Sykadyipén 7:3 - Библия - Пэ Балтитко Романи чиб (Романэс) 2019

³ “На кэрэ́н чорипэ́н ни пэ пхув, ни пэ мо́рё (дэрья́в), анги́л дова́, сыр амэ чхуваса чэргэнори́ пэ чэкат писхарье́нгэ Амарэ́ Дэвлэ́скирэ.”

Biblija - Pe Baltitko Romani čib (Romanes) 2019

³ “Na kerén čoripén ni pe phuv, ni pe mórjo (derjáv), angíl dová, syr ame čhuvasa čergenorí pe čekat pishar'jénge Amaré Devléskire.”

Sykadyipén 7:3 Referans Kwoze

Sykadyipén 22:4

и ёнэ явэ́на тэ дыкхэ́н Лэ́скиро муй. И Лэ́скиро титуло явэ́ла пэ лэ́нгирэ чэката.

Езэкилё 9:4

И пхэндя́ лэ́скэ Рай Дэвэ́л, Дэвэ́л: “Джа́ пэ́скэ машки́р фо́ро, машки́р Ерусалимо, и кэр шпэ́ра (знако) пэ чэкат одолэ́ манушэ́нгирэ, савэ́нгэ исын пхаро́ пал саро́ джунгалыпэ́н, и савэ́ пиридживэна, со кэрэ́лапэ машки́р лэ́ндэ.”

Sykadyipén 9:4

Лэ́нгэ сыс пхэндло́ тэ на кэрэ́н чорипэ́н ни пхувитконэ чарьякэ, ни савэ́ зэлэнэ раслинакэ, ни савэ́ каштэскэ (дрэвоскэ), а екх манушэ́нгэ, савэ́ндэ на сыс Дэвлэ́скиро та́вро пэ лэ́нгирэ чэката:

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.

Sykadyipén 14:1

И мэ дыкхцём и, акэ, Свэ́нто Бакроро́ исын тэрдо́ пэ бэ́рга Сио́но, и сыс Лэ́са шэл тэ штардэша́ штар тысёнцы манушэ́н, савэ́ндэ Лэ́скиро лав и Лэ́скирэ-Дадэ́скиро лав сыс чхиндлэ́ пэ чэкат.

Sykadyipén 13:16

И кадава́ яви́р рискирибна́скиро мурда́л кэрэ́лас адя́кэ, соб (кай) сарэ́ манушэ́нгэ, тыкнэнгэ и барэнгэ, барвалэнгэ и богэнгэ, вольнонэ и писхарье́нгэ тэ дорэсэн шпэ́ра (знако) пэ чачо́ (право) васт ци пэ лэ́нгиро чэкат;

Vygiiben 12:13

И явэ́ла тумэ́ндэ рат ґертыкаса (знамениёса) пэ кхэра́, кай тумэ́ сан, и дыкха́ва рат, и Мэ проджава маму́й тумэ́ндэ, и на явэ́ла машки́р тумэ́ндэ хасибны́тко дукх, ке́ли Мэ ява́ва тэ хасякира́в Египто́скири пхув.

Isajos 54:17

Кон бы на ґаздэласпэ пэ ту́тэ вари-со́са, ничи́ ту́са на кэрэ́лапэ; со б на ракирэ́нас пал ту́тэ пэ сэ́ндо, ёнэ явэ́на бангэ́, а на ту. Дава́ исын да́ро сыр мэкно́ миштыпэ́н, со прилэ́на Ра́скирэ-Дэвлэ́скирэ писха́рья, ёнэ явэ́на отмэкнэ и дава́ исын Ма́ндыр,” – ракирэ́ла Рай Дэвэ́л.

Sykadyipén 19:2

Чачунэ́ и чачипнаскирэ исын Лэ́скирэ сэнды. Ёв сэндякирдя барья́ розмэкна́ джувля́, сави́ калякирдя пхув пэ́скирэ блэндо́са. Дэвэ́л чхудя́ хась (ка́ра) палэ пэ ла́тэ пал рат Лэ́скирэ писхарьенгиро ла́кирэ вастэ́стыр.”

Sykadyipén 6:6

И мэ шундём зан штарэ́ джидалэндыр, со пхэндя́: “Литра парно́ гив пал дынариё и трин литры ґэрсто (ячменё) пал динариё. И на хасякир оливи́тко дзэт (елеё) и мол.

Малахия 3:18

Тэ́ньци тумэ́ нэвэ́стыр розґалёна лачхэ́с машки́р патяибнаскирэндэ и фуе́ манушэ́ндэ; машки́р кадалэндэ, кон дынаринэла Дэвлэ́скэ и одолэ́ндэ, кон на дынаринэла Лэ́скэ.

Vygiiben 12:23

И сыр джа́ла Рай Дэвэ́л тэ хасякирэ́л Еги́пто, и дыкхэ́ла рат пэ пирикладина и пэ дуй косяки и проджа́ла Рай Дэвэ́л маму́й вудара́, и на домэкэла мэрибэ́н тэ заджа́л дрэ тумарэ́ кхэра́ ваш хасякирибэн.

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Матфеё 24:22

И ко́ли далэ́ дывэса́ тэ на явэ́нас кроткэдыр, нико́н джидэндыр на зракхэласпэ; нэ ваш манушэ́нгэ, савэ́н Дэвэ́л выкэдыя́, явэ́на кроткэдыр далэ́ дывэса́.

Софония 2:3

родэ́н Рас-Дэвлэ́с сарэ́, савэ́ исын ковлэ́-илэ́скирэ пэ пхув, кон рикирдя Лэ́скиро чачуно́ Зако́но, родэ́н чачипэ́н, родэ́н тэ явэ́н рахмана (спокойна); сашты́ тэ явэ́л, со тумэ́ гарадёна дро дывэ́с, сыр явэ́ла Ра́скирэ-Дэвлэ́скири холы́.

Isajos 65:8

Адя́кэ ракирэ́ла Рай Дэвэ́л: “Ко́ли барьёла винаградо, тэ́ньчи ракирэ́на: ‘На чхин лэс, пака ёв выбарьёла, дрэ лэ́стэ исын бахтякирибэ́н; адя́кэ Мэ кэра́ва ваш Мирэ́ писхарье́нгэ, соб (кай) тэ на хасякира́в сарэ́н.

Isajos 27:8

Ту пхуцян лэ́стыр, сыр трэй, ко́ли Ту, Дэ́вла, отгиян лэ́стыр; вычхурдыян лэс Пэ́скирэ зоралэ́ пхурдыпнаса, сыр дро дывэ́с, ко́ли пхурдэла васточно балва́л.

Isajos 6:13

И ко́ли ячэ́лапэ дэ́што паш пэ ла́тэ и рисёла, усае́кх явэ́ла пхув чхучи́, нэ сыр теревинфостыр и дэмбостыр, ко́ли ёнэ исын чингирдэ тэлэ́, исын ячаибэ́н, адя́кэ свэ́нто ячаибэ́н ячэ́лапэ.”

Римлянэнгэ 6:22

Нэ какана́, ке́ли тумэ́ сан вольна грэхостыр и ячнэ́ Дэвлэ́скирэ писхарье́нца, тумэ́ндэ исын свэ́нто отдыибэ́н Лэ́стыр и тумэ́ндэ исын ко́нцо (яго́ро) пэ дава́, саво́ исын ве́чно джиибэ́н.

Матфеё 24:31

И бичхавэ́ла Ёв Пэ́скирэ Янголэн барэ́ рогоса (трубаса), и скэдэ́ла кхэтанэ́, конэ́с Ёв выкэдыя́, штарэ́ ригэ́ндыр и екхэ болыбнытконэ ягоро́стыр (краёстыр) кэ яви́р.

Дание́лё 6:16

Адя́кэ, о кра́ли припхэндя́, и яндлэ́ Даниелёс, и чхурдынэ́ лэс дро шчэрэнгиро рово (хохо́й); пашы́л о кра́ли пхэндя́ Даниелёскэ: “Тыро́ Дэвэ́л, Савэ́скэ ту сан напарундло дына́ри, Ёв тут зракхэ́ла!”

Дание́лё 3:26

Тэ́ньци подги́я о Навуходоносо́ро кэ яго́ро (краё) бовэскиро, саво́ сыс росхачкирдо яга́са, и пхэндя́: “Шэдрахо, Мешахо и Авед-Него, писха́рья Дэвлэ́скирэ Най Вучэдырэскирэ! Джа́н яври́ и явэ́н пашылэды́р!” Тэ́ньци Шэдрахо, Мешахо и Авед-Него выгинэ́ андрэстыр ягатыр.

Дание́лё 3:17

Амаро́ Дэвэ́л, Савэ́скэ амэ дынарина́с, исын зорало́ и зракхэ́ла амэн бовэстыр, росхачкирдэ яга́са, и тырэ́ вастэ́стыр, о кра́лё, Ёв зракхэ́ла.

Езэкилё 9:6

Пхурэн и тэрнэ́ манушэ́н, патывалэ́ тэрнэ́ джувле́н и биято́с и джувле́н мулякирэ́н, нэ на чилавэн ни екх манушэ́с, пэ конэ́стэ исын шпэ́ра (знако). Лэн (зачнинэн) тэ кэрэ́н Мирэ́ свэнтонэ́ штэто́стыр.” Ёнэ лынэ́ тэ мулякирэ́н долэ́ годэ́-пхурэндыр (пхурыдырэндыр), савэ́ сыс анги́л Кхэр.

Joannostir 3:33

Нэ кон приґалёла Лэ́скиро допхэныбэ́н, одова́ допхэнэ́ла, со Дэвэ́л исын чачуно́.

Sykadyipén 7:1

Пало́ дава́ мэ дыкхцём штарэ́ Янголэн, Савэ сыс тэрдэ́ пэ штар вэ́нглы пэ пхув и рикирэнас штар балваля, соб (кай) тэ на пхурдэл ни сави́ балва́л ни пир пхув, ни пир мо́рё (дэрья́в), ни пир вари-саво́ кашт (дрэ́во).

Sykadyipén 7:2

И мэ дыкхцём явирэ Янголо́с, Саво́ джа́лас долэ́ рига́тыр, кай кхам уштэ́ла и савэ́стэ сыс Джидэ́-Дэвлэ́скири чэргэнори́. Ёв дыя́ го́дла зоралэ́ заня́са штарэ́ Янголэнгэ, конэ́скэ Дэвэ́л дыя́ зор тэ кэрэ́л чорипэ́н пэ пхув и пэ мо́рё (дэрья́в) и пхэндя́:

Sykadyipén 13:17

соб (кай) нико́н на могинэлас тэ кинэл, тэ бикнэл апри́ч одолэ́стэ, савэ́стэ исын шпэ́ра; ци мурдалэскирэ лавэ́са ци лэ́скирэ-лавэ́скирэ гинэ́са (чыслоса).

Sykadyipén 14:9

И три́то Янго́ло, саво́ джа́лас пала́л пал лэ́ндэ, пхэндя́ зоралэ́ заня́са: “Кон клонинэлапэ патыва́са рискирибна́скирэ мурдалэ́скэ и лэ́скирэ патриня́кэ (образо́скэ), и прилэ́ла шпэ́ра пэ пэ́скиро чэкат ци васт,