Sykadyipén 9:7 - Библия - Пэ Балтитко Романи чиб (Романэс) 2019

⁷ Кадалэ́ пхакитка скочки (саранча) сыс сыр грая, савэ́ кэдынэпэ пэ мэрибэ́н; и пэ лэ́нгирэ шэрэ́ сыс вянки (короны) сы́рбы сувнака́стыр, и лэ́нгирэ муя́ сыс сы́рбы муя́ манушы́тка.

Biblija - Pe Baltitko Romani čib (Romanes) 2019

⁷ Kadalé phakitka skočki (saranča) sys syr graja, savé kedynepe pe meribén; i pe léngire šeré sys vianki (korony) sýrby suvnakástyr, i léngire muiá sys sýrby muiá manušýtka.

Sykadyipén 9:7 Referans Kwoze

Дание́лё 7:8

Мэ дыкха́вас пэ долэ́ шынга́, и, акэ, выгия́ машки́р лэ́ндэ ишчо (инкэ́) набаро́ шынг, и трин кодолэндыр англунэ шынгэндыр сыс корне́нца вырискирдэ анги́л лэ́стэ, акэ, дро дова́ шынг сыс якха́, сыр манушы́тка якха́, и вушта, савэ́ ракирэ́нас пхутькирдэс.

Naumo 3:17

Тырэ́ тхага́рья исын сыр пхакитка скочки, тырэ́ халадэ́нгирэ барыдыра́ исын сыр грасторэ (кузнечыки), савэ́ кэрэ́на гня́зды (ку́фы) дрэ вантакирэ шчэли, а сыр кхам ґаздэ́лапэ, то ёнэ вурняна пэ́скэ криг, и на джиндло́ штэ́то, кай сыс ёнэ.

Дание́лё 7:4

Пэ́рво сыс сыр шчэр (ле́во), нэ сыс лэ́стэ пхака́ (крылы) сыр орлостэ (кидостэ); мэ дыкха́вас джангалэс (пристальнэс), пака вырискирдэ сыс лэ́стыр пхака́, и ёв сыс ґаздыно́ пхувья́тыр, и уштыя́ пэ ґэра́, сыр о ману́ш, и сыс дыно́ лэ́скэ манушы́тко ило́.

Sykadyipén 6:2

И мэ дыкхцём, и, акэ, парно́ грай. И кон сыс уклисто пэ лэ́стэ, рикирдя лу́ко и вя́нка (коро́на) сыс дыны́ лэ́скэ. Ёв традэлас яври́, сыр кодова́, кон лэ́ла упралыпэ́н, соб (кай) тэ лэл упралыпэ́н.

Sykadyipén 9:3

И пхакитка скочки (саранча) выгинэ́ пэ пхув тхувэстыр и сыс дыны́ лэ́нгэ зор, сави́ исын пхувитконэ скорпионэндэ.