Vygiiben 12:16 - Библия - Пэ Балтитко Романи чиб (Романэс) 2019

¹⁶ И дро англатуно́ дывэ́с мэк тэ явэ́л тумэ́ндэ свэ́нто скэдыибэ́н, и пэ эфта́то дывэ́с свэ́нто скэдыибэ́н: ни сави́ буты́ тумэ́нгэ нашты́ тэ кэрэ́н дрэ далэ́ дывэса́; екх со тэ хал кажно ману́ш, екх дава́ сашты́ тэ кэрэ́н тумэ́нгэ.

Biblija - Pe Baltitko Romani čib (Romanes) 2019

¹⁶ I dro anglatunó dyvés mek te javél tuménde svénto skedyibén, i pe eftáto dyvés svénto skedyibén: ni saví butý tuménge naštý te kerén dre dalé dyvesá; jekh so te xal kažno manúš, jekh davá saštý te kerén tuménge.

Vygiiben 12:16 Referans Kwoze

Čysly 28:18

Пэ пэ́рво дывэ́с мэк тэ явэ́л тумэ́ндэ свэ́нто скэдыибэ́н, нисави́ буты́ тэ на кэрэ́н;

Čysly 28:25

И пэ эфта́то дывэ́с мэк тэ явэ́л тумэ́ндэ свэ́нто скэдыибэ́н; на кэрэ́н нисави́ буты́.

Vygiiben 16:23

И ёв пхэндя́ лэ́нгэ: “Ѓа́да, со пхэндя́ Рай Дэвэ́л: атася́ откхиныбэн, свэ́нто Ра́скирэ-Дэвлэ́скиро са́вато (субо́та); со трэй тэ пэкэн, пэкэн, и со трэй тэ кэравэн, кэравэн ададывэ́с, а со ячэ́лапэ, отчхувэн и зракхэн кэ ра́нко.

Čysly 29:12

И пэ дэшупанджто дывэ́с эфта́-чхонэ́скиро мэк тэ явэ́л тумэ́ндэ свэ́нто скэдыибэ́н; нисави́ буты́ тэ на кэрэ́н, и свэнкинэн Ра́скирэ-Дэвлэ́скиро свэ́нко эфта́ дывэса́;

Čysly 29:1

И дро эфта́то чхон, пэ пэ́рво-чхонэ́скиро дывэ́с, мэк тэ явэ́л тумэ́ндэ свэ́нто скэдыибэ́н; на кэрэ́н нисави́ буты́; мэк тэ явэ́л дава́ тумэ́ндэ радымакиро дывэ́с рогоскирэ зникоса (трубакирэ звукоса).

Левито 23:35

пэ пэ́рво дывэса́ свэ́нто скэдыибэ́н, на кэрэ́н нисави́ буты́;

Левито 23:27

“Адя́кэ-паць пэ дэ́што дывэ́с дро дава́-паць эфта́то чхон, дывэ́с тэ жужакирэн пэс, мэк тэ явэ́л тумэ́ндэ свэ́нто скэдыибэ́н; пририкирэн (притасавэн) тумарэ́ дия́, и янэ́н Ра́скэ-Дэвлэ́скэ свэ́нто дыибэ́н;

Левито 23:21

и кхарэ́н манушэ́н дро дава́ дывэ́с, мэк тэ явэ́л тумэ́ндэ свэ́нто скэдыибэ́н, нисави́ буты́ тэ на кэрэ́н: дава́ исын ве́чно упхэныбэ́н дрэ сарэ́ тумарэ́ кхэра́ дрэ тумарэ́ ро́ды.

Vygiiben 20:10

а эфта́то (се́дьмо) дывэ́с – са́вато Ра́скэ-Дэвлэ́скэ, тырэ́ Дэвлэ́скэ: на кэр дро дава́ дывэ́с нисаво́ рэ́ндо (де́ло) ни ту, ни тыро́ чхаво́, ни тыри́ чхай, ни тыро́ писха́ри (рабо), ни тыри́ писхарица, ни тыро́ кхэри́тко мурда́л (ското), ни саво́ ману́ш, саво́ явдя́ кэ ту, саво́ исын дрэ тырэ́ кхэра́;

Vygiiben 16:29

Дыкхэ́н, Рай Дэвэ́л дыя́ тумэ́нгэ са́вато, пал-дова́ Ёв дэ́ла дрэ шо́вто дывэ́с маро́ пэ дуй дывэса́: ячэ́нпэ кажно пэ́стэ. Нико́н тэ на выджа́л пэ́скирэ штэто́стыр пэ эфта́то дывэ́с.”

Vygiiben 16:5

а пэ шо́вто дывэ́с мэк тэ скэдэ́н, со янэ́на, и явэ́ла дрэ дуй мо́лы буты́р проти дова́, пэ кицы́ скэдэ́на ёнэ дрэ яви́р дывэса́.”

Joannostir 19:31

Нэ сыр дава́ сыс парастиви́н (пятница), и Юды на камлэ́, соб (кай) тру́пы тэ явэ́н убладэ дро са́вато (субо́та), палдава́ со дро дова́ Са́вато сыс баро́ свэ́нко, ёнэ мангнэ́ Пилатос, соб (кай) тэ пиримарэн лэ́нгэ ґэра́ и тэ злэн лэн трушулэндыр.

Vygiiben 34:18

Опреснокэнгиро свэ́нко ракх: эфта́ (битринэ́нгиро дэш) дывэса́ ха пресно маро́, сыр Мэ пхэндём ту́кэ, дро упхэндло́ чхонэ́скиро часо Авиво, пал-дова́ со дро чхон Авиво ту выгиян Египто́стыр.

Яви́р Зако́но 16:8

Шов дывэса́ ха пресна марэ́, а пэ эфта́то дывэ́с свэ́нто скэдыибэ́н Ра́скэ-Дэвлэ́скэ, тырэ́ Дэвлэ́скэ; на залэпэ бутяса.

Isajos 1:13

На янэ́н буты́р да́ры, – дава́ исын ивья́ (напра́снэс), – тумарэ́ кадилакирэ тхува исын джунгалэ́ (брыдка) Ма́нгэ; нэвэ чхона́ и са́ваты (суботы), свэнкитко скэдыибэ́н Мэ нашты́ (на могина́ва) тэ вырикирав: чорипэ́н и свэ́нко!

Čysly 28:26

И дро дывэ́с, ке́ли янэ́на пэ́рва барьякирдэ́ (пло́ды) и ке́ли янэ́на Ра́скэ-Дэвлэ́скэ нэво́ маруно́ яныбэ́н дрэ эфтангирья (седмицы) тумарэ́, мэк тэ явэ́л тумэ́ндэ свэ́нто скэдыибэ́н; нисави́ буты́ тэ на кэрэ́н;