Sykadyipén 8:11 - Библия - Пэ Балтитко Романи чиб (Романэс) 2019

¹¹ Адалэ́-чэргэнякиро лав исын Полы́но (Вэ́рмуля); и три́то паненгири паш яця́ киркэ чарьяса, и бут мануша́ мынэ́ панендыр, пал-дова́ со ёнэ ячнэ́ киркэ.

Biblija - Pe Baltitko Romani čib (Romanes) 2019

¹¹ Adalé-čergeniakiro lav isyn Polýno (Vérmulia); i tríto paniengiri paš jaciá kirke čarjasa, i but manušá myné paniendyr, pal-dová so jone jačné kirke.

Sykadyipén 8:11 Referans Kwoze

Ереме́ё 23:15

Палдава́ адя́кэ ракирэ́ла янголэ́нгирэ-болыбна́скиро Рай Дэвэ́л пал пророкэ́ндэ: “Акэ Мэ ява́ва тэ чаравав лэн палыноса, и Мэ зачхувава лэн тэ пьен пани́ жэлучостыр, пир дова́, со Ерусалимо́скирэ пророкэндыр бидэвлыткима розгия́пэ пир сари́ пхув”

Ереме́ё 9:15

палдава́ адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Акэ, Мэ чалякирава кадалэ́ манушэ́н палыноса и Мэ панякирава лэн пане́са жэлучоса.”

Яви́р Зако́но 29:18

Мэк тэ на явэ́л машки́р тумэ́ндэ муршэ́с, ци джувля́, ци ро́до, ци ро́дыцо (чанг), савэнгиро ило́ тэ отджал бы (хай) акана́ Ра́стыр-Дэвлэ́стыр, Дэвлэ́стыр амарэстыр, соб (кай) ёв тэ псирэ́л тэ дынаринэ́л одолэ́-манушэ́нгирэ дэвлорэ́нгэ; мэк тэ на явэ́л машки́р тумэ́ндэ рукх (корнё), саво́ барьякирэ́ла трута (ядо) и палыно,

Amoso 6:12

Ци праста́на грая пир бэ́рги? Ци пахинэла пхув ману́ш, одо́й, пэ гурувэстэ? А сыр жа тумэ́ пиририскирдэ чачипэ́н дрэ жэлучоскири трута (ядо), а бар΄якирдо (пло́до) чачипна́скиро дро киркипэн (палыно)?

Amoso 5:7

Тумэ́, кон пирикэрэла чачуно́ сэ́ндо пэ трута (отрава), а чачипэ́н чхурдэна пэ пхув,

Roiben 3:19

Мэ рипирава мирэ́ мэ́ньки и мири́ бари би́да, кирки чар (полыно) и жэлучо.

Pritčy 5:4

нэ пэ ко́нцо (пэ яго́ро) ёй исын киркэдыр палыностыр и востро сыр дуе-ригитко курта́ла (сабля).

Sykadyipén 8:7

И пэ́рво Янго́ло пхурдыя дро пэ́скиро ро́го; яця́ ґрадо и яг, савэ́ сыс змешындлэ ратэ́са и сыс чхурдынэ́ пэ пхув. Три́то паш пхувья́тыр хачия и три́то паш каштэндыр (дрэвэндыр) хачия, и кажно зэлэны чар хачия.

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

Roiben 3:5

Ёв ґаздыя́ ва́нта пэ ма́ндэ, и Ёв обгия трусця́л ман киркипнаса и пхарипнаса.

Ruta 1:20

Ёй пхэндя́ лэ́нгэ: “На кхарэ́н ман Ноэминьяса, а кхарэ́н ман Мараса, пал-дова́ со Сарэзорьякирэ бичхадя́ ма́нгэ баро́ киркипэн;

Vygiiben 15:23

Явнэ́ дрэ Ме́ра (Мара), и на могиндлэ́ тэ пьен пани́ дрэ Ме́ра, пал-дова́ со ёв сыс кирко, палдава́ и дынэ́ долэ́ штэтоскэ лав: Ме́ра.

Заха́рия 13:8

И явэ́ла адя́кэ пэ сари́ пхув, – ракирэ́л Рай-Дэвэ́л, – ‘Дуй трита пэ ла́тэ явэ́на хасякирдэ́, вымэрна, а три́то паш ячэ́лапэ пэ ла́тэ.

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Sykadyipén 9:15

И штар Янго́лы сыс роспхандлэ, савэ́ сыс скэдынэ́ ваш шту́нда и дывэ́с, и чхон, и бэрш тэ мулякирэ́н три́то паш манушэ́ндыр;

Sykadyipén 9:18

Три́то паш манушыпнастыр сыс мулякирды далэ́ тринэ́ франсэ́ндыр: яга́са, тхувэса и дзэвэляса, со джа́нас яври́ грэнгирэ муендыр.

Sykadyipén 12:4

и лэ́скири пори тырдэла три́то паш болыбна́скирэ чэргэнендыр и ёв чхурдыя́ тэлэ́ лэн пэ пхув. И драконо тэрдия́ анги́л джювлятэ, савьякэ трэиндя́ тэ биянэ́л, соб (кай), сыр ёй биянэ́ла, ёв могиндя́ тэ хал тыкнорэ́с.