Sykadyipén 3:11 - Библия - Пэ Балтитко Романи чиб (Романэс) 2019

¹¹ Дыкх, Мэ сы́гэс ява́ва. Рикир, со исын ту́тэ, соб (кай) вари-кон тэ на лэл ту́тыр тыри́ вя́нка (коро́на), ке́ли ту лыян упралыпэ́н.

Biblija - Pe Baltitko Romani čib (Romanes) 2019

¹¹ Dykh, Me sýges javáva. Rikir, so isyn túte, sob (kaj) vari-kon te na lel tútyr tyrí viánka (koróna), kiéli tu lyjan upralypén.

Sykadyipén 3:11 Referans Kwoze

Jakov 1:12

Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Sykadyipén 22:12

“Акэ, Мэ ява́ва сы́гэс (ракирэ́ла Христо́со), – соб (кай) Мэ тэ отдав палэ кажнонэ́скэ пир дова́, со ёв кэрдя́.

Sykadyipén 2:10

На дар нисостыр, пал со ту́кэ приявэлапэ тэ мэнчынэспэ. Ѓа́да, на́лачхо явэ́ла тэ чхурдэл вари-савэ́н тумэ́ндыр дро штарибэ́н (бэшыбэн); соб (кай) тумэн тэ пропатякирэн и тумэ́ндэ явэ́ла пхарипэ́н дэш дывэса́. Яв патяибны́тко кэ мэрибэ́н, и Мэ да́ва ту́кэ джиибна́скири вя́нка (коро́на).

Sykadyipén 2:25

а тумэ́ рикирэнпэ пал дова́, со исын тумэ́ндэ, пака мэ ява́ва.

2 Ximaske 4:8

А какана́ ман ужакирэ́ла вя́нка чачипнытко, сави́ Рай Дэвэ́л дэ́ла ма́нгэ, чачуно́ Сэнда́ри дро Дывэ́с, саво́ Ёв выкэдыя́, нэ на екхэ ма́нгэ, нэ и одолэ́ манушэ́нгэ, кон ужакирэ́ла откэрдэ илэ́са, ке́ли Ёв явэ́ла.

2 Ximaske 2:5

И ко́ли адя́кэ-паць вари-кон и лэ́лапэ тэ марэ́лпэ дрэ атлетика, усае́кх ёв на выбашавэла (на выкхэлэла) вя́нка, ко́ли ёв явэ́ла тэ кэрэ́л на пир упхэныбэ́н.

Sykadyipén 22:20

Одова́, Кон допхэнэ́ла саро́ кадава́, ракирэ́ла: “Чачо́. Мэ ява́ва сыг.” Ами́нь. Яв, Раё Дэ́вла, Ису́со.

Sykadyipén 1:3

Бахтало́ исын одова́, кон гинэ́ла и шунэ́ла лава́ кадалэ́ ангилпхэныбна́стыр и рикирэ́лапэ долэ́скэ, со исын чхиндло́ дро дая́ лылвари́, пал-дова́ со часо явэ́ла сыг, ке́ли сарэ́ далэ́ чачипэна́ кэрэ́напэ.

Sykadyipén 4:10

тэды дэшуштар годэпхурэ́ клонинэнапэ патыва́са анги́л Кадалэстэ, Кон исын бэшто́ пэ троно, и Саво́ дживэ́ла ве́чнэс пэ сарэ́ ве́ки. Ёнэ чхурдэна пэ́скирэ вянки (короны) анги́л троно, пхэни́:

1 Коринфянэнгэ 9:25

Нэ кажно ману́ш, кон марэлапэ пал призо, обрикирлапэ сарэ́стыр, со исын намишто ваш лэ́скиро прастаибэн: кодолэ́ мануша́ ваш дова́, соб (кай) лэ́нгэ тэ лэн вя́нка (коро́на), сави́ кирнёла, а амэ ваш кодоя вя́нка, сави́ на кирнёла.

Sykadyipén 3:3

Палдава́ пририпир дова́, со ту сыклякирдян, со ту шундя́н, ракх да́ва и ри́скир пэ́скиро джиибэ́н кэ Дэвэ́л. Ко́ли ту на явэ́са тэ ракхэспэ, тэды Мэ ява́ва пэ ту́тэ сыр чор, и ту на явэ́са тэ джинэ́с, ке́ли мэ ява́ва.

Sykadyipén 4:4

И трусця́л кадава́ троно сыс биш тэ штар яви́р троны и биш тэ штар годэпхурэ́ сыс бэштэ́ пэ кадалэ́ троны дрэ парнэ́ урибэна́ и пэ шэрэ́ сыс лэ́ндэ сувнакунэ́ вянки (короны).

Sykadyipén 2:13

Мэ джино́м тыри́ буты́, и, кай ту дживэса, одо́й, кай на́лачхо исын бэшто́ пэ пэ́скиро троно. Ту рикирэсапэ пал Миро лав и ту на отпхэндянпэ пэ́скирэ патяибнастыр дрэ Ма́ндэ аж дрэ долэ́ дывэса́, ке́ли Антипо, миро патяибнаскиро якхи́тко, сыс замардо машки́р тумэ́ндэ одо́й, кай на́лачхо дживэ́ла.

Sykadyipén 22:7

И, акэ, Мэ ява́ва сыгэс”, – ракирэ́ла Христо́со. “Бахтало́ исын кодова́, кон ракхэ́ла пророчытка лава́ лылварьякирэ пхэныбнастыр пал дова́, со явэ́ла анги́л.”

Софония 1:14

Баро́ Дывэ́с Ра́скирэ-Дэвлэ́скирэ древа́н сы́гэс явэ́ла, ёв сыг явэ́ла и ёв причхувэла зор сы́гэс тэ явэ́л. Шундло исын кирки зан дро дова́ Дывэ́с Ра́скирэ-Дэвлэ́скиро: одо́й зорало́ мурш явэ́ла тэ дэл го́дла.

Jakov 5:9

Пшала́лэ, на дэн ґондя́ (на уздыхинэн) холя́са екх пэ екхэ́стэ, соб (кай) тумэ́ тэ на явэ́н сэндиндлэ. Ѓа́да, исын тэрдо́ Сэнда́ри пашы́л вуда́р.

Filipiicenge 4:5

Мэк сарэ́ мануша́ тэ джинэ́н тумарэ́-илэ́скиро ковлыпэн, Рай Дэвэ́л исын сарэ́са пашы́л.

Sykadyipén 16:15

“Акэ, мэ джа́ва сыр чор. Бахтало́ исын одова́, кон исын насуто и ракхэ́ла пэ́скиро урибэ́н, соб (кай) тэ на псирэ́л нанго и, соб (кай) тэ на дыкхэ́л лэ́скири ладж!”