Sykadyipén 7:9 - Библия - Пэ Балтитко Романи чиб (Романэс) 2019

⁹ Пало́ дава́ саро́ мэ дыкхцём, и, ґа́да, исын бут бут мануша́, со никонэ́скэ на сыс пир зор тэ гинэл лэн, сарэ́ кхэритконэ́ родэндыр, сарэ́ родэндыр, сарэ́ манушытконэ́ нацые́ндыр, сарэ́ екхэ-чибакирэ ирье́ндыр (сэм΄е́ндыр/чибэ́ндыр/чибье́ндыр), савэ́ сыс тэрдэ́ анги́л троно и анги́л Свэнтонэ́ Бакрорэстэ. Ёнэ сыс уридэ́ дрэ парнэ́ урибэна́, и дрэ васта́ сыс лэ́ндэ пальмитка рандя́ (вэ́тки).

Biblija - Pe Baltitko Romani čib (Romanes) 2019

⁹ Paló davá saró me dykhcjom, i, ĥáda, isyn but but manušá, so nikonéske na sys pir zor te ginel len, saré kheritkoné rodendyr, saré rodendyr, saré manušytkoné nacyiéndyr, saré jekhe-čibakire ir'jéndyr (sem'iéndyr/čibéndyr/čib'jéndyr), savé sys terdé angíl trono i angíl Sventoné Bakroreste. Jone sys uridé dre parné uribená, i dre vastá sys lénde pal'mitka randiá (vétki).

Sykadyipén 7:9 Referans Kwoze

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

Joannostir 12:13

лынэ́ пальматыр рандя́ и выгинэ́ анги́л Лэ́стэ и годлэнас: “Асанна! Мэк тэ явэ́л бахтякирдо́, Саво́ джа́ла ваш Дэвлэ́скиро лав, Кра́ли Израилёскиро!”

Psalmy 2:8

Манг Ма́ндыр, и Мэ да́ва ту́кэ манушыпнаскирэ расы сыр мэкно́ миштыпэ́н и сари́ пхув явэ́ла тыри́:

Заха́рия 2:11

– И припрастана кэ Рай Дэвэ́л бутджинэ мануша́ дрэ дова́ дывэ́с и ёнэ явэ́на Лэ́скирэ мануша́; и Ёв лэ́ла тэ дживэ́л дрэ тумэ́ндэ андра́л, и тумэ́ доджинэпэ, янголэ́нгирэ-болыбна́скиро Рай Дэвэ́л бичхадя́ Ман кэ ту.

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

Sykadyipén 6:11

Кажнонэ́скэ лэ́ндыр сыс дыно́ парно́ урибэ́н и сыс пхэндло́ лэ́нгэ, соб (кай) ёнэ ишчо (инкэ́) на́бут тэ откхинён, пака лэ́нгирэ мала́ (дру́ги) пир буты́ и лэ́нгирэ пша́ла явэ́на мулякирдэ́, сыр и ёнэ, соб (кай) тэ явэ́л пхэрдо́ кицыпэн (количэство).

Sykadyipén 3:18

палдава́ мэ подпхэнава ту́кэ тэ кинэс сувнака́й Ма́ндыр, саво́ сыс пробиндло яга́са. Кин адя́кэ-паць парны и́дя тэ урьеспэ, соб (кай) тэ сыкавэс ладж пэ́скирэ нангипнаскири; и помакх пэ́скирэ якха́ якхитконэ макхлуняса (мазяса), соб (кай) тэ дыкхэ́с.

Римлянэнгэ 11:25

Палдава́ мэ на кама́м, пшала́лэ, тэ ячкирав тумэн дрэ наджиныбэн пал чораханыбэн, соб (кай) тумэ́ тэ на думинэн вучэ́с пал пэ́стэ, вари-савэ́ Юды ячнэ́ пхарэилытка и дава́ явэ́ла кэ одова́ часо, пака, кицы́ трэй Наюдэн, рисёна кэ Дэвэ́л;

Ереме́ё 3:17

Дро дава́ часо (цы́ро) ёнэ явэ́на тэ кхарэ́н Ерусалимо Ра́скирэ-Дэвлэ́скиро троноса, и сарэ́ манушэ́нгирэ на́цыи кэдэнапэ кхэтанэ́ кэ Ерусалимо и буты́р на явэ́на тэ псирэ́н накандунэс пир лэ́нгирэ пхарэ́ илэ.

Luka 21:36

Ваш дава́ дыкхэ́н и на совэн и мангэ́нпэ Дэвлэ́скэ кажно часо, соб (кай) тумэ́ тэ явэ́н мол тэ зракхэнпэ сарэ́стыр далэ́стыр, со трэй тэ явэ́л, и тэ тэрдён анги́л Манушэ́скирэ Чхавэ́стэ.”

Luka 12:1

Дрэ дова́-паць мардо́ (шту́нда) ада́кицы бут мануша́ скэдынэ́пэ кхэтанэ́, со ёнэ лынэ́ тэ тасавэн екх екхэ́с, и Ису́со лыя́ тэ ракирэ́л англэды́р Лэ́скирэ сыкляибнытконэ́нгэ: “Ракхэ́нпэ Фарисиенгирэ рошчынатыр: ракхэ́нпэ лэ́нгирэ дуемуиткиматыр;

Psalmy 22:27

Мэк тэ хан чалэ́с одолэ́, савэ́ ха́на мэ́ньки, а одолэ́, савэ́ родэ́на Рас-Дэвлэ́с, явэ́на тэ шарэ́н Лэс, мэк тэ дживэ́н тумарэ́ илэ пэ сарэ́ ве́ки!

Левито 23:40

А пэ пэ́рво дывэ́с лэн пэ́скэ гожонэ вэшэ́стыр рандя́ (вэ́тки), пальмакирэ рандя́ и рандя́ буґлэ-патриненгирэ вэшэ́стыр и верба рэка́тыр (лэня́тыр), и радынэ́нпэ пхэрдэ́с анги́л Растэ-Дэвлэ́стэ, тумарэ́ Дэвлэ́стэ, эфта́ дывэса́.

Sykadyipén 4:4

И трусця́л кадава́ троно сыс биш тэ штар яви́р троны и биш тэ штар годэпхурэ́ сыс бэштэ́ пэ кадалэ́ троны дрэ парнэ́ урибэна́ и пэ шэрэ́ сыс лэ́ндэ сувнакунэ́ вянки (короны).

Юдэ́нгэ 12:22

а тумэ́ явнэ́ кэ бэ́рга Сио́но, кэ Болыбна́скиро Ерусалимо, кэ джидэ́-Дэвлэ́скиро фо́ро, кай исын Янго́лы, Савэ скэдынэ́пэ кхэтанэ́,

Юдэ́нгэ 11:12

Палдава́ екхэ́ кадалэ́ Авраамостыр, саво́ сыс пхуро́ кэ мэрибэ́н тэ явэ́л дадэ́са, бия́ндынэ ада́кицы бут мануша́, ада́кицы ци бут исын чэргэня́ пэ болыбэ́н и сыр нашты́ тэ гинэс саро пра́хо пэ морёскиро (дэрьявэ́скиро) брэ́го.

Эфесянэнгэ 6:13

Палдава́ урьен сарэ́ Дэвлэ́скирэ мардытка, соб (кай), ке́ли явэ́ла на́лачхо дывэ́с, тумэ́ могиндлэ́ тэ тэрдён проти, и саро́ тэ пиризорьякирэн и тэ вырикирэн.

Osija 1:10

Нэ чхавэ́ Израилёскирэ явэ́на ада́кицы бут, кицы́ исын пра́хо пэ мо́рё (дэрья́в), со нашты́ тэ вымеринэс и тэ гинэс. И явэ́ла адя́кэ: пэ штэ́то, кай ракирдэ́ лэ́нгэ: “Тумэ́ на сан Мирэ́ мануша́,” акана́ одо́й пхэнэ́на лэ́нгэ: “Тумэ́ сан чхавэ́ джидэ́ Дэвлэ́скирэ.”

Дание́лё 6:25

Пало́ дова́ о кра́ли Дариё чхиндя́ сарэ́ манушытконэ́ нацые́нгэ, кхэритконэ́ родэ́нгэ и екхэ-чибакирэ ирьенгэ (чибэнгэ/ чибьенгэ) (языкэнгэ), савэ́ дживдэ́ пэ сари́ пхув: “Рама́нё (миро) тумэ́нгэ мэк тэ барьёл!”

Psalmy 98:3

Ёв дыя́ тэ рипирэл пал Пэ́скири лачхэ́-илы́ткима и лэ́скиро чачипэ́н Израилёскирэ кхэрэ́скэ: сарэ́ пхувья́кирэ яго́ры (краи́) дыкхнэ́, сыр амаро́ Дэвэ́л зракхэ́ла Пэ́скиро манушэ́н.

Дание́лё 4:1

[4] Мэ, Навуходоносо́ро, со́мас дро миро кхэр и бахталэ́ сыс дывэса́ дрэ харомы дрэ мири́ бари фэлатин (колов).

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Sykadyipén 5:11

И нэвэ́стыр мэ дыкхцём и шундём заня́ бутэ́-Янголэ́нгирэ, савэ́ сыс милионы пашы́л троно и штарэ́ джидалэндэ и биш тэ штар годэпхурэндэ,

Psalmy 77:2

Мири́ зан исын кэ Дэвэ́л и мэ ява́ва тэ ґодлав кэ Дэвэ́л мирэ́ заня́са и Ёв шунэ́ла ман.

Džiibén 13:16

и созда́ва Мэ тырэ́ родо́стыр бут бут манушэ́н, сыр пхувья́киро пра́хо; ко́ли вари-кон сашты́ (могинэ́ла) тэ пиригинэл пхувья́киро пра́хо, тэды и ро́до тыро́ явэ́ла згиндло;

Ереме́ё 16:19

Раё Дэ́вла! Ту сан миро зоралыпэ́н и мири́ тва́рдыма, и пал Ту́тэ Мэ гарадёвава дрэ трашанэ (даракунэ) дывэса́, кэ Ту явэ́на бут мануша́ сарэ́ ягорэндыр (краендыр) пэ пхув и пхэнэ́на: “Амарэ́ дада́, чачэс, дорэснэ́ (долынэ) мэкно́ миштыпэ́н, саво́ исын хохано́ и хартытко (никчэмно), и лэ́стыр нанэ ни саво́ лачхипэ́н.

Psalmy 76:4

Одо́й Ёв пхагирдя́ сыгна марибны́тка бустя́ (стре́лы) пэ лу́ко вэргэ́ндэ, шчы́то, курта́ла и марибэ́н. Сэ́ла.

Заха́рия 10:8

Мэ да́ва шоля, лэ́нгэ и скэда́ва лэн, пал-дова́ со выракхцём лэн; ёнэ явэ́на ада́кицы бутджинэ, сыр сыс англэды́р.

Sykadyipén 7:8

12 тысёнцы Завулоноскирэ родо́стыр, 12 тысёнцы Ёза́скирэ (Иосифо́скирэ) родо́стыр, 12 тысёнцы Вениамино́скирэ родо́стыр.

Sykadyipén 22:3

И буты́р на явэ́ла нисо́ прокошно́. И Дэвлэ́скиро и Свэнтонэ́-Бакрорэскиро троно явэ́на дро дава́ фо́ро и Лэ́скирэ писха́рья явэ́на тэ дынаринэ́н Лэ́скэ,

Езэкилё 47:5

Выгиндя́ ишчо (инкэ́) тысёнцо, ада́й сыс дасаво сы́гно панынг, со нашты́ сыс ма́нгэ тэ пириджав, пал-дова́ со пани́ сыс адя́кэ хор, со трэиндя́ тэ плывинав тэ пириджав дава́ панынг сыс нашты́.