Vygiiben 15:11 - Библия - Пэ Балтитко Романи чиб (Романэс) 2019

¹¹ Кон исын сыр Ту, Раё Дэ́вла, машки́р дэвлорэндэ? Кон исын, сыр Ту, най барыдыр свэнтыпнаса, шарибнаса кэ дар Ту, дивэнгиро Кэрибнари?

Biblija - Pe Baltitko Romani čib (Romanes) 2019

¹¹ Kon isyn syr Tu, Rajo Dévla, maškír devlorende? Kon isyn, syr Tu, naj barydyr sventypnasa, šaribnasa ke dar Tu, divengiro Keribnari?

Vygiiben 15:11 Referans Kwoze

3 Kralip 8:23

И пхэндя́: “Раё Дэ́вла, Дэвэ́л Израилёскиро! Нанэ адасавэс Дэвлэ́с сыр Ту сан, Саво́ пэ болыбэ́н упра́л и пэ пхув тэла́л; Ту ракхэса завето и тангипэ́н кэ Тырэ́ писха́рья, савэ́ псирэ́на анги́л Ту́тэ илэ́са пэскирэса.

1 Kralip 2:2

Нанэ дасавэс свэнтонэс, сыр Рай Дэвэ́л; пал-дова́ со нанэ явирэ́с, апри́ч Ту́тэ; и нанэ твардэдыр, сыр амаро́ Рай Дэвэ́л.

2 Kralip 7:22

Пир саро́ Ту сан баро́, Раё Дэ́вла миро, Раё Дэ́вла! Палдава́ со нанэ Нико́н дасаво-паць, сыр Ту сан, и нанэ Дэвлэ́с, апри́ч Ту́тэ, пир саро́, со амэ шундя́м пэ́скирэ канэнца.

Sykadyipén 4:8

И кажнонэ́ джидалэстэ сыс шов пхака́ (крылы) пэ сарэ́ рига́, и андрэ́ сыс пхэрдо́ якха́ и дывэсэ́ и раты́ ёнэ ракирэ́нас: “Свэ́нто, Свэ́нто, Свэ́нто исын Рай Дэвэ́л, Сарэзорья́киро, Саво́ сыс исын, и Саво́ трэй исын тэ явэ́л.”

Isajos 6:3

Ёнэ кхарэнас екх екхэ́с и ракирэ́нас: “Свэ́нто, Свэ́нто исын Рай Дэвэ́л, болыбна́скирэ-янголэ́нгиро, сари́ пхув исын пхэрды́ Лэ́скирэ барипнаса!”

Яви́р Зако́но 3:24

“Баро́ Раё, Раё Дэ́вла, Ту лыян тэ сыкавэс Тырэ́ писхари́скэ сла́ва Тыри́ и зорало́ васт Тыро́; пал-дова́ со, саво́ дэвэл исын пэ болыбэ́н, ци пэ пхув, саво́ могиндя́ бы тэ кэрэ́л дасавэ́ рэ́нды, сыр Тырэ́, и зорья́са дасавьяса, сыр Тыри́ исын?

Psalmy 86:8

Нанэ ние́кх дасаво машки́р дэвлорэндэ, сыр Ту сан, Раё Дэ́вла, ние́кх на кэрэ́ла дасавэ́ бутя́, сыр Ту.

Psalmy 77:14

Дэ́вла! Саро́, со Ту кэрэ́са, исын свэ́нто: кон исын дасаво баро́, сыр Ту сан, Дэ́вла?

Sykadyipén 15:4

Кон исын одова́, саво на дарэ́ла Ту́тыр, Раё Дэ́вла, И кон на славинэла Тыро́ Лав? Пал-дова́ со Ту сан Екх Свэ́нто, пал-дова́ со сарэ́ мануша́ явэ́на, и ёнэ поклонинэнапэ патыва́са анги́л Ту́тэ пал-дова́, со Ту чачунэ́с приджинэса манушэ́н анги́л бангипэн!”

Isajos 40:25

Со ж тумэ́ пхэнэ́на пал Ма́ндэ, пэ конэ́стэ Мэ зджава (поджава)? Конэса тумэ́ прироўнинэна (припарувэна) Ман,” – ракирэ́ла Свэ́нто.

Яви́р Зако́но 33:26

Нанэ явирэ Дэвлэ́с (нанэ яви́р Дэвэ́л) дро Израилё, Саво́ исын пир болыбэ́н, Саво́ явдя́ тэ дэл васт (тэ помогинэл) ту́кэ, и Саво́ исын дрэ Лэ́скири сла́ва пэ о́блоки;

Psalmy 77:19

Тырэ́-громоскири зан (глос) сыс барэ́ штормо́са, блискави́цы кэрдэ́ зяиндло дуд пир саро́ свэ́то, пхув израндыя и тринскирдяпэ.

Isajos 40:18

Пэ конэ́стэ зджа́ла (поджала) Дэвэ́л, со тумэ́ пхэнэ́на? И со пэ Лэ́стэ зджа́ла (поджала)?

Psalmy 35:10

Сарэ́ мирэ́ кокалы́ сы́рбы пхэнэ́на кхэтанэ́ ма́нца: “Раё Дэ́вла, кон жа исын дасаво, саво́ подджа́ла пэ Ту́тэ. Ту зракхэ́са бизорья́кирэ манушэ́с одолэ́стыр, кон исын зоралэды́р лэ́стыр; Ту зракхэ́са одолэ́с, саво́ хала́ дукха́ и савэ́с тасавэна; кодолэ́с, саво́ исын дрэ трэ́бима одолэ́стыр, кон чорэла лэ́стыр.”

Vygiiben 8:10

Ёв пхэндя́: “Атася́.” Мо́йза отпхэндя́: “Явэ́ла пир тыро́ лав, соб (кай) ту тэ джинэ́с, со нанэ никонэ́с, сыр Рай Дэвэ́л, Дэвэ́л амаро́;

Psalmy 66:5

Явэ́н и дыкхэ́н пэ Дэвлэ́скирэ бутя́! Саво́ зоралыпэ́н исын Тырэ́ бутендыр, со Ту кэрдя́н манушэ́скирэ чхавэ́нгэ, со́стыр аж вэ́рги страхадёна.

Ереме́ё 49:19

Акэ, о Навуходоносо́ро ґаздэ́лапэ сыр шчэр (ле́во) Иорданоскирэ бэргицэндыр проти зорьякирдэ кхэратунэ штэ́ты, и Мэ зачхувава Эдо́мо тэ нашэ́л лэ́скирэ штэтэ́ндыр. И кон исын выкэдыно ману́ш, савэ́с Мэ ґаздыём упрэ́ пэ лэ́ндэ? Пал-дова́ со кон исын адасаво́ сыр Мэ сом? И кон пхучэлапэ отпхэныбэ́н Ма́ндыр? Кон выкхарэла Ман? И кон исын адасаво́ чхупна́ри (пастырё), кон дэ́ла ра́да тэ тэрдёл анги́л Ма́ндэ?

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Psalmy 145:17

Рай Дэвэ́л исын чачипна́скиро дро саро́, со Ёв кэрэ́ла и Ёв исын лачхо́ дро сарэ́ Лэ́скирэ рэ́нды (де́лы).

Ереме́ё 10:16

Яковоскири до́ля нанэ кадасави сыр лэ́нгири, пал-дова́, со Ёв, Кон создыя́ саро́, и Кон выкэдыя́ Израилё сыр Лэ́скиро миштыпэ́н, исын болыбна́скирэ-янголэ́нгиро Рай Дэвэ́л и дава́ исын Лэ́скиро лав.

Psalmy 119:120

Мири́ лоч (плоть) издрала дара́тыр анги́л Ту́тэ; ма́ндэ исын трашаибэ́н анги́л Тыро́ сэ́ндо.

Luka 12:5

Нэ Мэ сыкава́ва тумэ́нгэ, конэ́стыр трэй тэ дарэ́н: дарэ́н кодолэстыр, конэ́стэ исын зоралыпэ́н тэ чхурдэл тумэн дро геена. Чачо́, Мэ пхэна́ва тумэ́нгэ: дарэнпэ лэ́стыр!

Psalmy 90:11

Кон джинэ́ла Тырэ́-холякири зор? Кон уґалёла дар, со явэ́ла Тырэ́ холякирибнастыр?

Левито 19:2

“Ра́кир сарэ́ скэдыибнаскэ Израилёскирэ чхавэ́нгирэ и пхэн лэ́нгэ: ‘Явэ́н свэ́нта, пал-дова́ со Мэ сом свэ́нто Рай Дэвэ́л, Дэвэ́л тумаро́.

Isajos 30:11

Зджан дромэ́стыр, уджан дромэ́стыр, залэн амарэ́ якхэ́ндыр Свэнтонэ́-Израилёскирэ Дэвлэ́с.”

Psalmy 89:18

Пал-дова́ со Ту дэ́са сла́ва лэ́нгирэ зорьякэ, и Ту ґаздэса амэн вучэ́с Тырэ́ ласкаса.

Sykadyipén 13:4

И ёнэ клониндлэпэ патыва́са рискирибна́скирэ мурдалэскэ, ракири́: “Кон исын адасаво́, сыр дава́ рискирибна́скиро мурда́л? Кон могинэ́ла (саштынэла) тэ марэ́лпэ лэ́са?”

Vygiiben 3:20

и Мэ ґазда́ва Миро васт, и Мэ дивакирава (здивинава) Еги́пто сарэ́ Мирэ́ дивэнца, савэ́ кэра́ва машки́р лэ́ндэ; и пало́ дава́ ёв отмэкэ́ла тумэн.

Vygiiben 9:14

пал-дова́ со дава́ мо́ло Мэ бичхава́ва сарэ́ Мирэ́ мэрибнытка фра́нсы (язвы) дро тыро́ ило́, и пэ тырэ́ дынарьендэ, и пэ тырэ́ манушэ́ндэ, соб (кай) ту тэ джинэ́с, со нанэ адасавэс, сыр Мэ сом, пир сари́ пхув;

Vygiiben 18:11

кана́ мэ уджиндём, со Рай Дэвэ́л исын баро́, вучэды́р сарэ́ дэвлорэндыр, дрэ дова́-паць, со́са ёнэ шардэпэ вучэды́р пэ Израильтянэндэ.”

Vygiiben 20:3

мэк тэ на явэ́л ту́тэ явирэ́н дэвлэн анги́л Ма́ндэ.

2 Паралипоменоно 2:5

И Кхэр, саво́ мэ кэра́ва, явэ́ла баро́-баро́, пал-дова́ со древа́н баро́ исын Дэвэ́л амаро́, вучэды́р сарэ́ дэвлорэндыр.

2 Паралипоменоно 6:14

и пхэндя́: “Раё Дэ́вла, Дэ́вла Израилёскиро! Нанэ Дэвлэ́с, адасавэс сыр Ту сан, ни пэ пхув, ни пэ болыбэ́н. Ту ракхэса завето и тангипэ́н кэ Тырэ́ писха́рья, савэ́ псирэ́на анги́л Ту́тэ сарэ́ пэ́скирэ илэ́са.

Psalmy 22:23

Мэ ява́ва тэ выпхэнав Тыро́ лав мирэ́ пшалэ́нгэ, Мэ ява́ва тэ шара́в Тут машкира́л манушэ́ндэ, савэ́ скэдэ́напэ тэ клонинэнпэ патыва́са Ту́кэ.

Psalmy 113:5

Кон исын дасаво-паць сыр Рай Дэвэ́л, амаро́ Дэвэ́л, Саво́ хулаинэла вучипна́стыр;

Psalmy 136:4

Лэ́скэ, Саво́ Кокоро́ кэрэ́ла барэ́ ди́вы, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки:

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.

Vygiiben 8:6

Ааро́но чхудя́ пэ́скиро васт пэ Египто́скиро пани́; и выгинэ́ жамбы, и зачхакирдэ Египто́скири пхув.

Яви́р Зако́но 1:30

О Рай Дэвэ́л, тумаро́ Дэвэ́л джа́ла анги́л тумэ́ндэ, Ёв явэ́ла тэ затэрдёл пал тумэ́ндэ, сыр Ёв кэрдя́ тумэ́нца дрэ Еги́пто, анги́л тумарэ́ якха́,

Яви́р Зако́но 4:34

Ци скэдэласпэ вари-саво́ Дэвэ́л тэ джал, тэ лэл пэ́скэ манушэ́н машки́р явирэ манушэ́ндэ тхагарьенца, знамение́нца (ґертыкэ́нца) и дивэнца, и марибна́са, и зоралэ́ вастэ́са, и вучэ́ вастэ́са, и барэ́ страхаса, сыр кэрдя́ ваш тумэ́нгэ Рай Дэвэ́л, тумаро́ Дэвэ́л, дро Еги́пто анги́л тырэ́ якха́?

1 Паралипоменоно 16:25

Пал-дова́ со баро́ исын Рай Дэвэ́л и исын мол, соб (кай) тэ шарэ́н Лэс, Ёв исын даранэдыр сарэ́ явирэ дэвлорэндыр.

Psalmy 60:2

ке́ли Иоа́во (Джоаба) рисия́, сыр ёв замардя́ дэшуду́й тысенцы Идумиянэн пэ Лондытко До́ло.

Psalmy 77:11

И пхэндём мэ: “Кадава́ исын мири́ илытко дукх, со Най Вучэдырэскиро чачо́ васт парудыя.”

Psalmy 86:10

Пал-дова́ со Ту сан баро́ кэ вучипэ́н и кэрэ́са барэ́ ди́вна бутя́: Ту сан фэ́ни (то́ка) Екх Дэвэ́л.

Isajos 46:9

Пририпирэн дова́, со сыс англэды́р сарэ́стыр, пал-дова́ со Мэ сом Дэвэ́л и нанэ явирэ Дэвлэ́с, нанэ никонэ́с, кон зджа́ла (поджала) пэ Ма́ндэ.