Sykadyipén 8:3 - Библия - Пэ Балтитко Романи чиб (Романэс) 2019

³ И явдя́ яви́р Янго́ло и тэрдия́ анги́л алта́рё. Лэ́скэ сыс дыны́ тхувэнгири тыкнори (кадила), кай сыс бут фимиа́мо соб (кай), кай ёв тэ чхувэ́л кхэтанэ́ мангипнэнца свэнтонэ́ манушэ́ндыр пэ сувнакуно́ алта́рё, со сыс тэрдо́ анги́л троно.

Biblija - Pe Baltitko Romani čib (Romanes) 2019

³ I javdiá javír Jangólo i terdijá angíl altárjo. Léske sys dyný thuvengiri tyknori (kadila), kaj sys but fimiámo sob (kaj), kaj jov te čhuvél khetané mangipnenca sventoné manušéndyr pe suvnakunó altárjo, so sys terdó angíl trono.

Sykadyipén 8:3 Referans Kwoze

Sykadyipén 5:8

И ке́ли Ёв лыя́ сви́тко, штар джидалэ (жывотна) и биш тэ штар годэпхурэ́ пынэ́ пэ чанга́ анги́л Свэнтонэ́ Бакрорэстэ. Кажнонэ́стэ лэ́ндыр сыс гусли и сувнакунэ́ тахтая́ (чашы), савэ́ сыс пхэрдэ́ фимиамоса дрогонэ́-смолакирэ тхувипнаса (фимиамоса), со исын патерья (молитвы), ке́ли свэ́нта мангэ́напэ Дэвлэ́скэ.

Sykadyipén 8:4

И фимиа́мо ґаздыя́пэ кхэтанэ́ мангипнэнца Дэвлэ́скэ свэнтонэ́ манушэ́ндыр анги́л Дэвлэ́стэ Янголоскирэ вастэ́стыр.

Psalmy 141:2

Мэк миро мангипэ́н (модло) тэ доджал кэ Ту сы́рбы фимиа́мо, а ке́ли мэ ґазда́ва васта́ сы́рбы бэльвэлякиро свэ́нто яныбэ́н.

Luka 1:10

и сарэ́ мануша́ мангнэпэ Дэвлэ́скэ яври́ дро дава́ часо, ке́ли сыс тхувлякирибэн гудлэ́ смоласа.

Sykadyipén 9:13

И шо́вто Янго́ло пхурдыя дрэ пэ́скиро ро́го и мэ шундём зан штартонэ вэнглэндыр сувнакунэ́ алтарёстыр, со сыс анги́л Дэвлэ́стэ,

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Юдэ́нгэ 9:4

Одо́й сыс сувнакуно́ алта́рё, кай хачкирэнас лачхэ́-кхандыпна́скири смо́ла, и Ковчэго́скиро Мохто́/Мохтэ́н (Яшчыко) завето́са, саво́ сыс обчхудо сувнака́са сарэ́ ригэ́ндыр. Дро дава́ Свэ́нто Мохто́ сыс сувнакуно́ чаро́ маннаса, Ароноскиро дэсто́, саво́ вылениндя. И сыс одо́й адя́кэ-паць барунэ́ таблицы, кай сыс вычингирдэ заветоскирэ припхэныбэна́.

Vygiiben 40:26

И чхудя́ сувнакуно́ алта́рё дрэ скэдыибна́скири ша́тра анги́л полого.

Юдэ́нгэ 7:25

Палдава́ Ису́со могинэ́ла тэ зракхэ́л сарэ́ манушэ́н, савэ́ явэ́на пашылэды́р кэ Дэвэ́л пир Лэ́стэ; Ёв исын ўса́ды (сак) джидо́ тэ мангэ́л Дэвлэ́с пал лэ́ндэ.

Римлянэнгэ 8:34

кон явэ́ла тэ сэндякирэ́л? Ису́со Христо́со, Саво́ мыя́, нэ и Саво́ отджидыя́ мулэ́ндыр? Ёв, Саво́ какана́ исын пир чачуны́ Дэвлэ́скири риг? Ёв и мангэ́ла пал амэ́ндэ.

Amoso 9:1

Мэ дыкхцём Рас-Дэвлэ́с, Саво́ сыс тэрдо́ пашы́л алта́рё, и пхэндя́ Ёв: “Пэкав пир вударэскиро бэранд (стойка), соб (кай) тэ тринскирэнпэ проги тэл сты́лбы, и розмар лэн пэ шэрэ́ лэ́нгирэ сарэнгирэ. Мэ мулякирава кодолэ́н, савэ́ ячэ́напэ лэ́ндыр куртала́са: ние́кх на нашэла лэ́ндыр, кон прастала криг; и кодова́, кон кэдэлапэ, на зракхэ́лапэ.

3 Kralip 7:50

И барэ́ чарэ́, и чхурья, и тахтая́, и кадилы, жужэ́ сувнака́стыр, и феля пашы́л вудара́ андратунэ́ Кхангирья́киро дрэ Свэ́нто-свэнтонэнгиро и пашы́л вудара́ дрэ Кхангири́ адя́кэ-паць сувнака́стыр.

Sykadyipén 7:2

И мэ дыкхцём явирэ Янголо́с, Саво́ джа́лас долэ́ рига́тыр, кай кхам уштэ́ла и савэ́стэ сыс Джидэ́-Дэвлэ́скири чэргэнори́. Ёв дыя́ го́дла зоралэ́ заня́са штарэ́ Янголэнгэ, конэ́скэ Дэвэ́л дыя́ зор тэ кэрэ́л чорипэ́н пэ пхув и пэ мо́рё (дэрья́в) и пхэндя́:

Sykadyipén 6:9

И ке́ли Свэ́нто Бакроро́ отпхандя па́нджто чэргэнори́, мэ дыкхцём тэл алта́рё манушэ́нгирэ дия́, савэ́ сыс мулякирдэ́ пал Дэвлэ́скиро лав и пал дова́, со ёнэ патяибныткэс допхэнэнас пал Христосо́стэ;

Sykadyipén 10:1

И мэ дыкхцём явирэ зоралэ́ Янголо́с, Саво́ джа́лас тэлэ́ болыбна́стыр и Саво́ сыс сы́рбы уридо́ дро о́блоко. Пэ лэ́скиро шэро́ сыс брышындытко банги (радуга) и лэ́скиро муй сыс сы́рбы кхам и лэ́скирэ пирэ́ (подэшвы) сыс сы́рбы ягакирэ сты́лбы,

Čysly 4:11

и пэ сувнакуно́ алта́рё чхувэ́на тхан ґолубовонэ вылна́тыр, и учхакирэна ла синёнэ-барсукэнгирэ цыпэндыр учхакирибнаса, и чхувэ́на лэ́скирэ баландиня́.

Čysly 7:62

екх сувнакуны́ кадила дрэ дэш шэ́кели, чхуды́ пхэрдэ́с фимиамоса (гудлэ́ смолэнца),

Isajos 6:6

Тэ́ньци вурняндыя кэ мэ екх серафимэндыр, а дро лэ́скиро васт сыс хачкирдо вангар, саво́ ёв лыя́ алтарёстыр.

Езэкилё 41:22

Алта́рё сыс каштуно, лэ́скиро вучипэ́н – трин куня́, длугипэ́н – дуй куня́, лэ́скирэ вэ́нглы, дова́ пэ со ёв сыс тэрдо́; лэ́скирэ ва́нты – каштэ́стыр. И пхэндя́ ману́ш ма́нгэ: “Кадава́ исын сками́нд, саво́ сыс тэрдо́ анги́л Растэ-Дэвлэ́стэ.”

Sykadyipén 8:5

И Янго́ло лыя́ тхувэнгири тыкнори (кадила), пхэрдякирдя́ ла яга́са алтарёстыр и чхурдыя́ ла пэ пхув: и сыс заня́ и гро́мы, и блискави́цы, и пхувья́киро тринскирибэн.

Sykadyipén 14:18

И яви́р Янго́ло выгия́ алтарёстыр, савэ́стэ сыс зор пэ яг, и, саво́ ракирдя́ зоралэ́ заня́са одолэ́ Янголоскэ, конэ́стэ сыс востро (чолало́) серпо, и пхэндя́: “Бичха́в пэскро востро (чолало́) серпо и скэ́дэ винаградоскирэ рандя́ пэ пхув, пал-дова́ со винаграды́тка му́ри ячнэ́ спяла.”