Vygiiben 10:5 - Библия - Пэ Балтитко Романи чиб (Романэс) 2019

⁵ ёй учхакирэ́ла пхув адя́кэ, со нашты́ явэ́ла тэ дыкхэ́с пхув, и со яця́пэ тумэ́ндэ градостыр, то ёй схала, обхала адя́кэ-паць сарэ́ вэша́, савэ́ тумэ́ндэ барьёна пэ фэ́лда,

Biblija - Pe Baltitko Romani čib (Romanes) 2019

⁵ joj učhakiréla phuv adiáke, so naštý javéla te dykhés phuv, i so jaciápe tuménde gradostyr, to joj shala, obhala adiáke-pac' saré vešá, savé tuménde barjona pe félda,

Vygiiben 10:5 Referans Kwoze

Ioil 1:4

дова́, со мэкця́ листэнгиро кирмо (гусеница), похая пхакитко скочко (саранча), нэ дова́, со мэкця́ пхакитко скочко, похая кирмо, нэ дова́, со мэкця́ кирмо, похая бамбула (жуко).

Vygiiben 9:32

а парно́ гив и гив (полба) на вымардэ, пал-дова́ со ёнэ сыс поздня (коригитка).

Ioil 2:25

И Мэ да́ва палэ тумэ́нгэ саро́ дова́, со хая пхакитко скочко, кирмэ, бамбулы (жуки) и листэнгиро кирмо – Миро баро́ халадыбэ́н, со Мэ бичхадём пэ тумэ́ндэ.

Vygiiben 10:4

а ко́ли ту на отмэкэса Мирэ́ манушэ́н, тэды, ґа́да, атася́ Мэ лыджа́ва пэ тыро́ штэ́то пхакитконэ скочкэн (саранча):

Vygiiben 10:12

Тэды Рай Дэвэ́л пхэндя́ Мойза́скэ: “Ѓаздэ тыро́ васт пэ Египто́скири пхув, мэк тэ пэрэ́н пхакитка скочки (саранча) пэ Египто́скири пхув, и мэк тэ выхал сари́ пхувья́кири чар и саро́, со яця́пэ градостыр.”

Vygiiben 10:15

ёнэ учхакирдэ сари́ пхув адя́кэ, со пхув на сыс бицялы, и выханэ сари́ пхувья́кири чар и сарэ́ вышэскирэ барьякирдэ́ (пло́ды), савэ́ ячнэ́пэ градостыр, и на яця́пэ ни саво́ зэлэныбэн ни дрэ вэша́, ни пэ фэлдытко чар пэ сари́ Египто́скири пхув.

Ioil 2:3

Анги́л лэ́ндэ джа́ла яг, со похала саро́, а пала́л пал лэ́ндэ хачкирибэ́н, со пэкэла саро́. Анги́л лэ́ндэ пхув исын сы́рбы у́нта (садо) Эдэмоскири, а пала́л пал лэ́ндэ ячэ́лапэ чхучакирды мал (степ), нисо́ никай на кэрэ́лапэ лэ́ндыр.