Vygiiben 14:4 - Библия - Пэ Балтитко Романи чиб (Романэс) 2019

⁴ А Мэ пхарьякирава фараоно́скиро ило́, и ёв явэ́ла тэ традэлпэ пал лэ́ндэ, и Мэ сыкава́ва сла́ва Мири́ пэ фараоностэ и пэ сарэ́ лэ́скирэ халадэ́ндэ; и уджинэна Египтя́ни, со Мэ сом Рай Дэвэ́л.” И кэрдэ́ адя́кэ.

Biblija - Pe Baltitko Romani čib (Romanes) 2019

⁴ A Me pharjakirava faraonóskiro iló, i jov javéla te tradelpe pal lénde, i Me sykaváva sláva Mirí pe faraonoste i pe saré léskire xaladénde; i udžinena Jegiptiáni, so Me som Raj Devél.” I kerdé adiáke.

Vygiiben 14:4 Referans Kwoze

Римлянэнгэ 9:17

Свэ́нто ж Чхиныбэ́н ракирэ́ла Фараоно́скэ: “Ваш дова́ Мэ тут и чхудём ра́са, соб (кай) тэ сыкавав пэ ту́тэ Мири́ зор, и соб (кай) тэ явэ́л джиндло́ Миро лав пир сари́ пхув.”

Vygiiben 7:5

тэды Египтя́ни уджинэна, со Мэ сом Рай Дэвэ́л, ке́ли чхува́ва Миро васт пэ Еги́пто и вылыджава Израилёскирэ чхавэ́н Египто́стыр.”

Vygiiben 7:3

нэ Мэ пхарьякирава фараоно́скиро ило́, и кэра́ва бут Мирэ́ знаме́нии (ґертыка́) и Мирэ́ ди́вы пэ Египто́скири пхув;

Vygiiben 9:16

нэ ваш дава́ Мэ тут зракхцём, соб (кай) тэ сыкавав пэ ту́тэ Мири́ зор, и, соб (кай) тэ явэ́л Миро лав выпхэндло пир сари́ пхув;

Vygiiben 7:17

Адя́кэ ракирэ́ла Рай Дэвэ́л: Ту уджинэса далэ́стыр, со Мэ сом Рай Дэвэ́л: ґа́да, далэ́са дэстэса, саво́ исын дро миро васт, мэ пэкавава пир пани́, саво́ дрэ рэка (лэнь), и ёв рисёла дро рат,

Римлянэнгэ 11:8

Сыр и сыс чхиндло́ пал дава́: “Дэвэ́л дыя́ лэ́нгэ дасаво ду́хо (фа́но), со лэ́нгири годы́ исын суты, лэ́нгирэ якха́ на дыкхэ́на и кана́ на шунэ́на кэ ададывэсатуно дывэ́с.”

Езэкилё 39:13

Народо сарэ́ пхувья́тыр явэ́ла тэ гаравэл лэн; баро́ явэ́ла дова́ дывэ́с, ко́ли Мэ сыкава́ва Пэ́скири сла́ва, – ракирэ́ла Рай Дэвэ́л, Дэвэ́л.

Езэкилё 28:22

Пхэн: ‘Акэ, Мэ выджава пэ ту́тэ, Сидоно, тэ прославинавапэ машки́р ту́тэ, и ґалёна, со Мэ сом Рай Дэвэ́л, Дэвэ́л, ке́ли Мэ ява́ва тэ сэндякирав лэс, и ке́ли Мэ сыкава́ва Пэс пир лэ́стэ, со Мэ сом Свэ́нто.

Езэкилё 20:9

Нэ Мэ кэрдём дава́ ваш Миро лав, соб (кай) ёв тэ на магирэлпэ анги́л Наюды́тка на́цыи, кай ёнэ дживэ́нас, и кай Мэ откэрдём/сыкадём Пэс лэ́нгэ, соб (кай) тэ вылыджав лэн Египтосккирэ пхувья́тыр.

Ниеми́я 9:10

Ту кэрдя́н знаме́нии (ґертыка́) и ди́вы анги́л фараоностэ и анги́л сарэ́ндэ пэскирэндэ писхарьендэ, и анги́л саро́ лэ́скиро народо, пал-дова́ со Ту джиндян, со ёнэ кэрдэ́ накуч лэ́нца и кэрдя́н пэ́скэ малва кэ ададывэсатуно дывэ́с.

Vygiiben 18:11

кана́ мэ уджиндём, со Рай Дэвэ́л исын баро́, вучэды́р сарэ́ дэвлорэндыр, дрэ дова́-паць, со́са ёнэ шардэпэ вучэды́р пэ Израильтянэндэ.”

Vygiiben 14:8

И пхарьякирдя Рай Дэвэ́л Египто́скирэ-крали́скирэ-фараоно́скиро ило́, и ёв традыяпэ пал Израилёскирэ чхавэ́ндэ; Израилёскирэ чхавэ́ гинэ́ тэл вучо́ васт.

Римлянэнгэ 9:18

Тэды джинэ́н, со Дэвэ́л тангинэла одолэ́с, конэ́с Ёв кокоро́ выкэдэ́ла, и Ёв пхарьякирэла ило́ одолэ́скэ, кон исын дро́го Лэ́скэ.

Vygiiben 10:27

И пхарьякирдя Рай Дэвэ́л фараоно́скиро ило́, и ёв на закамдя́ тэ отмэкэ́л лэн.

Vygiiben 14:3

И пхэнэ́ла фарао́но пал Израилёскирэ чхавэ́ндэ: “Ёнэ заблэндындэлэ пэ доя́ пхув, запхандя лэн чхучи́ пхув.

Vygiiben 14:5

И пхэндло́ сыс Египто́скирэ крали́скэ, со мануша́ нашнэ́; и рисия́ фараоно́скиро и лэ́скирэ-дынарьенгиро ило́ проти адалэ́ манушэ́ндэ, и ёнэ пхэндлэ́: “Со да мэ кэрдя́м? Палсо́ отмэкцям Израильтянэ́н, соб (кай) ёнэ тэ на кэрэ́н буты́ амэ́нгэ?”

Vygiiben 14:23

Традынэпэ Египтя́ни, и загинэ́ пал лэ́ндэ дрэ паш морёскири сарэ́ фараоно́скирэ граё, лэ́скирэ марибны́тка вурдэна́ и лэ́скирэ мануша́ уклистэ́ пэ грэ́ндэ.

Vygiiben 14:25

и отлыя ро́ты лэ́нгирэ марибнытконэ́ вурдэнэндыр адя́кэ, со ёнэ тырдынэ лэн барэ́ зорья́са. И пхэндлэ́ Египтя́ни: “Прастаса Израильтянэндыр, пал-дова́ со Рай Дэвэ́л исын тэрдо́ пал лэ́ндэ проти Египтянэндэ.”

Левито 10:3

И пхэндя́ Мо́йза Аароно́скэ: “Ѓа́да, пал со ракирдя́ Рай Дэвэ́л, ке́ли Ёв пхэндя́: ‘Дрэ одолэ́ндэ, савэ́ явэ́на пашылэды́р кэ Мэ и Мэ высвэнцынавапэ и анги́л сарэ́ манушэ́ндэ прославинавапэ.’” Ааро́но сыс штыл.

Езэкилё 32:15

Ке́ли Мэ кэра́ва Египто́скири пхув чхучэ́ пхувья́са, ко́ли нашавэла пхув саро́, со пхэрдякирэла ла, ке́ли хасякира́ва сарэ́н, кон дживэ́ла пэ пхув, тэ́ньчи ёнэ ґалёна, со Мэ сом Рай Дэвэ́л.’

Vygiiben 6:7

и Мэ прилава тумэн Пэ́скэ сыр манушэ́н и Мэ ява́ва тумэ́нгэ Дэвлэ́са, и тумэ́ уджинэна, со Мэ сом Рай Дэвэ́л, Дэвэ́л тумаро́, вылыджии тумэн Египто́скирэ дынарибнастыр;

Vygiiben 10:2

и соб (кай) ту тэ роспхэнэс тырэ́ чхавэ́скэ и тырэ́-чхавэ́скирэ чхавэ́скэ пал дова́, со Мэ кэрдём дро Еги́пто, и пал Мирэ́ ди́вы, савэ́ Мэ сыкадём пир лэ́стэ, и соб (кай) тумэ́ тэ джинэ́н, со Мэ сом Рай Дэвэ́л”

Vygiiben 12:28

И гинэ́ Израилёскирэ чхавэ́, и кэрдэ́, сыр пхэндя́ Рай Дэвэ́л Мойза́скэ и Аароно́скэ, адя́кэ и кэрдэ́.

Isúso 11:20

пал-дова́ со Ра́стыр-Дэвлэ́стыр сыс дова́, со ёнэ холякирдэ ило́ пэ́скиро и марибна́са стрэниндлэ Израилё, ваш дова́, соб (кай) тэ явэ́н отдынэ́ совлахакэ и соб (кай) тэ на явэ́л лэ́нгэ отмэкибэн, нэ, соб (кай) тэ явэ́н протрадынэ адя́кэ, сыр припхэндя́ Рай Дэвэ́л Мойза́скэ.

Сэндарьенгири Лылвари́ 4:7

а мэ яна́ва кэ ту, кэ Кисоноскири сы́гно рэ́кица (лэнори́), Сисарас, халадэ́нгирэ барыдырэ́с Навинос, и лэ́скирэ марибны́тка вурдына́ и лэ́скирэ бутэ́ манушэ́н дро халадыбэ́н, и отда́ва лэс дрэ тырэ́ васта́.’”

Езэкилё 38:16

И ту ґаздэсапэ пэ Миро народо, пэ Израилё, сыр о́блоко, соб (кай) тэ учхакирэс пхув, дава́ явэ́ла дрэ палатунэ́ (последня) дывэса́, и Мэ яна́ва тут проти Мири́ пхув, соб (кай) тэ ґалён Ман народы, ко́ли Мэ пэ ту́тэ, Гогэ, сыкава́ва, со Мэ сом Свэ́нто анги́л лэ́нгирэ якха́.

Езэкилё 38:23

И Мэ сыкава́ва, со Мэ сом Баро́ и Свэ́нто, Мэ сыкава́ва Пэс анги́л бутэ́-народэнгирэ якха́, и ёнэ ґалёна, со Мэ сом Рай Дэвэ́л, Дэвэ́л.”