Sykadyipén 21:1 - Библия - Пэ Балтитко Романи чиб (Романэс) 2019

¹ И мэ дыкхцём нэво́ болыбэ́н и нэви́ пхув. Пэ́рво болыбэ́н и пэ́рво пхув хасинэ́ и мо́рё (дэрья́в) буты́р нанэ.

Biblija - Pe Baltitko Romani čib (Romanes) 2019

¹ I me dykhcjom nevó bolybén i neví phuv. Pérvo bolybén i pérvo phuv xasiné i mórjo (derjáv) butýr nane.

Sykadyipén 21:1 Referans Kwoze

2 Petr 3:13

Нэ пир Дэвлэ́скиро дыно́ лав амэ ужакираса нэво́ болыбэ́н и нэви́ пхув, кай явэ́ла тэ дживэ́л чачипэ́н.

Isajos 66:22

“И сыр нэво́ болыбэ́н и нэви́ пхув, савэ́ Мэ созда́ва, саро́ часо явэ́на анги́л Миро муй, – ракирэ́ла Рай Дэвэ́л, – адя́кэ явэ́ла и тумарэ́ родоса и тумарэ́ лавэ́са.

Sykadyipén 21:5

И, Кодова́, Кон сыс бэшто́ пэ троно, пхэндя́: “Акэ, мэ кэра́ва саро́ нэво́.” И адя́кэ-паць пхэнэ́ла ма́нгэ: “Зачхин, пал-дова́ со кадалэ́ лава́ исын чачунэ́ и патяибнытка.”

2 Petr 3:10

Нэ Дэвлэ́скиро дывэ́с явэ́ла сыр чор раты́, и тэды болыбэ́н грукимаса джа́ла криг якхэ́ндыр и сарэ́ болыбны́тка котэра́ схачона, и пхув и саро́, со исын пэ ла́тэ, явэ́на чхучэ́ (пуста).

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

Isajos 27:1

Дро дова́ дывэ́с чингирэла Рай Дэвэ́л пэ́скирэ куртала́са, сави́ исын пхари́, бари и зоралы́ Левиафонос (драконос), сапэс, саво́ маму́й (прямэс) прастала, и Левиафонос, сапэс, саво́ выкрэнцынэлпэ (диндькирэлапэ), и мулякирэ́ла Рай Дэвэ́л долэ́ даранэ рупучос, саво́ дживэ́ла дро мо́рё (дэрья́в).

Дание́лё 7:3

и штар барэ́ рискирибна́скирэ мурдала́ (звери) выгинэ́ э морёстыр (дэрьявэстыр), савэ́ на здэнас (на подджанас) екх пэ явирэ́стэ.

Sykadyipén 13:1

И мэ со́мас тэрдо́ пэ морёскиро (дэрьявэ́скиро) пра́хо. И мэ дыкхцём рискирибна́скирэ мурдалэс (зверёс), саво́ ґаздэласпэ морёстыр (дэрьявэстыр), савэ́стэ сыс эфта́ шэрэ́ и дэш шынга́ (ро́ги). Пэ кажно лэ́скиро шынг сыс диадэма, а пэ кажно шэро́ сыс лав тэ калякирэн Дэвлэ́с.

Isajos 57:20

А грэхи́тко ману́ш исын сыр мо́рё (дэрья́в), саво́ ґаздыя́пэ и нисыр на пириячэ́ла, и пани́ лэ́скиро вычхурдэла ило́ и бла́та.

Isajos 51:11

И рисёна одолэ́, савэ́н зракхця́ Рай Дэвэ́л, и явэ́на пэ Сио́но багаибнаса, ра́дыма лэ́нгири николи на пириячэ́ла; ёнэ явэ́на бахталэ́ и весе́ла (лошалэ́); ясва и бибахталэ́ ґондя́ (ўздохи) отджана.

Римлянэнгэ 8:21

со дава́ саро́ джидо́ создыибэн кокоро́ явэ́ла во́льно мулыканэ писхарибнастыр, ваш дова́, соб (кай) тэ явэ́л дова́-паць славу́тно вольныма, сави́ исын Дэвлэ́скирэ чхавэ́ндэ.

Sykadyipén 6:14

И болыбэ́н хасия́, розгия́пэ сыр скрэнцындло сви́тко, кажно бэ́рга и о́строво (джип) кхардэпэ (двигиндлэпэ) криг пэ́скирэ штэтэ́ндыр.