Sykadyipén 8:5 - Библия - Пэ Балтитко Романи чиб (Романэс) 2019

⁵ И Янго́ло лыя́ тхувэнгири тыкнори (кадила), пхэрдякирдя́ ла яга́са алтарёстыр и чхурдыя́ ла пэ пхув: и сыс заня́ и гро́мы, и блискави́цы, и пхувья́киро тринскирибэн.

Biblija - Pe Baltitko Romani čib (Romanes) 2019

⁵ I Jangólo lyjá thuvengiri tyknori (kadila), pherdiakirdiá la jagása altarjostyr i čhurdyjá la pe phuv: i sys zaniá i grómy, i bliskavícy, i phuvjákiro trinskiriben.

Sykadyipén 8:5 Referans Kwoze

Sykadyipén 11:19

И псирадыя (отпхандя́пэ) Дэвлэ́скири Кхангири́, сави́ исын дро Болыбна́скиро Раё и Ковчэ́го (Мохто́) Дэвлэ́скирэ завето́са сыс дыцьло дрэ Кхангири́. И ячнэ́ блискави́цы, и заня́ (глося́), и гро́мы, и пхувья́киро триинскирибэн и баро́ ґра́до.

Sykadyipén 4:5

И троностыр джа́нас блискави́цы, и заня́, и гро́мы и эфта́ шандалэ (подсвечники) хачонас анги́л троно, савэ́ исын эфта́ Дэвлэ́скирэ ду́хи.

Apostolengiri Butý 16:26

Нэ екха́тыр (сра́зу) яця́ пхув адя́кэ тэ тринскирэлпэ, со штарибэ́н лыя́ тэ кунинэлпэ; дрэ дова́-паць часо отчхакирдэпэ сарэ́ вудара́, и сарэ́ штарибнарьендэ пынэ (тэлэ́) састыра́ ґэрэндыр.

Isajos 29:6

Рай Дэвэ́л, болыбна́скирэ-янголэ́нгиро, явэ́ла кэ ту громоса и зоралэ́ заня́са, со пхув явэ́ла тэ издрал, зоралэ́ балваляса, яга́са, сави́ саро́ схачкирэ́ла.

Psalmy 18:13

Ярко дуд зяинэлас анги́л Лэ́стэ, градо барэ́нца и вангара, со хачонас, выухтэнас облокэндыр.

Левито 16:12

и лэ́ла хачкирдэ́ вангара дрэ пхэрды́ кадила алтарёстыр, саво́ исын анги́л Растэ-Дэвлэ́стэ, и лэ́ла гудлэ́ смо́лы тэ хачкирэл пхэрдэ́ бурныка (пригоршни), и вылыджала лэн пал полого;

Sykadyipén 11:13

И дро дова-паць мардо́ (шту́нда) кэрдя́пэ древа́н баро́ пхувья́киро тринскирибэн и дэ́што форо́скири паш пыя́, и эфта́ тысёнцы манушэ́н сыс замардэ́. И одолэ́, савэ́ ячнэ́пэ, страха́дынэ и славиндлэ Дэвлэ́с, Саво́ исын дро Болыбна́скиро Раё.

Sykadyipén 6:12

И ке́ли мэ дыкхцём, сыр Свэ́нто Бакроро́ отпхандя шо́вто чэргэнори́, тэды яця́ пхувья́киро тринскирибэн, и кхам яця́ кало́ сыр гоно́ балэндыр, и чхон яця́ лоло́ сыр рат;

Apostolengiri Butý 4:31

И ке́ли ёнэ пириячнэ тэ мангэ́нпэ Дэвлэ́скэ, тэды дова́ штэ́то, кай ёнэ скэдынэ́пэ, затринскирдяпэ, и гия́ пэ сарэ́ндэ лэ́ндэ Свэнтонэ́-Духоскири зор и ёнэ пхэндлэ́ Дэвлэ́скиро лав муршыпнаса.

Luka 12:49

Мэ явдём тэ янав яг пэ дая́ пхув; и сыр Мэ кама́м, соб (кай) ёй тэ хачол какана́?

Матфеё 24:7

Пал-дова́ со ґаздэ́напэ мануша́ пэ манушэ́ндэ и кралипэ́н пэ кралипэ́н, и бокха явэ́на, и мэрибнытка фра́нсы и пхув явэ́ла тэ тринскирэлпэ пир штэ́ты.

Isajos 66:6

Акэ, шуминэн дро фо́ро, акэ, исын зан кхангирья́тыр: Ра́скирэ-Дэвлэ́скири зан; Дэвэ́л отплэскирэла Лэ́скирэ вэргэ́нгэ.

Isajos 30:30

И дэ́ла Рай Дэвэ́л, соб (кай) тэ шунэ́н бари зан Лэ́скири и сыкавэ́ла васт Пэ́скиро, саво́ змэкэлпэ дрэ зоралы́ холы́, дрэ яг, сави́ саро́ схала, дрэ холями балва́л, дро пани́, саво́ ґаздэлпэ пэ пхув, дро брышы́нд барэ́нца.

3 Kralip 19:11

И пхэндя́ Рай Дэвэ́л: “Джа́ анги́л и тэрдёв анги́л Миро муй. И, акэ, Рай Дэвэ́л проджа́ла, и бари и зоралы́ балва́л, сави́ явэ́ла тэ роскушэл бэ́рги, и сави́ явэ́ла тэ пхагирэл скалы анги́л Растэ-Дэвлэ́стэ; нэ Рай Дэвэ́л нанэ дрэ балва́л. Пало́ балва́л явэ́ла издраны пхувья́кири, нэ Рай Дэвэ́л нанэ дрэ издраны пхувья́кири.

Заха́рия 14:5

И тумэ́ нашэ́на дрэ фэ́лда машки́р бэ́рги Мирэ́; пал-дова́ со фэ́лда протырдэлапэ кэ Асило; и тумэ́ праста́на, сыр нашэнас пхувья́кирэ тринскирибнастыр дрэ дывэса́ Озияскирэ, Юдэя́кирэ крали́скирэ; и явэ́ла Рай Дэвэ́л, Дэвэ́л миро и сарэ́ свэ́нта Лэ́са.

Ереме́ё 51:11

Войстринэн (дэн чол) марибны́тка бустя́ (стре́лы) тэ зяинэн, О Рай Дэвэ́л ґаздыя́ ду́хо (фа́но) Мидиякирэ кралье́нгэ. Пал-дова́ со Ёв придуминдя тэ хасякирэ́л Вавило́но. О Рай Дэвэ́л дукхавэла палэ, Ёв отдэ́ла палэ пал Лэ́скири Кхангири́.

Vygiiben 19:16

Пэ три́то дывэ́с, ке́ли яця́ зло́ко (ра́нко), сыс гро́мы, и блискави́цы, и ґэнсто о́блоко пэ бэ́рга, и рогоскиро (трубакири) знико (звуко) древа́н зорало́; затринскирдэпэ сарэ́ мануша́, савэ́ сыс дро ста́но.

Sykadyipén 8:3

И явдя́ яви́р Янго́ло и тэрдия́ анги́л алта́рё. Лэ́скэ сыс дыны́ тхувэнгири тыкнори (кадила), кай сыс бут фимиа́мо соб (кай), кай ёв тэ чхувэ́л кхэтанэ́ мангипнэнца свэнтонэ́ манушэ́ндыр пэ сувнакуно́ алта́рё, со сыс тэрдо́ анги́л троно.