Sykadyipén 8:7 - Библия - Пэ Балтитко Романи чиб (Романэс) 2019

⁷ И пэ́рво Янго́ло пхурдыя дро пэ́скиро ро́го; яця́ ґрадо и яг, савэ́ сыс змешындлэ ратэ́са и сыс чхурдынэ́ пэ пхув. Три́то паш пхувья́тыр хачия и три́то паш каштэндыр (дрэвэндыр) хачия, и кажно зэлэны чар хачия.

Biblija - Pe Baltitko Romani čib (Romanes) 2019

⁷ I pérvo Jangólo phurdyja dro péskiro rógo; jaciá ĥrado i jag, savé sys zmiešyndle ratésa i sys čhurdyné pe phuv. Tríto paš phuvjátyr xačija i tríto paš kaštendyr (drevendyr) xačija, i kažno zeleny čar xačija.

Sykadyipén 8:7 Referans Kwoze

Sykadyipén 9:4

Лэ́нгэ сыс пхэндло́ тэ на кэрэ́н чорипэ́н ни пхувитконэ чарьякэ, ни савэ́ зэлэнэ раслинакэ, ни савэ́ каштэскэ (дрэвоскэ), а екх манушэ́нгэ, савэ́ндэ на сыс Дэвлэ́скиро та́вро пэ лэ́нгирэ чэката:

Езэкилё 38:22

И Мэ ява́ва Тэ сэндякирав пхарэ́с лэс; Мэ выкхарава пэ лэ́стэ мэрибнытка фра́нсы и ратвало домарибэн, и Мэ вычхувава пэ лэ́стэ, пэ лэ́скирэ халадэ́нгирэ полки, пэ бут народы, савэ́ исын лэ́са тасадыпнаскиро брышы́нд, саво́ сарэ́н хасякирэ́ла, баруно градо, яг и се́ра (дзэвэ́ля).

Sykadyipén 9:18

Три́то паш манушыпнастыр сыс мулякирды далэ́ тринэ́ франсэ́ндыр: яга́са, тхувэса и дзэвэляса, со джа́нас яври́ грэнгирэ муендыр.

Sykadyipén 9:15

И штар Янго́лы сыс роспхандлэ, савэ́ сыс скэдынэ́ ваш шту́нда и дывэ́с, и чхон, и бэрш тэ мулякирэ́н три́то паш манушэ́ндыр;

Isajos 28:2

Акэ, састо́ и зорало́ исын Растэ-Дэвлэ́стэ сыр баро́ брышы́нд барэ́нца, сыр хасякирибнытко балва́л, сыр шумно пани́, саво́ ґаздыя́пэ и зорья́са чхурдэ́ла пэ пхув.

Psalmy 105:32

Ёв дыя́ градо заме́ст брышы́нд, бичхадя́ яг, со саро́ халас, пэ лэ́нгири пхув.

Sykadyipén 16:21

Барэ́-градо́скирэ ґирила́, савэ́ сыс пашэ́ пандждэша́ кило пхарипнаса, пынэ́ болыбна́стыр пэ манушэ́ндэ, савэ́ калякирэнас Дэвлэ́с пал фра́нсы градостыр, пал-дова́ со древа́н дарано сыс дава́ фра́нсо.

Isajos 32:19

На дыкхи́, со градо пэрэ́ла пэ вэш, фо́ро пэ до́ло тэлэ́ змэкэлапэ.

Isajos 30:30

И дэ́ла Рай Дэвэ́л, соб (кай) тэ шунэ́н бари зан Лэ́скири и сыкавэ́ла васт Пэ́скиро, саво́ змэкэлпэ дрэ зоралы́ холы́, дрэ яг, сави́ саро́ схала, дрэ холями балва́л, дро пани́, саво́ ґаздэлпэ пэ пхув, дро брышы́нд барэ́нца.

Isajos 29:6

Рай Дэвэ́л, болыбна́скирэ-янголэ́нгиро, явэ́ла кэ ту громоса и зоралэ́ заня́са, со пхув явэ́ла тэ издрал, зоралэ́ балваляса, яга́са, сави́ саро́ схачкирэ́ла.

Isúso 10:11

Ке́ли ёнэ нашнэ́ Израильтянэндыр пир Вефоронсконэ-бэрга́киро змэкибэн, то Рай Дэвэ́л чхурдыя́ пэ лэ́ндэ болыбна́стыр барэ́ бара́ аж кэ Азеко, и ёнэ помынэ; буты́р сыс одолэ́ндыр, савэ́ мынэ́ барэнгирэ чхуибнастыр, сыр кодолэндыр, савэ́н мулякирдэ́ Израилёскирэ чхавэ́ куртала́са.

Sykadyipén 16:2

И пэ́рво Янго́ло выгия́ и вычхудя́ пэ́скиро тахта́й пэ пхув: чорэ́ и фуй фра́нсы (ра́ны) ячнэ́ пэ манушэ́ндэ, пэ савэ́ндэ сыс рискирибна́скирэ-мурдалэскирэ (зверёскирэ) шпэры, и, савэ́ поклониндлэпэ патыва́са анги́л лэ́скири патри́н (о́бразо).

Sykadyipén 12:4

и лэ́скири пори тырдэла три́то паш болыбна́скирэ чэргэнендыр и ёв чхурдыя́ тэлэ́ лэн пэ пхув. И драконо тэрдия́ анги́л джювлятэ, савьякэ трэиндя́ тэ биянэ́л, соб (кай), сыр ёй биянэ́ла, ёв могиндя́ тэ хал тыкнорэ́с.

Sykadyipén 6:8

И мэ дыкхцём: Акэ! Сыво грай и одова́, кон сыс бэшто́ уклисто́/э́ нэ лэ́стэ, кхарэ́ласпэ мэрибэ́н, и лю́но (адо) гия́ пал лэ́стэ. Лэ́нгэ сыс дыны́ зор пэ шта́рто пхувья́кири паш тэ мулякирэ́н куртала́са и бокхаса, мэрибнаса и рискирибна́скирэ мурдалэ́нца, савэ́ исын пэ пхув.

1 Petr 1:24

Пал-дова́ со “кажно ману́ш исын сы́рбы чар, и лэ́нгири сла́ва исын сы́рбы фэлды́тка лулудя́ (цвэты), чар зашутёла и ла́кирэ лулудя́ отпэрэна.

Jakov 1:11

Пал-дова́ со уштэ́ла кхам и шутькирэла чар пэ́скирэ хачкирибнаса, и ла́кирэ лулудя́ (цвэты) пэрэ́на, и саро́ шукарибэн хасёла, адя́кэ-паць и хасёла барвало́ ману́ш сарэ́са, со ёв кэрдя́.

Ioil 2:30

И Мэ сыкава́ва ди́вы пэ болыбэ́н и пэ пхув, рат и яг и тхувалэ сты́лбы.

Vygiiben 9:33

И выгия́ Мо́йза фараоностыр и форо́стыр, и ґаздыя́ пэ́скирэ васта́ кэ Рай Дэвэ́л, и пирияця́ громо и градо, и брышы́нд пирияця́ тэ чхувэлпэ пэ пхув.

Sykadyipén 7:1

Пало́ дава́ мэ дыкхцём штарэ́ Янголэн, Савэ сыс тэрдэ́ пэ штар вэ́нглы пэ пхув и рикирэнас штар балваля, соб (кай) тэ на пхурдэл ни сави́ балва́л ни пир пхув, ни пир мо́рё (дэрья́в), ни пир вари-саво́ кашт (дрэ́во).