Sykadyipén 20:2 - Библия - Пэ Балтитко Романи чиб (Романэс) 2019

² Ёв ухтылдя драконос, пхуранэ́ сапэс, кон исын на́лачхо ци сатана и пхандя лэс пэ бар (тысёнцо) бэрш;

Biblija - Pe Baltitko Romani čib (Romanes) 2019

² Jov uhtyldia drakonos, phurané sapes, kon isyn nálačho ci satana i phandia les pe bar (tysjonco) berš;

Sykadyipén 20:2 Referans Kwoze

2 Petr 2:4

Пал-дова́ со ко́ли Дэвэ́л на потангиндя Янголэн, савэ́ кэрдэ́ грэ́хи, а отдыя́ лэн дро лю́но (адо), и бэшлякирдя лэн састырэнца дро цямлыпэ́н, кай ёнэ ужакирэ́на сэндоскиро дывэ́с;

Sykadyipén 12:9

И баро́ драконо сыс чхурдыно́ тэлэ́, пхурано́ сап, савэ́с кхарэ́на на́лачхо ци бэнг, саво́ хохавэлас саро́ свэ́то. Ёв сыс чхурдыно́ тэлэ́ пэ пхув и лэ́скирэ Янго́лы сыс чхурдынэ́ тэлэ́.

Juda 1:6

И Янголэн, савэ́ на зракхнэ́ пэ́скиро англатуно́ право дрэ паты́в, а ячкирдэ́ пэ́скиро штэ́то тэ дживэ́н, Ёв ракхэ́ла лэн дро калыпэ́н дрэ вечна састыра́ пэ баро́ Дывэ́с, ке́ли лэн явэ́ла Ёв пхарэ́с тэ сэндякирэ́л;

Joannostir 12:31

какана́ явдя́ сэ́ндо кадалэ́ свэтоскэ; и Кра́ли адалэ́ свэтоскиро явэ́ла традыно яври́;

Isajos 27:1

Дро дова́ дывэ́с чингирэла Рай Дэвэ́л пэ́скирэ куртала́са, сави́ исын пхари́, бари и зоралы́ Левиафонос (драконос), сапэс, саво́ маму́й (прямэс) прастала, и Левиафонос, сапэс, саво́ выкрэнцынэлпэ (диндькирэлапэ), и мулякирэ́ла Рай Дэвэ́л долэ́ даранэ рупучос, саво́ дживэ́ла дро мо́рё (дэрья́в).

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

1 Petr 5:8

Явэ́н трезва (ны́рна), ракхэ́нпэ. Тумаро вэ́рго, на́лачхо, псирэ́ла сыр шчэр (ле́во), саво́ рыкинэла и родэ́ла, конэ́с тэ хал.

Юдэ́нгэ 2:14

Пал-дова́, со сыр сарэ́-манушэ́нгирэ чхавэ́ндэ исын рат и лоч (плоть), адя́кэ-паць и Ёв прилыя́ саро́, сыр ману́ш, ке́ли бия́ндыя, соб (кай) пир Пэ́скиро мэрибэ́н Ёв могиндя́ тэ хасякирэ́л налачхэскири зор пэ мэрибэ́н;

Римлянэнгэ 16:20

Нэ Дэвэ́л, Саво́ дэ́ла рама́нё, хасякирэ́ла налачхэ́с тэл тумарэ́ ґэра́. Мэк тэ явэ́л бахталыпэ́н амарэ́ Ра́скирэ-Дэвлэ́скирэ, Исусо́скиро Христосо́скиро тумэ́нца! Ами́нь.

Joannostir 16:11

пал сэ́ндо, со кадалэ́ свэтоскиро кра́ли явэ́ла сэндиндло.

Sykadyipén 13:2

И рискирибна́скиро мурда́л, савэ́с мэ дыкхцём, сыс сы́рбы леопардо, а ґэра́ (пирэ́) сыс лэ́стэ сы́рбы ричэскирэ ґэра́, а муй лэ́скиро сыс сы́рбы муй шчэрэстэ (левостэ). И драконо дыя́ лэ́скэ пэ́скири зор и троно и бари зор.

Sykadyipén 12:17

А драконо зоралэ́с холя́сыя пэ джувля́тэ и гия́ пэ марибэ́н явирэ ла́кирэ биятэнца, савэ́ ячнэ́пэ ла́кирэ родо́стыр, кон приракхэлас Дэвлэ́скирэ припхэныбэна́ и рикирэлас Христосо́скирэ лава́.

Sykadyipén 12:15

И мэкця́ сап мо́стыр пани́ сыр рэка (лэнь), соб (кай) рэкакири (лэнякири) пани́ тэ лыджа́л криг ла.

Sykadyipén 12:13

И ке́ли драконо дыкхця́, со лэс чхурдынэ́ тэлэ́ пэ пхув, тэды ёв лыя́ тэ традэл джувля́, сави́ бияндя́ муршорэс.

Marko 5:7

и дыя́ го́дла зоралэ́с: “Со Ту́кэ трэй ма́ндыр, Ису́се, Най Вучэдырэскиро Дэвлэ́скиро Чхаво́! Совлаха́ Дэвлэ́са, со на мэнчынэса Ту ман?”

Матфеё 8:29

И, акэ, ёнэ дэ́нас го́дла, ракири́: “Со Ту́кэ трэй амэ́ндыр, Чхаво́ Дэвлэ́скиро? Явдян Ту адари́к анги́л упхэндло́ мардо́ (шту́нда) тэ мэньчынэс амэн?”

Ióvo 1:7

И пхэндя́ Рай Дэвэ́л налачхэскэ: “Каты́р ту явдя́н?” И на́лачхо отпхэндя́ и пхэндя́: “Мэ псирдём одори́к и палэ пир пхув и штадём пир пхув упрэ́ и тэлэ́.”

Sykadyipén 13:4

И ёнэ клониндлэпэ патыва́са рискирибна́скирэ мурдалэскэ, ракири́: “Кон исын адасаво́, сыр дава́ рискирибна́скиро мурда́л? Кон могинэ́ла (саштынэла) тэ марэ́лпэ лэ́са?”

Sykadyipén 9:11

Люноскиро (Адоскиро) Янго́ло сыс кра́ли пэ лэ́ндэ. Лэ́скиро лав пир Юды́тко чиб сыс “Абаддон”, а грэки́ткэс (балами́ткэс) “Апполион.”

Матфеё 19:29

И кажно, кон мэкця́ кхэра́ ци пшалэ́н, ци пхэнен ци да, ци ромня́, ци чхаворэ́н, ци фэ́лды ваш Миро лав, дорэсэ́ла дрэ шэл мо́лы буты́р и лэ́скэ явэ́ла дыно́ ве́чно джиибэ́н.

Džiibén 3:1

Сап сыс мэндрэдыр сарэ́ фэлдытконэ мурдалэ́ндыр, савэ́н Рай Дэвэ́л (Яхва́), Дэвэ́л создыя́. И пхэндя́ сап джувля́кэ: “Ци чачипэ́н пхэндя́ Дэвэ́л: ‘На хан ни савэ́ каштэ́стыр дрэ у́нта (садо)?’”

Isajos 24:22

И явэ́на ёнэ скэдынэ́ кхэтанэ́ дро рово (хохо́й), и явэ́на закэрдэ дро бэшыбэн, и прилэ́на ка́ра, ко́ли проджа́на бут дывэса́ явэ́на тэ сэндинэ́н.

Marko 4:15

Исын мануша́, савэ́ исын сы́рбы дая́ зя́рка пашы́л дром. Сыр фэ́ни (то́ка) ёнэ шунэ́на лав, то явэ́ла на́лачхо и чорэла лэс лэ́ндыр.

Sykadyipén 12:3

И сыс яви́р ґерты́к дыцьлы/бицялы пэ болыбэ́н: и, акэ, баро́ лоло́ драконо эфта́ (эфтанэ) шэрэнца и дэшэнца шынгэнца и пэ далэ́ шэрэ́ сыс эфта́ диадэмы;

Sykadyipén 12:4

и лэ́скири пори тырдэла три́то паш болыбна́скирэ чэргэнендыр и ёв чхурдыя́ тэлэ́ лэн пэ пхув. И драконо тэрдия́ анги́л джювлятэ, савьякэ трэиндя́ тэ биянэ́л, соб (кай), сыр ёй биянэ́ла, ёв могиндя́ тэ хал тыкнорэ́с.

Sykadyipén 20:7

И ке́ли бар (тысёнцо) бэрш кончынэлапэ, тэды сатанас (налачхэ́с) отпхандэна лэ́скирэ штарибнастыр,

Sykadyipén 20:10

И на́лачхо, кон хохадя лэн, сыс чхурдыно́ дро зеро (озеро) яга́са и дзэвэля́са (сераса), кай сыс адя́кэ-паць рискирибна́скиро мурда́л и хоханэ́ проро́ки. И ёнэ явэ́на тэ мэнчынэнпэ раты́ и дывэсэ́ пэ сарэ́ ве́ки.

Езэкилё 47:5

Выгиндя́ ишчо (инкэ́) тысёнцо, ада́й сыс дасаво сы́гно панынг, со нашты́ сыс ма́нгэ тэ пириджав, пал-дова́ со пани́ сыс адя́кэ хор, со трэиндя́ тэ плывинав тэ пириджав дава́ панынг сыс нашты́.