Sykadyipén 3:4 - Библия - Пэ Балтитко Романи чиб (Романэс) 2019

⁴ Нэ исын на́бут мануша́ ту́тэ дро Сардисо, савэ́ на мэлякирдэ пэ́скирэ урибэна́ грэхэ́нца, и ёнэ явэ́на тэ псирэ́н Ма́нца дрэ парнэ́ урибэна́, пал-дова́ со ёнэ исын лачхэ́.

Biblija - Pe Baltitko Romani čib (Romanes) 2019

⁴ Ne isyn nábut manušá túte dro Sardiso, savé na meliakirde péskire uribená grehénca, i jone javéna te psirén Mánca dre parné uribená, pal-dová so jone isyn lačhé.

Sykadyipén 3:4 Referans Kwoze

Sykadyipén 7:9

Пало́ дава́ саро́ мэ дыкхцём, и, ґа́да, исын бут бут мануша́, со никонэ́скэ на сыс пир зор тэ гинэл лэн, сарэ́ кхэритконэ́ родэндыр, сарэ́ родэндыр, сарэ́ манушытконэ́ нацые́ндыр, сарэ́ екхэ-чибакирэ ирье́ндыр (сэм΄е́ндыр/чибэ́ндыр/чибье́ндыр), савэ́ сыс тэрдэ́ анги́л троно и анги́л Свэнтонэ́ Бакрорэстэ. Ёнэ сыс уридэ́ дрэ парнэ́ урибэна́, и дрэ васта́ сыс лэ́ндэ пальмитка рандя́ (вэ́тки).

Sykadyipén 3:5

Кон лэ́ла упралыпэ́н, одова́ урьела парнэ́ ризы, и Мэ на кхосава криг лэ́скиро лав джиибнытконэ лылварьятыр (книгатыр), и мэ приґалёвава лэ́скиро лав анги́л мирэ́ Дадэ́стэ и анги́л Лэ́скирэ Янголэндэ,

Sykadyipén 6:11

Кажнонэ́скэ лэ́ндыр сыс дыно́ парно́ урибэ́н и сыс пхэндло́ лэ́нгэ, соб (кай) ёнэ ишчо (инкэ́) на́бут тэ откхинён, пака лэ́нгирэ мала́ (дру́ги) пир буты́ и лэ́нгирэ пша́ла явэ́на мулякирдэ́, сыр и ёнэ, соб (кай) тэ явэ́л пхэрдо́ кицыпэн (количэство).

Ekliesiastos 9:8

Мэк тырэ́ и́ди тэ явэ́н парнэ́, мэк тэ ухтылэл (тэ явэ́л до́си) оливи́тко дзэт (елеё) пэ тыро́ шэро́.

Sykadyipén 19:14

И халадэ́ болыбны́тка джа́нас пал Лэ́стэ, савэ́ сыс пэ парнэ́ грэ́ндэ и уридэ́ дро парно́ и жужо́ висонытко тхан.

Sykadyipén 4:4

И трусця́л кадава́ троно сыс биш тэ штар яви́р троны и биш тэ штар годэпхурэ́ сыс бэштэ́ пэ кадалэ́ троны дрэ парнэ́ урибэна́ и пэ шэрэ́ сыс лэ́ндэ сувнакунэ́ вянки (короны).

Sykadyipén 3:18

палдава́ мэ подпхэнава ту́кэ тэ кинэс сувнака́й Ма́ндыр, саво́ сыс пробиндло яга́са. Кин адя́кэ-паць парны и́дя тэ урьеспэ, соб (кай) тэ сыкавэс ладж пэ́скирэ нангипнаскири; и помакх пэ́скирэ якха́ якхитконэ макхлуняса (мазяса), соб (кай) тэ дыкхэ́с.

Sykadyipén 19:8

Ла́кэ сыс дыно́ ярко, жужо́ висонытко тхан тэ урьел: “пал-дова́ со висонытко тхан сыкавэ́ла свэнтонэ́-Дэвлэ́скирэ манушэ́нгиро чачипэ́н.”

Juda 1:23

нэ зракхэн явирэ́н дара́са, ке́ли тумэ́ лэ́на тэ вытырдэн лэн сыр лэн сы́рбы ягатыр, нэ ладжан (брыдинэн) лэ́нгирэ урибнастыр, саво́ исын магирдо́ лочаса (плотяса).

Luka 21:36

Ваш дава́ дыкхэ́н и на совэн и мангэ́нпэ Дэвлэ́скэ кажно часо, соб (кай) тумэ́ тэ явэ́н мол тэ зракхэнпэ сарэ́стыр далэ́стыр, со трэй тэ явэ́л, и тэ тэрдён анги́л Манушэ́скирэ Чхавэ́стэ.”

Marko 16:5

Ёнэ гинэ́ андрэ́ и дыкхнэ́ тэрнэ́ манушэ́с, саво́ сыс уридо́ дро саро́ парныпэн; ёв сыс бэшто́ пир чачи́ риг вударэндыр, и ёнэ страха́дынэ.

Luka 20:35

нэ мануша́, савэ́ исын лачхэ́ тэ дживэ́н пэ дова́ свэ́то и тэ отджидён мэрибна́стыр, на явэ́на тэ лэнпэ и тэ выджа́н палоро́м;

Матфеё 10:11

И дро вари-саво́ фо́ро ци гав тумэ́ тэ на заджа́н, уджинэ́н, кон исын патывало ману́ш дро дава́ фо́ро, и ячэ́нпэ одо́й анги́л, сыр тэ джа́н.

Sykadyipén 11:13

И дро дова-паць мардо́ (шту́нда) кэрдя́пэ древа́н баро́ пхувья́киро тринскирибэн и дэ́што форо́скири паш пыя́, и эфта́ тысёнцы манушэ́н сыс замардэ́. И одолэ́, савэ́ ячнэ́пэ, страха́дынэ и славиндлэ Дэвлэ́с, Саво́ исын дро Болыбна́скиро Раё.

2 Фесалоникийцэнгэ 1:5

дава́ исын допхэныбэ́н долэ́скэ, со явэ́ла чачуно́ Дэвлэ́скиро сэ́ндо, соб (кай) тумэ́ тэ явэ́н мол тэ заджа́н дро Дэвлэ́скиро Кралипэ́н, ваш саво́ тумэ́ и мэнчынэнапэ;

Isajos 64:6

Сарэ́ амэ кэрдямпэ-сыр нажужо предмето, амари́ паты́в – сыр замакхны и́дя, амэ шутиям сыр патри́н (листо); амарэ́ налачхэ́ рэ́нды лыджинэ́ амэн, сыр балва́л.

Isajos 61:10

Радыма́са мэ ла́ва тэ радынавпэ пал Растэ-Дэвлэ́стэ; явэ́ла тэ радынэ́лпэ зоралэ́с миро ду́хо (фа́но) пал мирэ́ Дэвлэ́стэ, пал-дова́ со Ёв уридя ман дрэ и́ди зракхибнытка, уридя ман чачипнаскирэ урибнаса; сыр пэ тэрнэстэ Ёв чхудя́ вя́нка, сыр тэрня укэдыя.

Isajos 52:1

Ушты́, ушты́, прилэ́ тыри́ зор, Сио́но! Ури тырэ́ и́ди, Ерусалимо, и́ди, савэ́ дэ́на ту́кэ паты́в, свэ́нто фо́ро! Буты́р на заджа́ла кэ ту наобчхиндло и магирдо́ ману́ш.

Psalmy 68:14

Мэк тумэ́ тэ откхинён машки́р загоны (гражы), кай исын бакрэ́, сароекх тумэ́ явэ́на сы́рбы голумбица, савьятэ пхака́ (крылы) чхакирдэ рупэ́са, а пора́ чачунэ́ сувнака́са.

Ester 8:15

И, акэ, Мардохе́ё выгия́ крали́стыр дрэ крали́скиро урибэ́н яхонтовонэ и парнэ́ цвятоса, и барэ́ сувнакунэ́ коронаса, и дрэ мантия, висонытко и пурпурытко. И фо́ро Сузы отджидыя́ и зоралэ́с обрадындяпэ.

Apostolengiri Butý 1:15

И дрэ долэ́ дывэса́ о Пэ́три, тэрдия́ машки́р сыкляибнытконэндэ (сыс скэдыибэ́н, пэ саво́ явнэ́ пашы́л шэл тэ биш мануша́) и пхэндя́:

Isajos 61:3

Тэ пхэна́в одолэ́нгэ, кон исын бибахтало́ пэ Сио́но, со пра́хо запарувэлапэ шукаронэ укэдыибнаса; ровибэн радымакирэ (лошалэ́) елеёса; пхаро́ (смэнтно) ду́хо (фа́но) запарувэлапэ шукаронэ урибнаса и кхарна лэн зоралэ́ чачипна́са, Ра́скирэ-Дэвлэ́скирэ бутяса дрэ Лэ́скиро барипэ́н.

Isajos 59:6

Лэ́нгири паутина на урьеса, и кокорэ́ ёнэ на урьена лэн, со ёнэ ссудэ; лэ́нгирэ рэ́нды исын начачунэ; лэ́нгирэ васта́ исын пхэрдэ́ холя́са.

Isajos 1:9

Ко́ли б на ячкирдя́ Рай Дэвэ́л, болыбна́скирэ-янголэ́нгиро, амэ́нгэ набаро́ ячаибэ́н, то са́мас бы амэ, сыр Содо́мо, амэ зджа́сас (поджа́сас) бы пэ Гомо́ра.

3 Kralip 19:18

Ишчо Мэ ячкирдём машки́р Израильтянэндэ эфта́ тысёнцы муршэ́н: сарэ́ далэ́ кхэри́тка ро́ды на пынэ́ пэ чанга́ анги́л Ваалостэ, и сарэнгирэ ушта́ лэ́ндыр на чамудэнас лэс.”

Sykadyipén 1:11

“Мэ сом Альфа и Омега, Англыпэ́н и Ко́нцо (Яго́ро), дова́, со ту дыкхэ́са, чхин дрэ лылвари́ и бичха́в эфта́ кхангирье́нгэ, савэ́ исын [кэ Асия-р.с.]: дро Ефесо, дрэ Смирна, дро Пергамо, дрэ Фиатира, дро Сардисо, дрэ Филадэльфия и дрэ Лаодикия.”

Sykadyipén 14:4

Дава́ исын мануша́, савэ́ на магирдэ́ пэс джувле́нца; ёнэ сыс на́романдунэ мурша́. Ёнэ джа́нас пала́л пал Свэнтонэ́ Бакрорэ́стэ, карик на джа́лас Ёв. Ёнэ сыс выкиндлэ машки́р манушэ́ндэ, и ёнэ исын пэ́рва мануша́ пхувья́тыр ваш Дэвлэ́скэ и Свэнтонэ́ Бакрорэскэ.

Левито 13:48

ци пэ основа тхавэнгири, савэ́ джа́на упралэстыр, ци пэ утоко тхава, со джа́на пир буґлыпэ́н лёностыр (гандладэстыр) ци вылна́тыр, ци пэ цы́па, ци пэ вари-саво́ саво́ цыпитко кэрибэн,