Vygiiben 13:9 - Библия - Пэ Балтитко Романи чиб (Романэс) 2019

⁹ И мэк тэ явэ́л ту́кэ дава́ шпэраса (знакоса) пэ тыро́ васт и рипирибнаса анги́л тырэ́ якха́, соб (кай) Ра́скирэ-Дэвлэ́скиро зако́но тэ явэ́л дрэ тырэ́ ушта́, пал-дова́ со зоралэ́ вастэ́са вылыджия́ тут Рай Дэвэ́л Египто́стыр.

Biblija - Pe Baltitko Romani čib (Romanes) 2019

⁹ I mek te javél túke davá šperasa (znakosa) pe tyró vast i ripiribnasa angíl tyré jakhá, sob (kaj) Ráskire-Devléskiro zakóno te javél dre tyré uštá, pal-dová so zoralé vastésa vylydžijá tut Raj Devél Jegiptóstyr.

Vygiiben 13:9 Referans Kwoze

Яви́р Зако́но 6:8

и припхандэ лэн сыр шпэ́ра (знако) пэ тыро́ васт, и мэк тэ явэ́н ёнэ сыр пхандлуны (повязка) пэ тырэ́ якха́,

Čysly 15:39

и явэ́на ёнэ дрэ тумарэ́ чиба́ (кисти) ваш дова́, соб (кай) тумэ́, дыкхи́ пэ лэ́ндэ, тэ пририпирэн сарэ́ Ра́скирэ-Дэвлэ́скирэ припхэныбэна́, и тэ кэрэ́н саро́ пир лэ́ндэ, и тэ на псирэ́н пала́л пал тумаро́ ило́ и пал тумарэ́ якха́, савэ́ лыджа́на тумэн кэ кэрэ́н биладжаипэ́н,

Vygiiben 13:16

И мэк тэ явэ́л дая́ шпэ́ра (знако) пэ тыро́ васт и заме́ст пхандлуны (повязка) пэ тырэ́ якха́, пал-дова́ со зоралэ́ вастэ́са Рай Дэвэ́л вылыджия́ амэн Египто́стыр.’”

Vygiiben 12:14

И мэк тэ явэ́л тумэ́нгэ дава́ дывэ́с рипирдо, и свэнкинэн дро дава́ свэ́нко Ра́скэ-Дэвлэ́скэ, дрэ сарэ́ тумарэ́ ро́ды, сыр упхэныбэ́н ве́чно тэ свэнкинэн лэс.

Римлянэнгэ 10:8

Со ракирэ́ла Свэ́нто Чхиныбэ́н? “Лав исын дыно́ ту́кэ, ёв исын дрэ тырэ́ ушта́ и дрэ тыро́ ило́”, ґа́да, исын дова́ лав, савэ́са амэ пхэна́са лав,

Isajos 59:21

“Акэ, исын Миро Завето лэ́нца, – ракирэ́ла Рай Дэвэ́л: Миро Ду́хо (Фа́но), саво́ исын пэ ту́тэ и Мирэ́ лава́, савэ́ чхудём дрэ тырэ́ ушта́, на отджана тырэ́ уштэндыр, на отджана тырэ́ чхаворэндыр, и на отджана лэ́нгирэ-чхаворэнгирэ уштэндыр,” – ракирэ́ла Рай Дэвэ́л, николи на отджана.

Матфеё 23:5

Нэ саро́, со ёнэ кэрэ́на, – дава́ ваш дова́, соб (кай) лэн тэ дыкхэ́н мануша́: ёнэ буґлякирэна пхарты (ленты) пэ чикат и пэ васт мангипнытконэ лавэ́нца и барьякирэна брынды (фальбонки),

Яви́р Зако́но 30:14

Дава́ лав исын древа́н пашы́л кэ ту: ёв исын дрэ тырэ́ ушта́ и дро тыро́ ило́, соб (кай) тэ сполнинэс лэс.

Vygiiben 13:3

И пхэндя́ Мо́йза манушэ́нгэ: “Рипирэн дава́ дывэ́с, дрэ саво́ выгинэ́ тумэ́ Египто́стыр, писхарьенгирэ кхэрэ́стыр, пал-дова́ со зоралэ́ вастэ́са вылыджия́ тумэн Рай Дэвэ́л одотхы́р, и на хан квашэно;

Sykadyipén 18:8

палдава́ фра́нсы, мэрибэ́н, смэнтныма роибнаса и бари бокх явэ́на дро екх дывэ́с пэ ла́тэ. Яг хачкирэ́ла сарэ́са ла, пал-дова́ со Рай Дэвэ́л исын зорало́, Саво́ сэндякирэ́ла ла.

Ioil 2:11

И пхэнэ́ла зоралэ́с Рай Дэвэ́л Пэ́скирэ заня́са (глосаса) сы́рбы грумо анги́л Лэ́скиро халадыбэ́н: пал-дова́ со исын зоралыпнаскирэ Лэ́скирэ марибнаскирэ мурша́. Дывэ́с Ра́скирэ-Дэвлэ́скиро исын баро́ и древа́н трашано, и кон дэ́ла ра́да тэ вырикирэл лэс?

Ереме́ё 22:24

“Мэ сом джидо́”, – ракирэ́ла Рай Дэвэ́л, – мэк Иехония [Кониах-ю.о.], чхаво́ Иоакимоскиро, кра́ли Юдэя́киро, тэ явэ́л сы́рбы ангрусты якхитконэса (печатка) пэ Миро чачо́ васт, нэ Мэ и одотхы́р вытырдавас тут,

Isajos 51:9

Ѓаздэпэ, ґаздэпэ, яв зорало́, васт Ра́скирэ-Дэвлэ́скиро! Ѓаздэпэ сыр дрэ пхуранэ́ бэрша́, ко́ли ґаратуно ро́до дживэлас! Ци на ту хасякирдян Раавос, хасякирдян крокодилос?

Isajos 49:16

Акэ, Мэ чхиндём тут пэ Мирэ́ васта́; ва́нты тырэ́ саро́ часо исын анги́л Ма́ндэ.

Isajos 40:10

Акэ, Рай Дэвэ́л, Дэвэ́л явэ́ла зорья́са и Лэ́скиро васт исын зорья́са. Акэ, мазу́ри (награда) Лэ́скири исын Лэ́са, Ёв отдэ́ла палэ сарэ́нгэ анги́л Пэ́скиро муй.

Isajos 27:1

Дро дова́ дывэ́с чингирэла Рай Дэвэ́л пэ́скирэ куртала́са, сави́ исын пхари́, бари и зоралы́ Левиафонос (драконос), сапэс, саво́ маму́й (прямэс) прастала, и Левиафонос, сапэс, саво́ выкрэнцынэлпэ (диндькирэлапэ), и мулякирэ́ла Рай Дэвэ́л долэ́ даранэ рупучос, саво́ дживэ́ла дро мо́рё (дэрья́в).

Pritčy 3:21

Ми́ро чхаво́! На мэк лэн, соб (кай) тэ джа́н криг тырэ́ якхэ́ндыр: ракх састо́ годыпэ́н и хор розлыибэн:

Pritčy 1:9

пал-дова́ со ёнэ явэ́на сы́рбы бахталыпнаскири вя́нка пэ тыро́ шэро́ и сы́рбы мирикля трусця́л тыри́ мэн.

Psalmy 89:13

Ту создыян паш-рати́тко и паш-дывэсы́тко риг, Фаворо и Ермоно радынэ́напэ Тырэ́ лавэ́стыр.

Ниеми́я 1:10

Ёнэ исын Тырэ́ писха́рья и народо Тыро́, саво́ Ту выкиндян Тырэ́ баря зорья́са и Тырэ́ зоралэ́ вастэ́са.

Яви́р Зако́но 6:6

И мэк тэ явэ́н далэ́ лава́, савэ́ Мэ пхэна́ва ту́кэ ададывэ́с, дро тыро́ ило́;

Гиленгири (Соломоно́скири) Гилы́ 8:6

Причху́в ман пэ тыро́ ило́ сыр чэргэнори́, сыр ангрусты пэ тыро́ васт, пал-дова́ со пирамнипэ́н (камлыпэн) исын зорало́ сыр мэрибэ́н: пирамнипэ́н зэвлынэла сыр маґила (кула); ла́кирэ марибны́тка бустя́ (стре́лы) исын сыр ягитка бустя́, сыр яг, сави́ на мурдёла.

Pritčy 7:23

анги́л, сыр марибны́тко буст (стрела) промарэла пир лэ́скиро кало́ буко (печонка). Дава́ ману́ш исын сы́рбы чириклоро, со сы́гэс прастала дрэ фэлы́ (петля). Ёв на джинэ́ла, со саро́ дава́ хасякирэ́ла лэс.

Vygiiben 3:20

и Мэ ґазда́ва Миро васт, и Мэ дивакирава (здивинава) Еги́пто сарэ́ Мирэ́ дивэнца, савэ́ кэра́ва машки́р лэ́ндэ; и пало́ дава́ ёв отмэкэ́ла тумэн.

Vygiiben 7:4

фарао́но на кандэ́ла тумэн, и Мэ чхува́ва Миро васт пэ Еги́пто, и вылыджава Мирэн халадэ́н, Мирэ́ манушэ́н, Израилёскирэ чхавэ́н, Египто́скирэ пхувья́тыр – барэ́ сэндэнца;

Vygiiben 13:14

И ке́ли коригэды́р (позжэды́р) пхучэла ту́тыр тыро́ чхаво́, ракири́: ‘Со исын дава́?’ Тэды пхэн лэ́скэ: ‘Зоралэ́ вастэ́са вылыджия́ амэн Рай Дэвэ́л Египто́стыр, писхарьенгирэ кхэрэ́стыр.

Psalmy 136:12

зоралэ́ вастэ́са и ґаздынэ́ псикэса, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки.

Isajos 44:5

Екх ману́ш пхэнэ́ла: ‘Мэ сом Ра́скирэ-Дэвлэ́скиро’, яви́р кхарэ́ла пэс Яково́скирэ лавэ́са, три́то чхинэла пэ́скирэ вастэ́са ‘Мэ сом Ра́скирэ-Дэвлэ́скиро,’ и лэс кхарэ́на Израилёскирэ лавэ́са.”

Vygiiben 12:41

Сыр прогинэ́ штаршэла́ трия́нда бэрш, дрэ дова́-паць дывэ́с выгинэ́ сарэ́ Ра́скирэ-Дэвлэ́скирэ отря́ды Египто́скирэ пхувья́тыр раты́.

Яви́р Зако́но 5:15

и ри́пир, со и ту са́нас писхариса пэ Египто́скири пхув, нэ Рай Дэвэ́л, Дэвэ́л тыро́, вылыджия́ тут одотхы́р зоралэ́ вастэ́са и вучэ́ псикэса, палдава́ и пхэндя́ ту́кэ Рай Дэвэ́л, Дэвэ́л тыро́, тэ ракхэ́с дывэ́с са́вато.

Яви́р Зако́но 6:21

то ту тэды пхэн тырэ́ чхавэ́скэ: “Писха́рья амэ са́мас фараоностэ дро Еги́пто, нэ Рай Дэвэ́л вылыджия́ амэн Египто́стыр зоралэ́ вастэ́са;

Сэндарьенгири Лылвари́ 2:12

ёнэ ячкирдэ́ Рас-Дэвлэ́с, пэ́скирэ дадэнги́рэ Дэвлэ́с, Саво́ вылыджия́ лэн Египто́скирэ пхувья́тыр, и рисинэ́ кэ яви́р дэвлорэ́, манушэ́нгирэ дэвлорэ́нгэ, савэ́ сыс пашы́л лэ́ндэ, и лынэ́ тэ мангэ́нпэ лэ́нгэ, и холякирдэ Рас-Дэвлэ́с;

Psalmy 136:11

и Саво́ вылыджия́ Израилё машки́р лэ́ндэ, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки,

Дание́лё 9:15

Акана́, Раё Дэ́вла амаро́, Саво́ лыджия́ Тырэ́ манушэ́н Египто́скирэ пхувья́тыр зоралэ́ вастэ́са и сыкави́ Тыри́ сла́ва, сыр ададывэ́с! Кэрдя́м грэ́хо амэ, кэрдя́м напатывалэс.