Sykadyipén 22:1 - Библия - Пэ Балтитко Романи чиб (Романэс) 2019

¹ И Янго́ло сыкадя́ ма́нгэ рэка (лэнь) джиибна́скирэ пане́са, сави́ сыс жужы, сыр кристало. Ёй тхадэлас Дэвлэ́скирэ и Бакрорэ́скирэ троно́стыр.

Biblija - Pe Baltitko Romani čib (Romanes) 2019

¹ I Jangólo sykadiá mánge reka (len') džiibnáskire paniésa, saví sys žužy, syr kristalo. Joj thadelas Devléskire i Bakroréskire tronóstyr.

Sykadyipén 22:1 Referans Kwoze

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

Joannostir 4:14

Нэ кон явэ́ла тэ пьел пани́, саво́ Мэ да́ва лэ́скэ, одова́ на явэ́ла тэ камэл тэ пьел саро́ ве́ко; а пани́, саво́ Мэ да́ва лэ́скэ, ячэ́ла андра́л манушэ́стэ ґанынгаса ваш дасаво пани́, саво́ лыджа́ла дро ве́чно джиибэ́н.”

Sykadyipén 21:6

И Ёв пхэндя́ ма́нгэ: “Кэрдя́пэ кэ ко́нцо (яго́ро) (сполниндяпэ). Мэ сом Альфа и Омега, Англыпэ́н и Ко́нцо (Яго́ро). Одолэ́скэ, конэ́стэ исын смэга (жажда), Мэ да́ва тэ пьел джиибна́скирэ-панё́скирэ ґанынгорьятыр би ловэнгиро.

Заха́рия 14:8

И явэ́ла дро дова́ дывэ́с: джидэ́ паня́ лэ́на тэ тхадэн Ерусалимо́стыр, паш лэ́ндыр кэ васточно мо́рё (дэрья́в). И паш лэ́ндыр кэ за́падно мо́рё (дэрья́в): лына́скиро и ивантэ́скиро (зимакиро) явэ́ла адя́кэ.

Psalmy 46:4

Мэк паня́ тэ брилинэн (тэ ревинэн) и тэ кэрдён пенаса, мэк бэ́рги тэ тринскирэнпэ пэ́скирэ зорья́тыр. Сэ́ла.

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.

Ереме́ё 17:13

Раё Дэ́вла! Ту́тыр ужакирэ́ла лачхипэ́н Израилё! Сарэ́, кон мэкнэ́ Ту́тыр, явэ́на ладжакирдэ́. Сарэ́, кон дуринэ (отгинэ́) Ту́тыр, явэ́на чхиндлэ́ пэ пхув. Пал-дова́ со ёнэ ячкирдэ́ Рас-Дэвлэ́с, Саво́ исын джидэ́-пане́скири ґаны́нг.

Ереме́ё 2:13

Пал-дова́ со мирэ́ мануша́ кэрдэ́ чорипэ́н дуй мо́лы: ёнэ ячкирдэ́ Ман, Кон исын джидэ́-панескири ґанингори и ёнэ выганадэ пэ́скэ вэндариня (сажалки), пхагирдэ́ лэн, со на могинэ́на тэ рикирэ́н пани́.

Isajos 41:18

Мэ откэрава рэ́ки (лэня́) пэ чхучэ́ бэргицакирэ вучипэна́ и ґанынгорья машки́р долоскирэ фэ́лды Мэ кэра́ва чхучэ́ пхувья́тыр зеро (озеро), Мэ кэра́ва шукэ́ пхувья́тыр ґанынгорья пане́са.

Sykadyipén 3:21

Одолэ́с, кон лэ́ла упралыпэ́н, Мэ бэшлякирава лэс тэ бэшэ́л Ма́нца пэ троно, сыр и Мэ, ке́ли Мэ лыём упралыпэ́н и бэсцём Мирэ́ Дадэ́са пэ Лэ́скиро троно.

Apostolengiri Butý 2:33

Дэвэ́л ґаздыя́ Лэс Пэ́скирэ най зоралэды́р вастэ́са, и Ёв прилыя́ Лэ́стыр Свэ́нто Ду́хо (Фа́но), пал саво́ дыя́ лав Дад; Дэвэ́л кэрдя́ дова́, со тумэ́ какана́ шунэ́на и дыкхэ́на.

Sykadyipén 21:11

Дава́ фо́ро зяиндя Дэвлэ́скирэ ярконэ́ слава́са. Лэ́скиро дуд, саво зяиндя, сыс сы́рбы древа́н куч бар, со зяинэла, сыр бар ясписо, дыцьло сыр кристало.

Joannostir 15:26

Ке́ли явэ́ла Обрадыпнаскиро (Утешытеле) кэ тумэ́, савэ́с Мэ бичхава́ва тумэ́нгэ Мирэ́ Дадэ́стыр, ёв исын чачуно́ Ду́хо (Фа́но), Ёв джа́ла Дадэ́стыр, Ёв Кокоро́ явэ́ла тэ допхэнэл пал Ма́ндэ.

Sykadyipén 5:13

И мэ шундём, сыр кажно джидало, савэ́с Дэвэ́л создыя́, саво́ исын дро Болыбна́скиро Раё, пэ пхув и тэл пхув, и пэ мо́рё (дэрья́в), и саро́, исын андра́л дрэ лэ́ндэ, пхэнэнас: “Одолэ́скэ, Саво́ исын пэ троно, и Свэнтонэ́ Бакрорэскэ, мэк тэ явэ́л шарибэ́н, и паты́в, и сла́ва и зоралыпэ́н пэ вечна ве́ки.”

Isajos 48:18

Нэ ко́ли б ту шундя́н Мирэ́ лава́! Тэ́ньци б рама́нё (миро) тыро́ тэ явэ́л сыр рэка (лэнь), чачипэ́н тыро́ – сыр рэ́ки (лэня́) барэ́.

Sykadyipén 5:6

И мэ дыкхцём Свэнтонэ́ Бакрорэс, Саво́ сыс сы́рбы нагара зачхиндло́ машки́р троно и штар джидалэндэ и годэпхурэндэ. Свэнтонэ́ Бакрорэстэ сыс эфта́ шынга́ (ро́ги) и эфта́ якха́, савэ́ исын эфта́ Дэвлэ́скирэ Ду́хи и сыс бичхадэ́ пир сари́ пхув.

Isajos 66:12

Адя́кэ ракирэ́ла Рай Дэвэ́л: “Акэ, Мэ да́ва лэ́скэ свэ́то, сыр рэка (лэнь); манушэ́нгиро барвалыпэ́н исын сыр рэка (лэнь), сави́ чхувэ́лапэ ваш тумари́ бахт; пэ васта́ тумэн лыджа́на, пэ чанга́ явэ́на тэ лашчынэн.

Sykadyipén 1:1

Сыкадыипэ́н (об΄явлениё) Исусо́стыр Христосостыр, Саво́ Дэвэ́л дыя́ Лэ́скэ тэ сыкавэ́л Пэ́скирэ писхарье́нгэ (рабэ́нгэ), со трэй сыг тэ явэ́л. И Христо́со пхэндя́ зорья́са дава́, ке́ли Ёв бичхадя́ Пэ́скирэ Янголо́с кэ Пэ́скиро писха́ри Иа́но (Иоано),

Sykadyipén 21:9

И ґа́да, екх эфта́ (эфтэ) Янголэ́ндыр, савэ́ндэ сыс эфта́ тахтая́ (чашы), со сыс пхэрдэ́ эфта́ палатунэ́ франсэ́нца, подги́я кэ, мэ и пхэндя́: “Яв! Мэ сыкава́ва ту́кэ тэрня́ Свэнтонэ́-Бакрорэ́скирья ромня́!”

Sykadyipén 22:6

И Янго́ло пхэндя́ ма́нгэ: “Кадалэ́ лава́ исын патяибнытка и чачунэ́. И Рай Дэвэ́л, Кон дэ́лас ду́хо (фа́но) пророкэнгэ [свэнтонэ́-р.с.], бичхадя́ Лэ́скирэ Янголо́с тэ сыкавэ́л Лэ́скирэ писхарье́нгэ дова́, со трэй тэ явэ́л сыг.

Joannostir 13:32

Ко́ли Дэвэ́л славиндяпэ дрэ Лэ́стэ, тэды и Дэвэ́л прославинэла Лэс дрэ Пэ́стэ, и сыг прославинэла Лэс.