Sykadyipén 4:6 - Библия - Пэ Балтитко Романи чиб (Романэс) 2019

⁶ Анги́л троно сыс стёклы́тко (балунало́) мо́рё (дэрья́в) сыр кристало, и машкира́л и трусця́л троно сыс штар джидалэ (жывотна), савэ́ндэ сыс пхэрдо́ якха́ пала́л и анги́л;

Biblija - Pe Baltitko Romani čib (Romanes) 2019

⁶ Angíl trono sys stjoklýtko (balunaló) mórjo (derjáv) syr kristalo, i maškirál i trusciál trono sys štar džidale (žyvotna), savénde sys pherdó jakhá palál i angíl;

Sykadyipén 4:6 Referans Kwoze

Sykadyipén 15:2

Тэды мэ дыкхцём вари-со сы́рбы стёклы́тко (балунало́) мо́рё (дэрья́в), саво́ сыс змешындло яга́са. И сыс тэрдэ́ пэ мо́рё (дэрья́в) кодолэ́, савэ́ лынэ́ упралыпэ́н пэ рискирибна́скирэ мурдалэ́стэ, пэ лэ́скири патри́н (о́бразо) и лэ́скирэ-лавэскиро чысло (гин). Ёнэ рикирдэ Дэвлэ́скирэ гусли.

Sykadyipén 5:6

И мэ дыкхцём Свэнтонэ́ Бакрорэс, Саво́ сыс сы́рбы нагара зачхиндло́ машки́р троно и штар джидалэндэ и годэпхурэндэ. Свэнтонэ́ Бакрорэстэ сыс эфта́ шынга́ (ро́ги) и эфта́ якха́, савэ́ исын эфта́ Дэвлэ́скирэ Ду́хи и сыс бичхадэ́ пир сари́ пхув.

Sykadyipén 14:3

И ёнэ баганас нэви́ гилы́ анги́л троно и анги́л штарэ́ джидалэндэ (жывотнонэндэ) анги́л годэпхурэндэ. И нико́н на могиндя́ тэ сыклёл дая́ гилы́ апри́ч кадалэ́ шэл тэ штардэша́-штар-шэла́ тысёнцы манушэ́ндэ, савэ́н Христо́со выкиндя сарэ́ манушэ́ндыр пэ пхув.

Sykadyipén 19:4

Тэды биш тэ штар годэпхурэ́ и штар джидалэ́ (жывотна) пынэ́ и клониндлэпэ патыва́са Дэвлэ́скэ, Саво́ сыс бэшто́ пэ троно и пхэнэлас: “Ами́нь! Аллилуя!”

Sykadyipén 5:14

И штар джидалэ (жывотна), савэ́н Дэвэ́л создыя́, пхэндлэ́: “Ами́нь!” И годэпхурэ́ пынэ́ пэ чанга́ и поклониндлэпэ патыва́са.

Езэкилё 10:14

Кажнонэ́стэ мурдалэ́ндэ (жывотнэндэ) сыс штар муя́. Пэ́рво муй сыс херувимоскиро муй, яви́р муй – Манушэ́скиро муй, три́то муй – шчэрэскиро (левоскиро), шта́рто муй орло́скиро (кидо́скиро).

Езэкилё 10:12

Сарэ́ лэ́нгирэ маса́, и лэнгро думо, и лэнгрэ васта́, и ро́ты сыс пхэрдэ́ якхэ́нца, сарэ́ лэнгрэ штар ро́ты.

Sykadyipén 7:11

И сарэ́ Янго́лы, со сыс тэрдэ́ трусця́л троно, и годэпхурэ́ и штар джидалэ́ (жывотна) пынэ́ пэ́скирэ муе́нца анги́л троно и поклониндлэпэ патыва́са (кэрдэ́ шэрэ́са) Дэвлэ́скэ,

Sykadyipén 22:1

И Янго́ло сыкадя́ ма́нгэ рэка (лэнь) джиибна́скирэ пане́са, сави́ сыс жужы, сыр кристало. Ёй тхадэлас Дэвлэ́скирэ и Бакрорэ́скирэ троно́стыр.

Sykadyipén 21:11

Дава́ фо́ро зяиндя Дэвлэ́скирэ ярконэ́ слава́са. Лэ́скиро дуд, саво зяиндя, сыс сы́рбы древа́н куч бар, со зяинэла, сыр бар ясписо, дыцьло сыр кристало.

Sykadyipén 15:7

И екх штарэ́ джидалэндыр (жывотнонэндыр) дыя́ эфта́ Янголэнгэ эфта́ сувнакунэ́ кучика, со сыс пхэрдэ́ Дэвлэ́скирэ холя́са, со явэ́ла тэ дживэ́л пэ сарэ́ ве́ки.

Sykadyipén 21:21

И дэшуду́й по́рты сыс кэрдэ́ дэшудуе́ мутинэ́ндыр (жэмчугэндыр), кажно по́рта екхэ мутинатыр. Форо́скирэ вули́цы (га́сы) сыс жужэ́ сувнака́стыр сыр прозрачно стёкло (балун).

Sykadyipén 21:18

Фороскири ва́нта (бар) сыс кэрды ясписостыр, а фо́ро сыс жужэ́ сувнака́стыр сыр жужо́ стёкло (балу́н).

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

3 Kralip 7:23

И кэрдя́ вычхудо мо́рё (дэрья́в) харкома́тыр, – кхэ ягоро́стыр (краёстыр) лэскирэстыр кэ яви́р лэ́скиро яго́ро дэш куня́, – сарэ́са крэнгло вучипна́са дрэ пандж куня́ облэлас лэс трусця́л.

Ióvo 28:17

Ни сувнака́й, ни кристало нашты́ тэ роўнякирэс кэ годыпэ́н; адя́кэ-паць и кхорэ́ (сасу́ды) сувнака́стыр.

Vygiiben 38:8

И кэрдя́ Веселиило москэ чаро́ (умывальнико) харкома́тыр (медятыр) и лэ́скиро прэдко тэл ґэра́ харкома́тыр (медятыр) гожонэ патриненца (рисункэнца), савэ́ лынэ́ джувлендыр, кон гожакирэла загиибэ́н дрэ скэдыибна́скири ша́тра.

Sykadyipén 4:4

И трусця́л кадава́ троно сыс биш тэ штар яви́р троны и биш тэ штар годэпхурэ́ сыс бэштэ́ пэ кадалэ́ троны дрэ парнэ́ урибэна́ и пэ шэрэ́ сыс лэ́ндэ сувнакунэ́ вянки (короны).

Sykadyipén 5:8

И ке́ли Ёв лыя́ сви́тко, штар джидалэ (жывотна) и биш тэ штар годэпхурэ́ пынэ́ пэ чанга́ анги́л Свэнтонэ́ Бакрорэстэ. Кажнонэ́стэ лэ́ндыр сыс гусли и сувнакунэ́ тахтая́ (чашы), савэ́ сыс пхэрдэ́ фимиамоса дрогонэ́-смолакирэ тхувипнаса (фимиамоса), со исын патерья (молитвы), ке́ли свэ́нта мангэ́напэ Дэвлэ́скэ.

Sykadyipén 5:11

И нэвэ́стыр мэ дыкхцём и шундём заня́ бутэ́-Янголэ́нгирэ, савэ́ сыс милионы пашы́л троно и штарэ́ джидалэндэ и биш тэ штар годэпхурэндэ,

Sykadyipén 6:1

И мэ дыкхцём, ке́ли Свэ́нто Бакроро́ отпхандя пэ́рво чэргэнори́ эфта́ (эфтанэ) чэргэнорьендыр и мэ шундём сыр екх штарэ́ джидалэндыр пхэндя́ дасавэ́ заня́са сыр громо: “Яв и дыкх!”

Sykadyipén 6:6

И мэ шундём зан штарэ́ джидалэндыр, со пхэндя́: “Литра парно́ гив пал дынариё и трин литры ґэрсто (ячменё) пал динариё. И на хасякир оливи́тко дзэт (елеё) и мол.