Sykadyipén 3:8 - Библия - Пэ Балтитко Романи чиб (Романэс) 2019

⁸ Мэ джино́м тыри́ буты́. Дыкх: Мэ чхудём анги́л ту́тэ псирадо вуда́р и никонэ́скэ нашты́ тэ пхандэл дава́ вуда́р. Ту́тэ исын на́бут зор, и ту зракхця́н Миро лав и ту на отпхэндянпэ Ма́ндыр.

Biblija - Pe Baltitko Romani čib (Romanes) 2019

⁸ Me džinóm tyrí butý. Dykh: Me čhudjom angíl túte psirado vudár i nikonéske naštý te phandel davá vudár. Túte isyn nábut zor, i tu zrakhcián Miro lav i tu na otphendianpe Mándyr.

Sykadyipén 3:8 Referans Kwoze

1 Коринфянэнгэ 16:9

Пал-дова́ со баро́ и бугло вуда́р сы́рбы псирадыя ваш мири́ буты́, а исын бут вэ́рги.

Колосянэнгэ 4:3

мангэ́нпэ Дэвлэ́скэ кхэтанэ́ адя́кэ-паць пал амэ́ндэ, соб (кай) Дэвэ́л тэ псиравэл (тэ отпхандэл) амэ́нгэ вуда́р ваш лав тэ роспхэнас Христосо́скиро гарадо́ чачипэ́н, пал саво́ мэ сом бэшто́ дро штарибэ́н,

Sykadyipén 3:7

И чхин Янголоскэ Филадэльфиякирэ кхангирья́тыр: “Дава́ ракирэ́ла Одова́, Кон исын Свэ́нто, Чачуно́. Лэ́стэ исын Давидо́скиро клыдын и Ёв псиравэла (отпхандэла) вуда́р, и нико́н на пхандэла, и ке́ли Ёв пхандэла, ние́кх на псиравэла.

2 Коринфянэнгэ 2:12

Ке́ли мэ явдём дрэ Троада тэ роспхэнав Христососкири бахталы́ зан (звесь), ке́ли Дэвэ́л псирадя вуда́р ваш мири́ буты́,

Apostolengiri Butý 14:27

Ке́ли Апо́столы рисинэ́ палэ дрэ Антио́хия, ёнэ скэдынэ́ кхангири́, и пал саро́ роспхэндлэ́, со Дэвэ́л кэрдя́ пир лэ́ндэ, и сыр Ёв Наюдэ́нгэ псирадя вудара́ ваш патяибэ́н.

Filipiicenge 4:13

Мэ саро́ могина́ва тэ вырикирав зорья́са, сави́ Христо́со дэ́ла ма́нгэ.

Luka 12:9

и вари-саво́, кон отпхэнэлапэ Ма́ндыр анги́л манушэ́ндэ, кодолэстыр отпхэнавапэ и Мэ анги́л Дэвлэ́скирэ Янголэндэ;

Sykadyipén 2:13

Мэ джино́м тыри́ буты́, и, кай ту дживэса, одо́й, кай на́лачхо исын бэшто́ пэ пэ́скиро троно. Ту рикирэсапэ пал Миро лав и ту на отпхэндянпэ пэ́скирэ патяибнастыр дрэ Ма́ндэ аж дрэ долэ́ дывэса́, ке́ли Антипо, миро патяибнаскиро якхи́тко, сыс замардо машки́р тумэ́ндэ одо́й, кай на́лачхо дживэ́ла.

Joannostir 17:6

Мэ отчхакирдём лав Тыро́ манушэ́нгэ, савэ́н Ту дыя́н Ма́нгэ свэто́стыр. Адалэ́ мануша́ сыс Тырэ́, и Ту Ма́нгэ дыя́н лэн, и ёнэ ракхнэ Тыро́ лав.

Sykadyipén 3:15

Мэ джино́м (джина́в) тыри́ буты́, со ту на сан шылало, и со ту на сан хачкирдо. Фэды́р явэ́лас, соб (кай) ту тэ явэс хачкирдо ци шылало.

Sykadyipén 22:7

И, акэ, Мэ ява́ва сыгэс”, – ракирэ́ла Христо́со. “Бахтало́ исын кодова́, кон ракхэ́ла пророчытка лава́ лылварьякирэ пхэныбнастыр пал дова́, со явэ́ла анги́л.”

Sykadyipén 3:10

Палдава́ со ту ракхцян лав тэ вырикирэс, то и Мэ адя́кэ-паць ракхава тут мардэстыр (штундатыр), ке́ли явэ́на тэ пропатякирэн саро́ свэ́то, соб (кай) тэ пропатякирэн кажнонэ́ манушэ́с, кон дживэ́ла пэ пхув.

1 Ximaske 5:8

А ко́ли вари-кон пал пэ́скирэ манушэ́ндэ и буты́р сарэ́стыр пал кхэритконэндэ на дыкхэ́ла, одова́ ману́ш отпхэндяпэ патяибнастыр и ёв исын фуеды́р одолэ́стыр, саво́ на патя́ла.

2 Ximaske 4:7

Мэ мардёмпэ лачхэ́с пал чачипэ́н ваш Ра́скэ-Дэвлэ́скэ, мэ кончиндём джиибнытко дром, и мэ зракхцём патяибэ́н.

Sykadyipén 3:1

И чхин Янголоскэ Сардисоскирэ кхангирья́тыр: “Дава́ ракирэ́ла Одова́, Конэ́стэ исын эфта́ Дэвлэ́скирэ ду́хи и эфта́ чэргэня́: “Мэ джино́м (джина́в) тыри́ буты́, и со мануша́ дэн годы́ пэ́скэ (думинэ́на), со ту сан джидо́, нэ ту сан муло́.

Sykadyipén 2:2

“Мэ джино́м (джина́в) Тыри́ буты́ и сыр бут ту кэрдя́н буты́, и тыро́ вырикирибэн, и дова́, со ту на могинэ́са тэ пирилыджас чорэ́ манушэ́н, и со ту пропатякирдян кодолэ́н, савэ́ пхэнэ́на пэ пэ́стэ “Апо́столы” и савэ́ нанэ, со ту латхян, со ёнэ исын хохаибнарья;

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

Joannostir 15:20

Рипирэн лав, саво́ Мэ пхэндём тумэ́нгэ: дына́ри исын на барэды́р пэ́скирэ хуластыр. Ко́ли ёнэ Ман традынэ, и тумэн явэ́на тэ традэ́н; ко́ли ёнэ Миро лав кандэнас, ёнэ явэ́на тэ кандэ́н и тумаро́ лав.

Pritčy 30:9

соб (кай) мэ тэ на явав древа́н чало, и тэ на отпхэнавпэ Ту́тыр, и тэ на пхэна́в: “Кон исын Рай Дэвэ́л?” Ци, соб (кай) мэ тэ на явав чороро́ и тэ на чорав, соб (кай) мэ тэ на пропатякирав мирэ́-Дэвлэ́скиро лав.

Дание́лё 11:34

Ке́ли лэ́на тэ хан лэн дукха́, то явэ́ла лэ́нгэ вари-саво́ подрикирибэ́н, бутджинэ кхэтанякирэнапэ лэ́нца, нэ пэфроми (наилыткэс).