Sykadyipén 4:2 - Библия - Пэ Балтитко Романи чиб (Романэс) 2019

² Екха́тыр Ду́хо (Фа́но) лыя́ упралыпэ́н пэ ма́ндэ. И, акэ, сыс троно дро Болыбна́скиро Раё, и пэ дава́ троно сыс бэшто́ Вари-Кон.

Biblija - Pe Baltitko Romani čib (Romanes) 2019

² Jekhátyr Dúho (Fáno) lyjá upralypén pe mánde. I, ake, sys trono dro Bolybnáskiro Rajo, i pe davá trono sys beštó Vari-Kon.

Sykadyipén 4:2 Referans Kwoze

Sykadyipén 1:10

Дро Ра́скирэ-Дэвлэ́скиро дывэ́с Ду́хо (Фа́но) лыя́ упралыпэ́н пэ ма́ндэ и мэ шундём пала́л зоралы́ зан, сави́ сы́рбы рого́стыр (труба́тыр) ракирдя́:

3 Kralip 22:19

И пхэндя́ Михе́ё: “Пал-дова́ шун лав Ра́стыр-Дэвлэ́стыр: мэ дыкхцём Рас-Дэвлэ́с, Саво́ сыс бэшто́ пал Лэ́скиро троно, и сарэ́ янголы и ду́хи болыбна́скирэ сыр халадыпэн сыс тэрдэ́ пашы́л Лэ́стэ, пир чачи́ и пир зэ́рво (ле́во) васт Лэ́стыр.

Isajos 6:1

Дро дова́ бэрш, ко́ли мыя́ кра́ли Ози́я, мэ дыкхцём Рас-Дэвлэ́с, Саво́ бэшэлас пэ вучо́ крали́тко штэ́то, а яго́ро (краё) пэ урибэ́н Лэ́скиро пхэрдякирдя́ сари́ Кхангири́.

Езэкилё 1:26

А упрэ́ долэ́ сводостыр пэ болыбэ́н, саво́ сыс упра́л лэнгрэ шэрэ́, сыс сы́рбы троно, саво́ выдыкхэлас сы́рбы куч бар сапфиростыр, а упра́л пэ штэ́то сыс дова́, со сыс сы́рбы ману́ш пэ лэ́стэ.

Sykadyipén 5:1

И Мэ дыкхцём скрэнцындло сви́тко дро чачо́ (право) васт Одолэ́стэ, Кон сыс бэшто́ пэ троно, дрэ саво́ сыс зачхиныбэна яври́ и андрэ́. Ёв сыс запхандло пэ эфта́ чэргэнорья (печати).

Sykadyipén 4:9

И ке́ли штар джидалэ (жывотна) славинэна, дэ́на паты́в и парикирэна Одолэ́скэ, Кон исын бэшто́ пэ троно и Саво́ дживэ́ла ве́чнэс пэ сарэ́ ве́ки,

Sykadyipén 4:5

И троностыр джа́нас блискави́цы, и заня́, и гро́мы и эфта́ шандалэ (подсвечники) хачонас анги́л троно, савэ́ исын эфта́ Дэвлэ́скирэ ду́хи.

Дание́лё 7:9

Дыкха́вас мэ джангалэс, акэ, чхудэ́ сыс тронытка скаминда, и бэсця́ Пхурыдыр, ґаратунэ́-дывэсэнгиро (сы́рбы Сэнда́ри); урибэ́н пэ Лэ́стэ сыс парно́, сыр ив, и бала́ пэ Лэ́скиро шэро́ – сыр жужы вы́лна; сками́нд Лэ́скиро – сыр чиб ягитко, э ро́ты Лэ́скирэ – сыр хачкирды яг.

Sykadyipén 5:13

И мэ шундём, сыр кажно джидало, савэ́с Дэвэ́л создыя́, саво́ исын дро Болыбна́скиро Раё, пэ пхув и тэл пхув, и пэ мо́рё (дэрья́в), и саро́, исын андра́л дрэ лэ́ндэ, пхэнэнас: “Одолэ́скэ, Саво́ исын пэ троно, и Свэнтонэ́ Бакрорэскэ, мэк тэ явэ́л шарибэ́н, и паты́в, и сла́ва и зоралыпэ́н пэ вечна ве́ки.”

Sykadyipén 21:10

Мэ со́мас дро ду́хо (фа́но) и Янго́ло ґаздыя́ ман пэ бари и вучи́ бэ́рга и сыкадя́ ма́нгэ свэ́нто фо́ро, Ерусалимо, со джа́лас тэлэ́ болыбна́стыр, Дэвлэ́стыр.

Юдэ́нгэ 8:1

Гла́вныма исын дро дова́, пал со амэ ракираса, исын дасави́: амэ́ндэ исын адасаво́ Англатуно́ Раша́й, Саво́ исын бэшто́ пэ болыбэ́н пир чачо́ васт Дэвлэ́скирэ най вычэдырэ́скирэ троностыр;

Sykadyipén 3:21

Одолэ́с, кон лэ́ла упралыпэ́н, Мэ бэшлякирава лэс тэ бэшэ́л Ма́нца пэ троно, сыр и Мэ, ке́ли Мэ лыём упралыпэ́н и бэсцём Мирэ́ Дадэ́са пэ Лэ́скиро троно.

Езэкилё 10:1

И мэ дыкхцём, акэ, пэ сво́до, саво́ сыс упра́л херувимонэнгирэ шэрэ́, сыс вари-со сы́рбы куч бар сапфиро, сы́рбы вари-со, сыр троно (престоло), со сыс упрэ́ лэ́ндыр.

Езэкилё 1:28

Сыр выдыкхэла банги (радуга) пэ болыбэ́н дро брышындэскиро дывэ́с, адя́кэ выдыкхэлас дасаво зяиныбэн, саво́ сыс пашы́л лэ́стэ. Адя́кэ выдыкхэлас Ра́скирэ-Дэвлэ́скири сла́ва.

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

Sykadyipén 19:4

Тэды биш тэ штар годэпхурэ́ и штар джидалэ́ (жывотна) пынэ́ и клониндлэпэ патыва́са Дэвлэ́скэ, Саво́ сыс бэшто́ пэ троно и пхэнэлас: “Ами́нь! Аллилуя!”

Sykadyipén 21:5

И, Кодова́, Кон сыс бэшто́ пэ троно, пхэндя́: “Акэ, мэ кэра́ва саро́ нэво́.” И адя́кэ-паць пхэнэ́ла ма́нгэ: “Зачхин, пал-дова́ со кадалэ́ лава́ исын чачунэ́ и патяибнытка.”

Sykadyipén 17:3

И Ду́хо (Фа́но) лыджия́ ман пэ чхучи́ пхув. И мэ дыкхцём джувля́, сави́ сыс бэшты пэ лолэ́-рискирибна́скирэ мурдалэ́стэ. Дава́ мурда́л сыс саро́, сы́рбы счхиндло лавэ́нца, савэ́ калякирэнас Дэвлэ́с. Лэ́стэ сыс эфта́ шэрэ́ и дэш шынга́ (ро́ги).

Sykadyipén 12:5

И ёй бияндя́ муршорэс, саво́ явэ́ла тэ хулаинэ́л пэ сарэ́ манушы́тка ро́ды саструнэ́ дэстэса. А ла́киро тыкноро сыс чхудо ваш Дэвлэ́скэ и Лэ́скиро троно.

Sykadyipén 6:16

и ёнэ ракирэ́нас бэргэнгэ и скалэнгэ: “Пэрэн пэ амэ́ндэ и гаравэн амэн якхэ́ндыр Одолэ́стыр, Саво́ исын бэшто́ пэ троно, и Свэнтонэ́ Бакрорэскирэ холя́тыр,

Ереме́ё 17:12

Амаро́ Свэ́нто штэ́то исын славу́тно троно, саво́ чхудо англыпна́стыр пэ вучэ́ штэ́ты.

Psalmy 11:4

Рай Дэвэ́л исын пэ лэ́скиро свэ́нто штэ́то дро Болыбна́скиро Раё. Лэ́скиро троно исын дро болыбэ́н. Лэ́скирэ якха́ дыкхэ́на, Лэ́скирэ цымблы (ресницы) роздыкхэна манушытконэ́ чхавэ́н.

Матфеё 22:43

Ёв ракирэ́ла лэ́нгэ: “Сыр тэды Дави́до, сыр лэ́скэ упхэндя Ду́хо (Фа́но), кхардя́ Лэс’ Раё Дэ́вла’, ракири́:

Sykadyipén 4:10

тэды дэшуштар годэпхурэ́ клонинэнапэ патыва́са анги́л Кадалэстэ, Кон исын бэшто́ пэ троно, и Саво́ дживэ́ла ве́чнэс пэ сарэ́ ве́ки. Ёнэ чхурдэна пэ́скирэ вянки (короны) анги́л троно, пхэни́: