Vygiiben 14:12 - Библия - Пэ Балтитко Романи чиб (Романэс) 2019

¹² Ци на дава́-паць амэ ракирдям ту́кэ дрэ Еги́пто: ‘Ячкир амэн, мэк амэ ява́са тэ кэра́с буты́ Египтянэнгэ?’ Палдава́ со фэды́р амэ́нгэ тэ явас дро дынарибэ́н Египтянэндэ, сыр тэ мэрас пэ чхучи́ пхув.”

Biblija - Pe Baltitko Romani čib (Romanes) 2019

¹² Ci na davá-pac' ame rakirdiam túke dre Jegípto: ‘Jačkir amen, mek ame javása te kerás butý Jegiptianenge?’ Paldavá so fedýr aménge te javas dro dynaribén Jegiptianende, syr te meras pe čhučí phuv.”

Vygiiben 14:12 Referans Kwoze

Jona 4:3

Палдова́ акана́, Раё Дэ́вла, лэ, мэ зоралэ́с манга́ва Тут, миро джиибэ́н ма́ндыр, пал-дова́ со фэды́р исын ваш ма́нгэ тэ мэрав, сыр тэ джива́в.”

Vygiiben 6:9

Мо́йза пирипхэндя дава́ Израилёскирэ чхавэ́нгэ; нэ ёнэ на шундлэ́ Мойза́с пир напатяибэн и пхари́ буты́.

Jona 4:8

И сыс адя́кэ: сыр кхам ґаздыя́пэ, о Дэвэ́л яндя́ хачкирды балва́л вастоко́стыр: и кхам лыя́ тэ пэкэл пэ шэро́ Ёнаскиро адя́кэ, со лэ́скиро ило́ замыя́. Тэ́ньци ёв закамдя́ мулыпэн пэ пэ́стэ, и пхэндя́ ёв: ‘Фэды́р исын ваш ма́нгэ тэ мэрав, сыр тэ джива́в’.

Vygiiben 5:21

и пхэндлэ́ лэ́нгэ: “Мэк тэ дыкхэ́л, и тэ сэндякирэ́л тумэн Рай Дэвэ́л пал дова́, со тумэ́ кэрдэ́ амэн налачхэнца дрэ фараоно́скирэ и лэ́скирэ-писхарьенгирэ якха́, и дынэ́ лэ́нгэ курта́ла дрэ васта́, соб (кай) тэ замарэ́н амэн.

Vygiiben 3:9

И ґа́да, акана́ го́дла Израилёскирэ-чхавэнгири догия́ кэ Мэ, и Мэ дыкха́ва мэ́ньки, савэ́нца лэн мэнчынэна Египтя́ни.

Marko 5:7

и дыя́ го́дла зоралэ́с: “Со Ту́кэ трэй ма́ндыр, Ису́се, Най Вучэдырэскиро Дэвлэ́скиро Чхаво́! Совлаха́ Дэвлэ́са, со на мэнчынэса Ту ман?”

Marko 1:24

“Со Ту́кэ трэй амэ́ндыр, Ису́се Назаретостыр? Ту явдя́н тэ хасякирэс амэн? Мэ джино́м (джина́в), кон Ту адасаво́ сан, Ту сан Свэ́нто Дэвлэ́скиро!”

Osija 4:17

Ефраимо (Израилё) рисия́ кэ и́долы, мэкэ́н лэс кокорэс, екхджинэс.

Vygiiben 13:17

Ке́ли фарао́но отмэкця́ манушэ́н, то Дэвэ́л на лыджия́ лэн пир Филистимия́кирэ-пхувья́киро дром, пал-дова́ со ёй сыс пашы́л; пал-дова́ со Рай Дэвэ́л пхэндя́: “Соб (кай) тэ на пиридуминэн мануша́, сыр дыкхэ́на марибэ́н, и тэ на рисён дро Еги́пто.”

Psalmy 106:7

Амарэ́ дада́ на ґалынэ́ илэ́са Тырэ́ ди́вы дро Еги́пто, ёнэ на рипирдэ Тыри́ бари лачхэ́-илы́ткима; нэ ёнэ ґаздынэ́ бу́нто пэ Ту́тэ, пашы́л Лоло́ мо́рё (дэрья́в).