Sykadyipén 3:21 - Библия - Пэ Балтитко Романи чиб (Романэс) 2019

²¹ Одолэ́с, кон лэ́ла упралыпэ́н, Мэ бэшлякирава лэс тэ бэшэ́л Ма́нца пэ троно, сыр и Мэ, ке́ли Мэ лыём упралыпэ́н и бэсцём Мирэ́ Дадэ́са пэ Лэ́скиро троно.

Biblija - Pe Baltitko Romani čib (Romanes) 2019

²¹ Odolés, kon léla upralypén, Me bešliakirava les te bešél Mánca pe trono, syr i Me, kiéli Me lyjom upralypén i bescjom Miré Dadésa pe Léskiro trono.

Sykadyipén 3:21 Referans Kwoze

2 Ximaske 2:12

ко́ли амэ вырикираса мэ́ньки, тэды амэ адя́кэ ява́са тэ кралинас кхэтанэ́ Лэ́са, а ко́ли отпхэнасапэ Лэ́стыр, тэды и Ёв отпхэнэлапэ амэ́ндыр;

Матфеё 19:28

И Ису́со пхэндя́ лэ́нгэ: “Чачэс, Мэ ракира́ва тумэ́нгэ: тумэ́, савэ́ гинэ́ Ма́нца дро нэво́ свэ́то, саво́ Дэвэ́л кэрэ́ла, ке́ли бэшэ́ла Чхаво́ Манушэ́скиро пэ славу́тно престоло, тэды бэшэна адя́кэ-паць и тумэ́ пэ дэшуду́й троны, соб (кай) тэ сэндинэ́н дэшуду́й ро́ды Израилёскирэ.

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Sykadyipén 2:7

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ. Одолэ́стэ, кон лэ́ла упралыпэ́н, Мэ да́ва лэ́скэ право тэ хал джиибна́скирэ каштэ́стыр (дрэвостыр), со барьёла дро Дэвлэ́скиро Раё.”

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Luka 22:30

соб (кай) тумэ́ тэ хан и тэ пьен пал сками́нд дро Миро Кралипэ́н, и тэ бэшэ́н пэ троны тэ сэндинэ́н дэшуду́й Израилёскирэ ро́ды.”

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.

Sykadyipén 1:6

Саво́ создыя́ амэ́ндыр раша́нгиро Кралипэ́н тэ дынаринэ́л Лэ́скирэ Дэвлэ́скэ и Дадэ́скэ, мэк сла́ва и зоралыпэ́н тэ явэ́л пэ сарэ́ ве́ки. Ами́нь.

Sykadyipén 12:11

И амарэ́ пша́ла лынэ́ упралыпэ́н пэ лэ́стэ свэнтонэ́ Бакрорэ́скирэ ратэ́са и лавэ́са лэ́нгирэ допхэныбнэндыр и ёнэ на дэ́нас чол (цэниндлэ) пэ́скиро джиибэ́н буты́р мэрибна́стыр.

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

Sykadyipén 6:2

И мэ дыкхцём, и, акэ, парно́ грай. И кон сыс уклисто пэ лэ́стэ, рикирдя лу́ко и вя́нка (коро́на) сыс дыны́ лэ́скэ. Ёв традэлас яври́, сыр кодова́, кон лэ́ла упралыпэ́н, соб (кай) тэ лэл упралыпэ́н.

Матфеё 25:21

Лэ́скиро хула́й пхэндя́ лэ́скэ: ‘Мишто́, ту сан лачхо́ и патяибны́тко писха́ри, ту са́нас патяибны́тко набарэ́ ловэнца; мэ допатява ту́кэ барэ́ ловэ́; яв и ра́дынпэ кхэтанэ́ тырэ́ хула́са!’

Sykadyipén 5:10

И Ту кэрдя́н лэ́ндыр раша́нгиро Кралипэ́н, савэ́ явэ́на тэ кралинэн пэ пхув.”

Sykadyipén 20:6

Бахталэ́ и свэ́нта исын одолэ́, савэ́нгэ явэ́ла штэ́то дро пэ́рво отджидыипэн мэрибна́стыр. Яви́р мэрибэ́н на явэ́ла тэ рикирэ́л зор пэ лэ́ндэ, а ёнэ явэ́на рашая́ Дэвлэ́скэ и Христосо́скэ, и ёнэ явэ́на тэ кралинэн Лэ́са бар бэрш.

Joannostir 13:32

Ко́ли Дэвэ́л славиндяпэ дрэ Лэ́стэ, тэды и Дэвэ́л прославинэла Лэс дрэ Пэ́стэ, и сыг прославинэла Лэс.