Sykadyipén 8:12 - Библия - Пэ Балтитко Романи чиб (Романэс) 2019

¹² И шта́рто Янго́ло пхурдыя дрэ пэ́скири ро́го: и три́то паш кхамэскири сыс отмарды, и три́то паш чхонэскири, и три́то паш чэргэненгири, со калынэ; на сыс дуд (свэ́то) ни дро три́то паш дывэсы́тко, ни адя́кэ-паць рати́тко.

Biblija - Pe Baltitko Romani čib (Romanes) 2019

¹² I štárto Jangólo phurdyja dre péskiri rógo: i tríto paš khameskiri sys otmardy, i tríto paš čhoneskiri, i tríto paš čergeniengiri, so kalyne; na sys dud (svéto) ni dro tríto paš dyvesýtko, ni adiáke-pac' ratítko.

Sykadyipén 8:12 Referans Kwoze

Ioil 2:31

Кхам парудёла пэ калыпэ́н, и чхон парудёла пэ рат, – анги́л, сыр явэ́ла баро́ и трашано Дывэ́с Ра́скирэ-Дэвлэ́скиро.

Isajos 13:10

Болыбна́скирэ чэргэня́ буты́р на хачона, кхам мурдия, ко́ли газдэлапэ, чхон на сыкавэ́ла пэ́скиро дуд (свэ́то).

Ioil 2:10

Пхув явэ́ла тэ издрал анги́л лэ́ндэ, и болыбэ́н тэ рискирэлпэ кхам и чхон покалёна, и чэргэня́ пириячэна тэ зяинэн.

Sykadyipén 6:12

И ке́ли мэ дыкхцём, сыр Свэ́нто Бакроро́ отпхандя шо́вто чэргэнори́, тэды яця́ пхувья́киро тринскирибэн, и кхам яця́ кало́ сыр гоно́ балэндыр, и чхон яця́ лоло́ сыр рат;

Sykadyipén 9:18

Три́то паш манушыпнастыр сыс мулякирды далэ́ тринэ́ франсэ́ндыр: яга́са, тхувэса и дзэвэляса, со джа́нас яври́ грэнгирэ муендыр.

Sykadyipén 9:15

И штар Янго́лы сыс роспхандлэ, савэ́ сыс скэдынэ́ ваш шту́нда и дывэ́с, и чхон, и бэрш тэ мулякирэ́н три́то паш манушэ́ндыр;

Marko 13:24

А дро долэ́ дывэса́, сыр проджа́ла (накхэла) дая́ пхари́ би́да, кхам мурдёла, и чхон на явэ́ла тэ свэнцынэл пэ́скирэ свэтоса (лосаса),

Матфеё 24:29

И екха́тыр (сра́зу) пало́ дая́ пхари́ би́да дрэ долэ́ дывэса́ кхам мурдёла, чхон на явэ́ла тэ свэнцынэл, и чэргэня́ пэрэ́на болыбна́стыр, и болыбна́скирэ зорья явэ́на триинскирдэ

Ioil 3:15

Кхам и чхон явэ́на калэ́ (цямлэ), и чэргэня́ пириячэна тэ зяинэн.

Sykadyipén 12:4

и лэ́скири пори тырдэла три́то паш болыбна́скирэ чэргэнендыр и ёв чхурдыя́ тэлэ́ лэн пэ пхув. И драконо тэрдия́ анги́л джювлятэ, савьякэ трэиндя́ тэ биянэ́л, соб (кай), сыр ёй биянэ́ла, ёв могиндя́ тэ хал тыкнорэ́с.

2 Коринфянэнгэ 4:4

пал-дова́ со лэ́ндэ, напатяибнаскирэндэ, дава́ свэтоскиро хохано́ дэвлоро штылякирдя лэ́нгири годы́, соб (кай) ёнэ тэ на дыкхэ́н дуд (свэ́то) и тэ на ґалён роспхэныбэн пал бахталы́ зан (звесь) пал Христососкири ярко сла́ва, а Христо́со исын Дэвлэ́скири патри́н (о́бразо).

Luka 21:25

И коригэды́р (позжэ) далэ́стыр вари-савэ́ знаме́нии (ґертыка́) явэ́на тэ кэрэнпэ пэ кхам, пэ чхон и пэ чэргэня́, а манушэ́ндэ пэ пхув явэ́ла дукх пэ ило́, морёскирэ (дэрьявэ́скирэ) рёвостыр и валнэндыр, савэ́ явэ́на даранэс тэ ґаздэ́нпэ;

Marko 15:33

И дро шо́вто мардо́ (шту́нда) яця́ калыпэ́н пир сари́ пхув и рикирдяпэ кэ еня́то (биекхэ́скиро дэ́што) мардо́ (шту́нда).

Матфеё 27:45

Шовтонэ (дэшудуйтонэ) мардэстыр (штундатыр) яця́ калыпэ́н пир сари́ пхув и рикирдяпэ кэ/жы́ко еня́то (биекхэ́скиро дэ́што) мардо́;

Ереме́ё 4:23

Мэ, Ереме́ё, дыкха́ва пэ пхув сы́рбы дро суно́, и, акэ, – ёй исын нашады и чхучи́; и, акэ, пэ болыбэ́н – нанэ дуд (свэ́то) пэ лэ́стэ.

Apostolengiri Butý 2:20

Кхам кэрэ́лапэ дро калыпэ́н, и чхон дро рат, анги́л сыр явэ́ла Дэвлэ́скиро дывэ́с, бахтало́ и лачхо́.

Amoso 8:9

“И явэ́ла адя́кэ дро дова́ дывэ́с’, – ракирэ́ла Рай Дэвэ́л – ‘со Мэ кэра́ва адя́кэ, со кхам заджа́ла дро паш-дывэ́с, со явэ́ла кало́ (цямло) пэ пхув дро ясно дывэ́с.

Isajos 24:23

И чхон лолёла, и кхам ладжала, ко́ли явэ́ла Рай Дэвэ́л, болыбна́скирэ-янголэ́нгиро крали́са пэ бэ́рга Сио́но и дро Ерусалимо, и анги́л лэ́скирэ пхурыдырэндэ явэ́ла барипэ́н (сла́ва).

Sykadyipén 16:10

И па́нджто Янго́ло вычхудя́ пэ́скиро тахта́й пэ рискирибна́скирэ-мурдалэскиро (зверёскиро) алта́рё: и калыпэ́н чхакирдя рискирибна́скирэ-мурдалэскиро кралипэ́н и мануша́ дандырэнас пэс пал пэ́скирэ чиба́ (чибья́) дукхэндыр;