Sykadyipén 5:2 - Библия - Пэ Балтитко Романи чиб (Романэс) 2019

² И мэ дыкхцём зоралэ́ Янголо́с, саво́ пхэнэлас анги́л сарэ́ндэ зоралэ́ заня́са: “Кон исын мол тэ отпхандэл лылвари́ и тэ пхагирэл чэргэнорья?”

Biblija - Pe Baltitko Romani čib (Romanes) 2019

² I me dykhcjom zoralé Jangolós, savó phenelas angíl sarénde zoralé zaniása: “Kon isyn mol te otphandel lylvarí i te phagirel čergenorja?”

Sykadyipén 5:2 Referans Kwoze

Sykadyipén 5:5

И екх годэпхурэндыр пхэндя́ ма́нгэ: “На ров! Дыкх! О Шчэр (Ле́во) Юда́скирэ родо́стыр, Давидо́скирэ ратэстыр, сэмэ́нца, лыя́ упралыпэ́н, соб (кай)/ёв тэ дэл ра́да тэ отпхандэл сви́тко и лэ́скирэ эфта́ чэргэнорья.”

Sykadyipén 10:1

И мэ дыкхцём явирэ зоралэ́ Янголо́с, Саво́ джа́лас тэлэ́ болыбна́стыр и Саво́ сыс сы́рбы уридо́ дро о́блоко. Пэ лэ́скиро шэро́ сыс брышындытко банги (радуга) и лэ́скиро муй сыс сы́рбы кхам и лэ́скирэ пирэ́ (подэшвы) сыс сы́рбы ягакирэ сты́лбы,

Psalmy 103:20

Славинэ́н и парикирэ́н Ра́скэ-Дэвлэ́скэ, сарэ́ Лэ́скирэ Янго́лы, савэ́ исын древа́н зоралыпнаскирэ, савэ́ кэрэ́на пир лэ́скиро лав, савэ́ кандэ́на лэ́скиро лав.

Sykadyipén 18:21

Тэды екх зорало́ Янго́ло ґаздыя́ баро́ бар барипнаса, сыр жэрново бар (бэлэди́н) сявэ́стыр/пхуртэ́стыр (мельницатыр) и чхурдыя́ лэс дро мо́рё (дэрья́в), пхэни́: “Адя́кэ зоралэ́с барэ́-форитко Вавилония явэ́ла чхурдыны дро мо́рё (дэрья́в), и сарэ́са на явэ́ла буты́р ла.

Sykadyipén 5:1

И Мэ дыкхцём скрэнцындло сви́тко дро чачо́ (право) васт Одолэ́стэ, Кон сыс бэшто́ пэ троно, дрэ саво́ сыс зачхиныбэна яври́ и андрэ́. Ёв сыс запхандло пэ эфта́ чэргэнорья (печати).

Ióvo 41:15

[22] Лэ́скирэ масэнгирэ мусня (мышчы) исын чхудэ́ кхэтанэ́; ёнэ исын биладэ пэ лэ́стэ, и нашты́ тэ чхувэ́с лэн штэто́стыр.