Vygiiben 12:12 - Библия - Пэ Балтитко Романи чиб (Романэс) 2019

¹² А Мэ джа́ва дрэ дая́-паць рат пир Египто́скири пхув, и мулякирава кажнонэ́ англатунэ́ биято́с пэ Египто́скири пхув манушэ́стыр кэ кхэри́тко мурда́л, и пэ сарэ́ндэ Египто́скирэ дэвлорэндэ Мэ кэра́ва сэ́ндо. Мэ сом Рай Дэвэ́л.

Biblija - Pe Baltitko Romani čib (Romanes) 2019

¹² A Me džáva dre daja-pac' rat pir Jegiptóskiri phuv, i muliakirava kažnoné anglatuné bijatós pe Jegiptóskiri phuv manušéstyr ke kherítko murdál, i pe sarénde Jegiptóskire devlorende Me keráva séndo. Me som Raj Devél.

Vygiiben 12:12 Referans Kwoze

Čysly 33:4

дрэ дова́ часо Египтя́ни ґарадэ́ сарэ́н англатунэн чхаворэ́н, савэ́н хасякирдя́ лэ́ндэ Рай Дэвэ́л, и пэ лэ́нгирэ дэвлорэндэ Рай Дэвэ́л кэрдя́ сэ́ндо.

Vygiiben 12:23

И сыр джа́ла Рай Дэвэ́л тэ хасякирэ́л Еги́пто, и дыкхэ́ла рат пэ пирикладина и пэ дуй косяки и проджа́ла Рай Дэвэ́л маму́й вудара́, и на домэкэла мэрибэ́н тэ заджа́л дрэ тумарэ́ кхэра́ ваш хасякирибэн.

Софония 2:11

О Рай Дэвэ́л явэ́ла трашано ваш лэ́нгэ; пал-дова́ со Ёв розмарэла сарэ́ дэвлорэн пэ пхув; мануша́ явэ́на тэ дэн паты́в Лэ́скэ, кажно ману́ш пэ пэ́скиро штэ́то, и пэ островы (джипа́) сарэ́ манушэ́нгирэ-родэнгирэ.

Езэкилё 12:16

Нэ на́бут манушэ́н лэ́ндыр Мэ зракха́ва куртала́тыр, бокха́тыр и франсэндыр, соб (кай) ёнэ тэ роспхэнэ́н Наюдытконэ́ манушэ́нгэ, кэ савэ́ ёнэ явэ́на, ваш сарэ́ пэ́скирэ налачхипэна, тэ́ньчи ёнэ ґалёна, со Мэ сом Рай Дэвэ́л, Дэвэ́л.”

Ереме́ё 43:13

Ёв пхагирэ́ла тэлэ́ обсвэнцона сты́лбы (статулы) дро Бэфсамисо (Бэф-Сэмэса), со исын пэ пхув Египто́скири, и мангипнытка (дэвлорэнгирэ) штэ́ты дро Еги́пто ёв хачкирэ́ла сарэ́са яга́са.’”

Isajos 19:1

Ангилпхэныбэ́н пал Еги́пто. – Акэ, Рай Дэвэ́л исын бэшто́ пэ болыбэ́н и явэ́ла дро Еги́пто. И издрана Лэ́скирэ мо́стыр и́долы Египто́скирэ, и ило́ Египто́скиро биладёла (ростаинэла) дрэ лэ́стэ.

Psalmy 82:6

Мэ пхэндём: “Тумэ́ сан Дэвэла́ и сан чхавэ́ Най Барэдырэскирэ.

Psalmy 82:1

Асафоскиро Пса́лмо. Дэвэ́л исын тэрдо́ пэ Дэвлэ́скиро скэдыибэ́н, Ёв сэндякирэ́ла машки́р дэвлэндэ.

Vygiiben 6:2

И ракирдя́ Дэвэ́л Мойза́скэ, и пхэндя́ лэ́скэ: “Мэ сом Рай Дэвэ́л.

Amoso 5:17

Дрэ сарэ́ винаграды́тка унты (сады) явэ́ла зорало́ ровибэн, пал-дова́, со Мэ проджава машки́р лэ́ндэ,” – ракирэ́ла Рай Дэвэ́л.

1 Паралипоменоно 14:12

И ячкирдэ́ одо́й Филистимля́ни пэ́скирэ дэвлорэ́, и припхэндя́ Дави́до, и хачкирдэ́ ёнэ лэн яга́са.

1 Kralip 5:3

И уштынэ́ Азотяни пэ яви́р дывэ́с тася́рлэс (ра́нэс), и ґа́да, Дагоно сыс пашто́ пэ́скирэ мо́са кэ пхув анги́л Ра́скирэ-Дэвлэ́скиро ковчэго. И лынэ́ ёнэ Дагоно, и нэвэ́стыр чхудэ́ лэс пэ пэ́скиро штэ́то.

Vygiiben 22:28

Сэндарьен на кош, и тхагарьен дрэ тырэ́ манушэ́ндэ на обракир.

1 Kralip 6:5

и адя́кэ кэрэ́н формы тумарэн наростэнгирэ и формы тумарэ́ кармусэнгирэ, савэ́ кэрэ́на чхучи́ пхув, и дэн Израилёскирэ Дэвлэ́скэ сла́ва; могинэ́ла тэ явэ́л, Ёв кэрэ́ла локхэды́р Пэ́скиро васт пэ тумэ́ндэ, и пэ тумарэ́ дэвлэндэ, и пэ тумари́ пхув;

Vygiiben 21:6

тэды мэк лэ́скиро хула́й тэ янэл лэс анги́л сэндарьендэ (дэвлорэндэ), и тэ чхувэ́л лэс кэ вуда́р ци кэ косяко, и лэ́скиро хула́й тэ пропхусавэл лэ́скиро кан ярьяса, и ёв ячэ́лапэ лэ́скирэ писхариса пэ саро́ ве́ко.

Vygiiben 18:11

кана́ мэ уджиндём, со Рай Дэвэ́л исын баро́, вучэды́р сарэ́ дэвлорэндыр, дрэ дова́-паць, со́са ёнэ шардэпэ вучэды́р пэ Израильтянэндэ.”

Psalmy 135:8

Ёв хасякирдя́ пэрвонэс, кон бияндёла ци манушэ́ндэ ци кхэритконэ́ мурдалэ́ндэ (машки́р ското) дро Еги́пто;

Ереме́ё 43:12

Мэ росхачкирава яг дрэ кхэра́, пэ мангипнытка штэ́ты, кай дэвлорэ́ Египто́скирэ, и о Навуходоносо́ро схачкирэ́ла лэн и лэ́ла лэн дро пле́но. И ёв выкэдэ́ла миштыпэ́н пхувья́тыр Египтоскирьятыр сыр о чхупна́ри выкэдэ́ла (урье́ла) пэ пэ́стэ пэ́скиро урибэ́н, и ёв джа́ла криг одотхы́р раманёса (спокоёса).

Ереме́ё 46:25

Болыбна́скиро-янголэ́нгиро Рай Дэвэ́л, Дэвэ́л Израилёскиро ракирэ́ла: “Акэ, Мэ яна́ва пхаро́ сэ́ндо пэ Амоно дро Но, и пэ Фараоностэ дро Еги́пто лэ́нгирэ дэвлорэнца и лэ́нгирэ кралье́нца – фараонос и кодолэ́н, савэ́ гарадёна пал лэ́стэ.

Vygiiben 9:6

И кэрдя́ дава́ Рай Дэвэ́л пэ яви́р дывэ́с, и вымынэ сарэ́ Египто́скирэ кхэри́тка мурдала́; Израилёскирэ-чхавэ́нгирэ кхэритконэ́ мурдалэ́ндыр (ското́стыр) ние́кх на мулыя.

Psalmy 91:7

Мэк тысёнцо (бар) манушэ́н тэ пэрэ́н пашы́л тыри́ риг, и дэш бара́ паш тыри́ чачи́ (право) риг, нэ нисо́ на подджа́ла пашылэды́р кэ ту.

Psalmy 95:3

Пал-дова́ со Рай Дэвэ́л исын баро́ Дэвэ́л и баро́ Кра́ли, Саво́ исын вучэды́р сарэ́ дэвлорэндыр.