Sykadyipén 5:5 - Библия - Пэ Балтитко Романи чиб (Романэс) 2019

⁵ И екх годэпхурэндыр пхэндя́ ма́нгэ: “На ров! Дыкх! О Шчэр (Ле́во) Юда́скирэ родо́стыр, Давидо́скирэ ратэстыр, сэмэ́нца, лыя́ упралыпэ́н, соб (кай)/ёв тэ дэл ра́да тэ отпхандэл сви́тко и лэ́скирэ эфта́ чэргэнорья.”

Biblija - Pe Baltitko Romani čib (Romanes) 2019

⁵ I jekh godephurendyr phendiá mánge: “Na rov! Dykh! O Ščer (Liévo) Judáskire rodóstyr, Davidóskire ratestyr, seménca, lyjá upralypén, sob (kaj)/jov te del ráda te otphandel svítko i léskire eftá čergenorja.”

Sykadyipén 5:5 Referans Kwoze

Isajos 11:1

И выбарьёла отбарипэн Есеёскирэ корнёстыр (рукхэстыр); кадава́ рукх выбарьякирэла нэви́ рандь.

Sykadyipén 22:16

Мэ сом, Ису́со, бичхадём Мирэ́ Янголо́с тэ допхэнав тумэ́нгэ дава́ пир кхангирья. Мэ сом Давидо́скирэ ратэстыр и лэ́скирэ-чхавэ́нгиро чхаво́, ярко Злокоскири Чэргэн.”

Юдэ́нгэ 7:14

Амэ джина́са, со амаро́ Рай Дэвэ́л сыс Юда́скирэ родо́стыр, пал Савэ́стэ Мо́йза (Моисеё) нисо́ на пхэндя́ пал рашандэ кадалэ́ родо́стыр.

Римлянэнгэ 15:12

И нэвэ́стыр Исаё ракирэ́ла: “Ёв явэ́ла Есеёскиро родо́стыр и Ёв явэ́ла тэ хулаинэ́л манушэ́нца: пэ Лэ́стэ На́юды явэ́на тэ розгинэн.”

Римлянэнгэ 1:3

пал Пэ́скирэ Чхавэ́стэ, Саво́ пир Пэ́скиро манушы́тко бияныпэ́н яця́ Давидо́скирэ родо́стыр,

Isajos 11:10

И явэ́ла дро дова́ дывэ́с: кэ корнё (рукх) Исеёскиро, саво́ ячэ́ла сыр сцяго тэ прикхарэл народы, обрисёна Наюды́тка на́цыи, и барипнаса явэ́ла лэ́скиро откхиныбэн.

Sykadyipén 6:1

И мэ дыкхцём, ке́ли Свэ́нто Бакроро́ отпхандя пэ́рво чэргэнори́ эфта́ (эфтанэ) чэргэнорьендыр и мэ шундём сыр екх штарэ́ джидалэндыр пхэндя́ дасавэ́ заня́са сыр громо: “Яв и дыкх!”

Sykadyipén 4:4

И трусця́л кадава́ троно сыс биш тэ штар яви́р троны и биш тэ штар годэпхурэ́ сыс бэштэ́ пэ кадалэ́ троны дрэ парнэ́ урибэна́ и пэ шэрэ́ сыс лэ́ндэ сувнакунэ́ вянки (короны).

Ереме́ё 31:16

Адя́кэ ракирэ́ла Рай Дэвэ́л: “Обрикирпэ роибнастыр, и тырэ́ якха́ ясвэндыр; пал-дова́ со дова́, со ту кэрдя́н пэ́скирэ биятэнгэ, рисёла лачхипна́са, – ракирэ́ла Рай Дэвэ́л: ‘Тырэ́ бияты явэ́на палэ вэргоскирэ пхувья́тыр.

Sykadyipén 7:13

Екх годэпхурэндыр отпхэндя́ ма́нгэ, пхэни́: “Кон исын кадалэ́ мануша́, савэ́ндэ исын парнэ́ урибэна́, каты́р ёнэ исын?”

Sykadyipén 4:10

тэды дэшуштар годэпхурэ́ клонинэнапэ патыва́са анги́л Кадалэстэ, Кон исын бэшто́ пэ троно, и Саво́ дживэ́ла ве́чнэс пэ сарэ́ ве́ки. Ёнэ чхурдэна пэ́скирэ вянки (короны) анги́л троно, пхэни́:

Sykadyipén 1:1

Сыкадыипэ́н (об΄явлениё) Исусо́стыр Христосостыр, Саво́ Дэвэ́л дыя́ Лэ́скэ тэ сыкавэ́л Пэ́скирэ писхарье́нгэ (рабэ́нгэ), со трэй сыг тэ явэ́л. И Христо́со пхэндя́ зорья́са дава́, ке́ли Ёв бичхадя́ Пэ́скирэ Янголо́с кэ Пэ́скиро писха́ри Иа́но (Иоано),

Joannostir 20:13

И ёнэ ракирэ́на ла́кэ: “Джувлие! Со́скэ ту ровэса?” Ёй ракирэ́ла лэ́нгэ: “Ёнэ лыджинэ́ криг мирэ́ Рас-Дэвлэ́с, и мэ на джино́м, карик ёнэ чхудэ́ Лэс.”

Luka 7:13

Ке́ли Рай Дэвэ́л дыкхця́ ла, Лэ́скэ яця́ танго (жалко) ла и Ёв пхэндя́ ла́кэ: “На ров”

Čysly 24:9

Ёв прибандия, исын пашто́ сыр шчэр (ле́во) и сыр шчэриха, кон ґаздэ́ла лэс? Кон бахтякирэ́ла тут, явэ́ла бахтякирдо́, и кон кошэла тут, явэ́ла прокошно́!”

Luka 23:28

Ису́со рискирдя́ шэро́ и пхэндя́: “Джувлялэ Ерусалимо́стыр! На ровэ́н пал Ма́ндэ, а ровэ́н пал пэ́стэ и пэ́скирэ чхаворэндэ;

Luka 8:52

Сарэ́ ровэнас и дэ́нас го́дла ясвэ́нца. Нэ Ису́со пхэндя́: “На ровэ́н; ёй на мыя́, ёй исын суты.”

Дание́лё 7:16

Мэ подгиём пашылэды́р кэ екх, савэ́ сыс тэрдэ́ пашы́л троны и пхучавас лэ́стыр пал чачуно́ смысло сарэскиро одолэскиро, и ёв лыя́ тэ ракирэ́л ма́нца, и роспхэндя́ ґалыибэ́н, кай сыс пхэндло́:

Sykadyipén 3:21

Одолэ́с, кон лэ́ла упралыпэ́н, Мэ бэшлякирава лэс тэ бэшэ́л Ма́нца пэ троно, сыр и Мэ, ке́ли Мэ лыём упралыпэ́н и бэсцём Мирэ́ Дадэ́са пэ Лэ́скиро троно.

Sykadyipén 5:4

И мэ рондём киркэс бут, со на сыс нико́н, саво́ сыс мол тэ отпхандэл сви́тко и тэ дыкхэ́л андрэ́ дрэ ла́тэ.

3 Kralip 10:20

И ишчо (инкэ́) дэшуду́й шчэра́ сыс тэрдэ́ одо́й пэ шов ґэруня пир дуй рига́. Дасаво на сыс ни дрэ екх кралипэ́н.

2 Паралипоменоно 9:18

и шов ґэруня (ступеньки) кэ троно, и сувнакуно́ тэл ґэритко пэ́то (по́ло/пхаля) кэ троно прикэрдо, и рамки тэл куня́ пир дуй рига́ пашы́л штэ́то тэ бэшэс, и дуе́н шчэрэн (левэн), савэ́ сыс тэрдэ́ пашы́л рамки тэл куня́,

Ióvo 41:15

[22] Лэ́скирэ масэнгирэ мусня (мышчы) исын чхудэ́ кхэтанэ́; ёнэ исын биладэ пэ лэ́стэ, и нашты́ тэ чхувэ́с лэн штэто́стыр.