Sykadyipén 7:16 - Библия - Пэ Балтитко Романи чиб (Романэс) 2019

¹⁶ Ёнэ на явэ́на буты́р тэ бокхалён, на явэ́на тэ тырдэнпэ тэ пьен: кхам и вари-саво́ хачкирибэ́н на пэрэ́ла пэ лэ́ндэ;

Biblija - Pe Baltitko Romani čib (Romanes) 2019

¹⁶ Jone na javéna butýr te bokhaljon, na javéna te tyrdenpe te p'jen: kham i vari-savó xačkiribén na peréla pe lénde;

Sykadyipén 7:16 Referans Kwoze

Isajos 49:10

На явэ́на ёнэ тэ бокхалён, на явэ́на ёнэ би панескиро (трушалэ), кхам лэн на пэкэла; Кодова́, Кон тангинэла (жалинэла) лэн, лыджа́ла лэн и янэ́ла кэ пани́.

Joannostir 4:14

Нэ кон явэ́ла тэ пьел пани́, саво́ Мэ да́ва лэ́скэ, одова́ на явэ́ла тэ камэл тэ пьел саро́ ве́ко; а пани́, саво́ Мэ да́ва лэ́скэ, ячэ́ла андра́л манушэ́стэ ґанынгаса ваш дасаво пани́, саво́ лыджа́ла дро ве́чно джиибэ́н.”

Sykadyipén 21:4

И Дэвэ́л выкхосэла кажно ясвин лэ́нгирэ якхэ́ндыр. Мэрибэ́н буты́р на явэ́ла, ни ту́га, ни роибэ́н, ни дукх. Пал-дова́ со саро́, со сыс анги́л, хасия́.”

Матфеё 5:6

Бахталэ́ исын одолэ́, конэ́скиро ило́ исын бокхало пал Дэвлэ́скиро лав и сыр пани́ древа́н родэ́ла чачипэ́н. Дэвэ́л чалякирэла лэ́нгиро ило́.

Psalmy 121:6

Кхам на пэкавэла тут дывэсэ́ ци чхон раты́.

Luka 6:21

Бахталэ́ исын тумэ́, конэ́скиро ило́ исын бокхало пал Дэвлэ́скиро лав, пал-дова́ со Дэвэ́л пхэрдякирэла тумаро́ ило́. Бахталэ́ исын тумэ́, савэ́ ровэна, пал-дова́ со тумэ́ явэ́на тэ радынэ́нпэ.

Luka 1:53

Ёв чалякирдя чалэ́с бокхалэн, и мэкця́ криг барвалэн чхучэ́ вастэ́нца,

Isajos 41:17

Ке́ли чорорэ́ и бо́ги (мануша́ дрэ трэ́бима) явэ́на тэ родэ́н пани́, и нанэ пани́, и лэ́нгирэ чиба́ (чибья́) явэ́на тэ шутён трушатыр (смэгатыр), то Мэ, Рай Дэвэ́л, ява́ва тэ шунав лэн; Мэ Дэвэ́л Израилёскиро, на мэкава лэн.

Isajos 25:4

Ту са́нас зракхибнаса ваш чорорэскэ, зракхибнаса ваш чорорэ́ манушэ́скэ, сыр сыс пхаро́ лэ́скэ; зракхибнаса зоралэ́ балвалятыр, и кхамэстыр. А холямо́ пхурдыпэн налачхэ́ манушэ́ндыр сыс сыр балва́л, ко́ли ёй пэ ва́нта ґаздэ́лапэ.

Isajos 65:13

Палдава́ адя́кэ ракирэ́ла Рай Дэвэ́л: “Акэ, Мирэ́ писха́рья ха́на, а тумэ́ бокхалэ́ явэ́на; Мирэ́ писха́рья явэ́на тэ пьен – а тумэ́ явэ́на би панескиро.

Матфеё 13:6

а сыр уштыя́ кхам, шутькирдя лэн; пал-дова́ со, сыр на сыс лэ́ндэ ко́рни (рукха́), ёнэ зашутинэ;

Гиленгири (Соломоно́скири) Гилы́ 1:6

На дыкхэ́н адя́кэ пэ ма́ндэ, со мэ сом калёри, пал-дова́ со кхаморо пэкця ман. Мирэ́-да́кирэ чхавэ́ холясынэ пэ ма́ндэ; ёнэ чхудэ́ ман тэ ракхав винаграды́тко у́нта [(дракхин)] (садо), нэ мэ на ракхцём мири́ винаграды́тко у́нта.

Psalmy 42:2

Сыр мирга (лань) древа́н камэ́ла пани́, саво́ тхадэ́ла, адя́кэ-паць дро мирэ́ ду́хо (фа́но) исын смэга / труш (жажда) кэ Ту, о Дэ́вла.

Jakov 1:11

Пал-дова́ со уштэ́ла кхам и шутькирэла чар пэ́скирэ хачкирибнаса, и ла́кирэ лулудя́ (цвэты) пэрэ́на, и саро́ шукарибэн хасёла, адя́кэ-паць и хасёла барвало́ ману́ш сарэ́са, со ёв кэрдя́.

Marko 4:17

А адя́кэ, сыр ко́рни (рукха́) хор лэ́ндэ нанэ, тэды ёнэ сыс сарэ́са надлэнга. Ко́ли пал прилыно лав ёнэ дыкхэ́на традыпэн и пхарипэ́н, ёнэ мэкэ́на лав екха́тыр.

Marko 4:6

а ко́ли яця́ хачкирибэ́н кхамэстыр, ростки (шчуки) мурдалынэ (звяниндлэ) и зашутинэ, пал-дова́ со ко́рни (рукха́) лэ́ндэ на хор сыс.

Матфеё 13:21

нэ сыр дава́ лав на заджа́ла хор дро ило́ и патяибэ́н исын кротко, тэды, ке́ли явэ́на мэ́ньки и традыпэн пал лав, екха́тыр ёв мэкэ́ла тэ патял.

Jona 4:8

И сыс адя́кэ: сыр кхам ґаздыя́пэ, о Дэвэ́л яндя́ хачкирды балва́л вастоко́стыр: и кхам лыя́ тэ пэкэл пэ шэро́ Ёнаскиро адя́кэ, со лэ́скиро ило́ замыя́. Тэ́ньци ёв закамдя́ мулыпэн пэ пэ́стэ, и пхэндя́ ёв: ‘Фэды́р исын ваш ма́нгэ тэ мэрав, сыр тэ джива́в’.

Isajos 32:2

Кажно лэ́ндыр явэ́ла сыр зракхибэ́н балвалятыр, сыр зракхибэ́н брышындэстыр, сыр пани́ пэ шуки́ (чхучи́) пхув, сыр бэ́рга, сави́ закэрэла кхамэстыр чхучи́ пхув.

Psalmy 143:6

Мэ тырдава мирэ́ васта́ кэ Ту: миро ди исын трушало́ (жаждынэла) пал Ту́тэ сы́рбы пхув, сави исын трушалы (жаждынэла) пал брышы́нд. Сэ́ла.

Psalmy 63:1

Давидо́скиро Пса́лмо, ке́ли Ёв сыс пэ чхучи́ Пхув кэ Юдэ́я

Psalmy 121:5

Рай Дэвэ́л ракхэ́ла тут, Рай Дэвэ́л явэ́ла тэ приракхэл тут пашы́л тыри́ чачи́ риг.