Зако́но 2:4

и дэ манушэ́нгэ упхэныбэ́н, и пхэн: ‘Тумэ́ явэ́на тэ джа́н пир тумарэ́-пшалэнгирэ пхувья́, Исаво́скирэ чхавэ́нгирэ, савэ́ дживэ́на кэ Сеиро, и ёнэ задарэна (страхадёна) тумэ́ндыр; нэ ракхэ́нпэ, соб (кай) ёнэ,

Isúso 4:24

соб (кай) сарэ́ пхувья́кирэ мануша́ уджиндлэ́, со васт Ра́скирэ Дэвлэ́скиро исын зорало́, и соб (кай) тумэ́ тэ дарэ́н Ра́стыр-Дэвлэ́стыр, Дэвлэ́стыр тумарэстыр, дрэ сарэ́ дывэса́.

Psalmy 105:38

Еги́пто сыс радо, со ёнэ гинэ́, пал-дова́ со пэ лэ́ндэ пыя́ дар Юдэндыр.

Isajos 63:12

Саво́ лыджия́ Мойза́с пал чачо́ васт, Ёв лыджалас Пэ́скирэ зоралэ́ вастэ́са, Ёв розлыджия (укэдыя) анги́л лэ́ндэ пани́, соб (кай) тэ кэрэ́л Пэ́скэ ве́чно лав?

Vygiiben 6:7

и Мэ прилава тумэн Пэ́скэ сыр манушэ́н и Мэ ява́ва тумэ́нгэ Дэвлэ́са, и тумэ́ уджинэна, со Мэ сом Рай Дэвэ́л, Дэвэ́л тумаро́, вылыджии тумэн Египто́скирэ дынарибнастыр;

Vygiiben 23:22

Ко́ли ту явэ́са тэ шунэ́с Лэ́скири зан и тэ кэрэ́с саро́, со Мэ пхэна́ва, тэды Мэ ява́ва вэргоса (врогоса) тырэ́ вэргэ́нгэ и намалэса (противникоса) тырэ́ намалэнгэ.

Psalmy 89:14

Тыро́ псико́ исын зоралыпнаскиро; зорало́ исын Тыро́ васт, вучо́ исын Тыро́ чачо́ васт.

Езэкилё 16:8

Тэ проджавас Мэ одо́й, кай ту са́нас, и Мэ удыкхавас тут. Акэ, дава́ сыс тыро́ часо, камлыпнаскиро часо. Лыём Мэ Мирэ́ урибэна́, учхакирдём тыро́ нангипэ́н; дыём совэ́л ту́кэ, кэрдём доракирибэ́н ту́са, – ракирэ́ла Рай Дэвэ́л, Дэвэ́л, – ту яця́н Мири́.