Vygiiben 10:21 - Библия - Пэ Балтитко Романи чиб (Романэс) 2019

²¹ И пхэндя́ Рай Дэвэ́л Мойза́скэ: “Ѓаздэ тыро́ васт кэ болыбэ́н, и явэ́ла калыпэ́н (цямлыпэ́н) пэ Египто́скири пхув дасави́ ґэнсто, со почхуинэса лэс.”

Biblija - Pe Baltitko Romani čib (Romanes) 2019

²¹ I phendiá Raj Devél Mojzáske: “Ĥazde tyró vast ke bolybén, i javéla kalypén (ciamlypén) pe Jegiptóskiri phuv dasaví ĥensto, so počhuinesa les.”

Vygiiben 10:21 Referans Kwoze

Juda 1:6

И Янголэн, савэ́ на зракхнэ́ пэ́скиро англатуно́ право дрэ паты́в, а ячкирдэ́ пэ́скиро штэ́то тэ дживэ́н, Ёв ракхэ́ла лэн дро калыпэ́н дрэ вечна састыра́ пэ баро́ Дывэ́с, ке́ли лэн явэ́ла Ёв пхарэ́с тэ сэндякирэ́л;

2 Petr 2:17

Кадалэ́ мануша́ исын сы́рбы ґанынга́ бипанескирэ и сы́рбы миглы и о́блоки, савэ́ традэ́ла балва́л, Дэвэ́л ракхэ́ла штэ́то ваш лэ́нгэ дро кало́ цямлыпэ́н.

2 Petr 2:4

Пал-дова́ со ко́ли Дэвэ́л на потангиндя Янголэн, савэ́ кэрдэ́ грэ́хи, а отдыя́ лэн дро лю́но (адо), и бэшлякирдя лэн састырэнца дро цямлыпэ́н, кай ёнэ ужакирэ́на сэндоскиро дывэ́с;

Luka 23:44

Дава́ сыс пашэ́ шов мардэ́ (штунды), и яця́ калыпэ́н пир сари́ пхув кэ еня́то (биекхэ́скиро дэ́што) мардо́.

Marko 15:33

И дро шо́вто мардо́ (шту́нда) яця́ калыпэ́н пир сари́ пхув и рикирдяпэ кэ еня́то (биекхэ́скиро дэ́што) мардо́ (шту́нда).

Матфеё 27:45

Шовтонэ (дэшудуйтонэ) мардэстыр (штундатыр) яця́ калыпэ́н пир сари́ пхув и рикирдяпэ кэ/жы́ко еня́то (биекхэ́скиро дэ́што) мардо́;

Pritčy 4:19

Нэ дром фуе́-манушэ́нгиро исын сы́рбы цямлыпэ́н; ёнэ на джинэ́на, пир со ёнэ обштавэнапэ.

Psalmy 105:28

Дэвэ́л бичхадя́ калыпэ́н (цямлыпэ́н) и кэрдя́пэ калэс и ёнэ на кэрдэ́ бу́нто проти Лэ́скирэ лава́.

Яви́р Зако́но 28:29

И ту явэ́са тэ мацынэс вастэ́са тэ псирэ́с дро пашдывэс, сыр короро́ вастэ́са тэ мацынэл, ке́ли псирэ́ла дро калыпэ́н (дрэ тёмныма), и ту́тэ на явэ́ла бахт дрэ тырэ́ дрома́, и явэ́на тэ притасавэн тут и тэ дукхавэн тут (тэ збидинэн тут) кажно дывэ́с, и нико́н на зракхэ́ла тут.

Vygiiben 9:22

И пхэндя́ Рай Дэвэ́л Мойза́скэ: “Ѓаздэ васт тыро́ кэ болыбэ́н, тэ джал градо пэ сари́ Египто́скири пхув, пэ манушэ́ндэ, пэ кхэритконэ́ мурдалэ́ндэ, и пэ сари́ чар фэлдытко пэ Египто́скири пхув.”

Juda 1:13

ёнэ исын сы́рбы морёскирэ (дэрьявэ́скирэ) холямэ́ валны (вэлны), учхакирдэ пенаса пэ́скирэ ладжаипнытконэ рэндэ́ндыр (делэндыр); ёнэ исын сы́рбы чэргэня́, савэ́ на джинэ́на дром, савэ́нгэ исын ракхно калыпэ́н (цямлыпэ́н) пэ ве́ки.

Ekliesiastos 6:4

пал-дова́ со ёв явэ́ла ваш нисо́, и ёв джа́ла криг дро калыпэ́н (цямлыпэ́н), и лэ́скиро лав исын чхакирдо цямлыпнаса;

Ekliesiastos 2:14

Годэ́ манушэ́стэ якха́ исын дро лэ́скиро шэро́, нэ дылынинько псирэ́ла дро цямлыпэ́н; нэ мэ адя́кэ-паць кокоро́ ґалыём хор, со екх ко́нцо (яго́ро) ужакирэ́ла и екхэ́с, и явирэ́с.

Psalmy 78:49

Ёв бичхадя́ пэ лэ́ндэ сы́рбы яг Пэ́скирэ холя́тыр, холякирибэ́н, холякири, зор и пхарипэ́н, ке́ли мэрибнаскирэ Янго́лы пынэ́ пэ лэ́ндэ.

Psalmy 35:6

Мэк лэ́нгиро дром тэ явэ́л цямло и склизко, и мэк Ра́скирэ-Дэвлэ́скиро Янго́ло тэ явэ́л тэ традэлпэ пал лэ́ндэ.

Sykadyipén 8:12

И шта́рто Янго́ло пхурдыя дрэ пэ́скири ро́го: и три́то паш кхамэскири сыс отмарды, и три́то паш чхонэскири, и три́то паш чэргэненгири, со калынэ; на сыс дуд (свэ́то) ни дро три́то паш дывэсы́тко, ни адя́кэ-паць рати́тко.

Vygiiben 7:19

И пхэндя́ Рай Дэвэ́л Мойза́скэ: “Пхэн Аароно́скэ: ‘Лэ тыро́ дэсто́ и чхув тыро́ васт пэ Египтянэнгирэ паня́: пэ лэ́нгирэ рэ́ки (лэня́), пэ лэ́нгирэ тхадыпна, пэ лэ́нгирэ зеры (озеры) и пэ кажно штэ́то, кай исын пани́; и рисёна дро рат, и явэ́ла рат пир сари́ Египто́скири пхув и дрэ каштунэ кхорэ́ и дрэ барунэ́ кхорэ́ (сасу́ды).’”

Езэкилё 32:7

Ко́ли ту мурдёса, Мэ закэрава болыбэ́н, Мэ мурдякирава лэ́нгирэ чэргэня́, Мэ закэрава кхам облокоса, чхон на явэ́ла тэ хачол.

Яви́р Зако́но 1:30

О Рай Дэвэ́л, тумаро́ Дэвэ́л джа́ла анги́л тумэ́ндэ, Ёв явэ́ла тэ затэрдёл пал тумэ́ндэ, сыр Ёв кэрдя́ тумэ́нца дрэ Еги́пто, анги́л тумарэ́ якха́,

Яви́р Зако́но 4:34

Ци скэдэласпэ вари-саво́ Дэвэ́л тэ джал, тэ лэл пэ́скэ манушэ́н машки́р явирэ манушэ́ндэ тхагарьенца, знамение́нца (ґертыкэ́нца) и дивэнца, и марибна́са, и зоралэ́ вастэ́са, и вучэ́ вастэ́са, и барэ́ страхаса, сыр кэрдя́ ваш тумэ́нгэ Рай Дэвэ́л, тумаро́ Дэвэ́л, дро Еги́пто анги́л тырэ́ якха́?

Ióvo 5:14

ёнэ дыкхэнапэ калыпнаса дывэсэ́, и ёнэ псирэ́на, чилави вастэ́нца сыр корорэ́ дывэсэ́, сы́рбы ёнэ исын раты́.