Vygiiben 10:7 - Библия - Пэ Балтитко Романи чиб (Романэс) 2019

⁷ Тэды фараоно́скирэ писха́рья пхэндлэ́ лэ́скэ: “Ци ґара́ (длу́гэс) ёв явэ́ла тэ мэнчынэл амэн? Отмэк адалэ́ манушэ́н, мэк ёнэ тэ кэрэ́н паты́в Ра́скэ-Дэвлэ́скэ, пэ́скирэ Дэвлэ́скэ; нау́што ту на дыкхэ́са, со Еги́пто хасёла?”

Biblija - Pe Baltitko Romani čib (Romanes) 2019

⁷ Tedy faraonóskire pishárja phendlé léske: “Ci ĥará (dlúges) jov javéla te menčynel amen? Otmek adalé manušén, mek jone te kerén patýv Ráske-Devléske, péskire Devléske; naúšto tu na dykhésa, so Jegípto xasjola?”

Vygiiben 10:7 Referans Kwoze

1 Kralip 18:21

Са́уло думиндя: “Отда́ва мэ ла пал лэ́стэ, и ёй явэ́ла лэ́скэ феляса (сеткаса), и Филистимляниноскиро васт явэ́ла пэ лэ́стэ.” И пхэндя́ Са́уло Давидо́скэ: “Пир явирьятэ ту явэ́са сэмэнцаса какана́ ма́нца.”

Ekliesiastos 7:26

И мэ латхём (ластём), со джувлы́ исын киркэдыр мэрибна́стыр, савьятэ ило́ исын сы́рбы фэлы́, ци кхуды́ (сеть), савьятэ васта́ исын сы́рбы зандирья́ (цэ́пи) пэ ґэра́. Нэ ману́ш кон кэрэ́ла, сыр исын лачхо́ Дэвлэ́скэ, зракхэ́лапэ ла́тыр, нэ грэхи́тко ману́ш явэ́ла лыно́ дрэ ла́кирэ фэля́.

Isúso 23:13

то тэды джинэ́н, со тумаро́ Рай Дэвэ́л, Дэвэ́л, на явэ́ла буты́р тэ традэл тумэ́ндыр адалэ́ манушэ́н, нэ ёнэ явэ́на ваш тумэ́нгэ фэляса и сеткаса, чупняса ваш тумарэ́ пашварэ и пхусадытконэ хрустоса ваш тумарэ́ якха́, пака тумэ́ явэ́на протрадынэ долэ́ лачхэ́ пхувья́тыр, сави́ дыя́ тумэ́нгэ Рай Дэвэ́л, Дэвэ́л тумаро́.

Vygiiben 23:33

лэ́нгэ нашты́ тэ дживэ́н пэ тыри́ пхув, соб (кай) ёнэ тэ на залыджан тут дро грэ́хо пэ Ма́ндэ; пал-дова́ со, ко́ли ту явэ́са тэ мангэспэ лэ́нгирэ дэвлорэ́нгэ, то дава́ явэ́ла ту́кэ фэляса (сеткаса).”

1 Коринфянэнгэ 7:35

Нэ мэ пхэна́ва дава́ ваш тумаро́ миштыпэ́н, соб (кай) тэ на чхував фэлы́ (петля) анги́л тумэ́ндэ, соб (кай) тумэ́ тэ отдэ́н пэс бутякэ ваш Ра́скэ-Дэвлэ́скэ и тэ на уджан дрэ риг.

Софония 1:18

Ни лэ́нгиро руп, ни сувнака́й нашты́ (на змогинэна) тэ зракхэн лэн дро дова́ дывэ́с барэ́ Ра́скирэ-Дэвлэ́скирэ холынатыр. Лэ́скирэ-зэвлыныпнаскири яг ха́ла сарэ́са сари́ пхув, пал-дова́ со Ёв янэ́ла сы́гэс ко́нцо (яго́ро) пэ сарэ́ндэ, кон дживэ́ла пэ пхув.

Ереме́ё 51:8

Вавило́но екха́тыр (сра́зу) пыя́ и розмардяпэ. Ровэ́н годлэнца пал лэ́стэ; лэн бальзамо пэ лэ́скирэ рискирибэна (раны), сашты́ (могинэ́ла) тэ явэ́л, со ёв састёла.

Ереме́ё 48:4

Моа́во исын пхагирдо́ дрэ руи́ны, лэ́скирэ бияты (чхаворэ́) годлэна, со исын шундло.

Isajos 51:9

Ѓаздэпэ, ґаздэпэ, яв зорало́, васт Ра́скирэ-Дэвлэ́скиро! Ѓаздэпэ сыр дрэ пхуранэ́ бэрша́, ко́ли ґаратуно ро́до дживэлас! Ци на ту хасякирдян Раавос, хасякирдян крокодилос?

Isajos 14:20

Нэ ту явэ́са кхэтанэ́ лэ́нца дрэ маґила (кула), пал-дова́ со ту обчордян пэ́скири пхув, замардян тыро́ народо, николи на пририпирэлапэ лачхипна́са чорэнгиро ро́до.

Pritčy 29:6

Бибахтало́ ману́ш пэрэ́ла дрэ фэлы́ пэ́скирэ чорэ́ рэндэ́ндыр; нэ чачуно́ ману́ш явэ́ла тэ радынэ́лпэ.

Psalmy 107:34

умалотна пхувья́ пэ лондо шуко штэ́то – пал долэ́ манушэ́нгиро фуипэ́н, кон дживэ́ла одо́й.

Vygiiben 8:19

И пхэндлэ́ човаханэ фараоно́скэ: “Дава́ исын Дэвлэ́скиро ангу́шт.” Нэ фараоно́скиро ило́ яця́ пхарэдыр, и ёв на кандыя́ лэн, сыр и ракирдя́ Рай Дэвэ́л.

Vygiiben 7:5

тэды Египтя́ни уджинэна, со Мэ сом Рай Дэвэ́л, ке́ли чхува́ва Миро васт пэ Еги́пто и вылыджава Израилёскирэ чхавэ́н Египто́стыр.”

Vygiiben 12:33

И сыгнякирэнас Египтя́ни манушэ́н, соб (кай) сыгнэдыр лэн тэ выбичхавэн долэ́ пхувья́тыр; пал-дова́ со ракирдэ́ ёнэ: ‘Амэ сарэ́ мэраса’.

1 Kralip 5:11

И бичхадэ́, и скэдынэ́ сарэ́н Филистимия́кирэ хулан, и пхэндлэ́: “Отбичхавэн Израилёскирэ Дэвлэ́скиро ковчэго; мэк ёв тэ рисёл пэ пэ́скиро штэ́то, соб (кай) тэ на мулякирэ́л ёв амэн и амарэ́ манушэ́н”; пал-дова́ со мулаканы дар сыс дро саро́ фо́ро; древа́н пхаро́ сыс Дэвлэ́скиро васт пэ лэ́ндэ.