Sykadyipén 2:9 - Библия - Пэ Балтитко Романи чиб (Романэс) 2019

⁹ Мэ джино́м (джина́в) тырэ́ рэ́нды (де́лы), тыро́ калыпэ́н (ту́га), нэ ту сан барвало́ и Мэ джино́м (джина́в), сыр калякирдэ тут одолэ́, савэ́ ракирэ́на, со ёнэ исын Юды и савэ́ нанэ, а ёнэ исын налачхэскирэ скэдынятыр (скедыибнастыр).

Biblija - Pe Baltitko Romani čib (Romanes) 2019

⁹ Me džinóm (džináv) tyré réndy (diély), tyró kalypén (túga), ne tu san barvaló i Me džinóm (džináv), syr kaliakirde tut odolé, savé rakiréna, so jone isyn Judy i savé nane, a jone isyn nalačheskire skedyniatyr (skiedyibnastyr).

Sykadyipén 2:9 Referans Kwoze

Sykadyipén 3:9

Акэ, мэ да́ва ту́кэ одолэ́н, савэ́ исын налачхэскирэ скэдыибна́стыр, савэ́ ракирэ́на, со ёнэ исын Юды, а дава́ нанэ чачипэ́н, ёнэ исын хохаибнарья; ґа́да, Мэ кэра́ва адя́кэ, соб (кай) ёнэ тэ дэн “паклоно” патыва́са анги́л тырэ́ ґэра́, тэ джинэ́н, со Ма́нгэ яця́н ту дро́го.

2 Коринфянэнгэ 8:9

Тумэ́ джинэ́на бахталыпэ́н амарэ́ Ра́стыр-Дэвлэ́стыр, саво́ исын Исусо́скиро Христосо́скиро, Саво́ сыс барвало́, нэ яця́ чороро́, соб (кай) тумэ́ тэ явэ́н барвалэ́ Лэ́скирэ чорорипнастыр.

Римлянэнгэ 9:6

Нэ адя́кэ дава́ на могинэ́ла тэ явэ́л, соб (кай) Дэвлэ́скиро лав тэ хасякирэ́л зор; пал-дова́ со на сарэ́ мануша́, савэ́ дживэ́на кэ Израилё, исын Дэвлэ́скирэ мануша́;

2 Коринфянэнгэ 6:10

амэ сам сы́рбы смэнтна (скучна), нэ амэ ўса́ды (сак) радынасапэ; амэ сам сы́рбы бо́ги, нэ амэ кэра́са бут манушэ́н барвалэнца; амэ́ндэ нанэ ничы́, нэ адя́кэ-паць амэ́ндэ сы́рбы саро́ исын.

1 Ximaske 6:18

соб (кай) ёнэ тэ кэрэ́н лачхипэ́н, тэ барвалён лачхэ́ рэндэ́нца, тэ дэн васт илэ́стыр явирэ́нгэ тэ делинэнпэ пэ́скирэ барвалыпнаса явирэ манушэ́нца,

Luka 4:18

“Дэвлэ́скирэ–Ра́скиро Ду́хо (Фа́но) исын пэ ма́ндэ; пал-дова́ со Ёв выкэдыя́ Ман тэ роспхэнав бахталы́ зан (звесь) богэнгэ и бичхадя́ Ман тэ пхэна́в во́ля одолэ́нгэ, савэ́ исын дро пле́но, тэ дыкхэ́н свэ́то корорэнгэ; тэ отмэкав пэ во́ля и тэ дзн васт одолэ́нгэ, савэ́н вэ́рги притасадэ,

Sykadyipén 2:2

“Мэ джино́м (джина́в) Тыри́ буты́ и сыр бут ту кэрдя́н буты́, и тыро́ вырикирибэн, и дова́, со ту на могинэ́са тэ пирилыджас чорэ́ манушэ́н, и со ту пропатякирдян кодолэ́н, савэ́ пхэнэ́на пэ пэ́стэ “Апо́столы” и савэ́ нанэ, со ту латхян, со ёнэ исын хохаибнарья;

Luka 6:20

И Ёв ґаздыя́ пэ́скирэ якха́ пэ Лэ́скирэ сыкляибнытконэндэ и лыя́ тэ ракирэ́л: “Бахталэ́ исын тумэ́, савэ́ исын чорорэ́ дро ду́хо, пал-дова́ со тумаро́ исын Кралипэ́н дро Болыбна́скиро Раё.

Римлянэнгэ 12:12

Радынэ́нпэ дро тумари́ наде́я: явэ́н зоралэ́ (тварда) дро пиридживипэн; ўса́ды (сак) мангэ́нпэ Дэвлэ́скэ;

Римлянэнгэ 5:3

Нэ на дрэ екх дава́ исын амари́ ра́дыма, а амэ адя́кэ-паць радынасапэ дрэ амарэ́ пхарипэна, пал-дова́ со амэ джина́са, со пир пхарипэ́н барьёла амаро́ вырикирибэн.

1 Ximaske 1:13

ма́нгэ, саво́ англэды́р тэлякирдя Дэвлэ́с, и традыя́ дэвлытконэ́ манушэ́н, и кэрдём чорипэ́н лэ́нгэ: нэ Дэвэ́л примангдя ма́нгэ, пал-дова́ со адя́кэ кэрдём пир наджиныбэн и пир напатяибэн.

1 Фесалоникийцэнгэ 3:4

пал-дова́ со, ке́ли амэ са́мас кэ тумэ́, заґарэдыр ракирдям тумэ́нгэ, со амэ́ндэ явэ́ла бари би́да, сыр и выгия́, и тумэ́ кокорэ́ джинэ́на пал дава́.

2 Коринфянэнгэ 8:2

сыр ёнэ прогинэ́ зорало́ пропатякирибэн пхарэ́ пиридживибна́са, нэ ёнэ сыс древа́н ра́да, со ке́ли ёнэ отдынэ́ саро́ сарэ́ илэ́стыр, хоць ёнэ исын древа́н чорорэ́,

Римлянэнгэ 8:35

Кон тэрдёла машки́р амэ́ндэ и Христососкири ла́ска? Пиридживибэн, ци пхарипэ́н, ци традыпэн, ци нангипэ́н, ци дар, ци мэрибэ́н?

Sykadyipén 7:14

И мэ пхэндём лэ́скэ: “Раё Миро, Ту ж джинэ́са.” И ёв пхэндя́ ма́нгэ: “Дава́ исын кодолэ́ мануша́, со явнэ́ барэ́ страдицостыр (бидатыр), вымордэ пэ́скирэ урибэна́ и парнякирдэ лэн Свэнтонэ́ Бакрорэскирэ ратэ́са.

Luka 22:65

И ёнэ пхэндлэ́ бут кошыбнытка лава́ пэ Лэ́стэ.

Luka 12:21

Адя́кэ джа́ла кодолэндэ, савэ́ скэдэ́на кучипэ́н пэ́скэ, а на скэдэ́на дова́, со исын мишто́ анги́л Дэвлэ́стэ.”

Римлянэнгэ 2:17

Ко́ли ту пэс гинэса Юдоса и розгинэса пэ Зако́но, и шарэсапэ Дэвлэ́са,

Apostolengiri Butý 26:11

Мэ бут мо́лы мэнчындём лэн пир сарэ́ синагоги, и мэ зачхувавас лэн тэ тэлякирэн Исусо́с. Ма́ндэ сыс бари холы́ пэ лэ́ндэ, мэ псирдём ваш дава́ дрэ яви́р дуратунэ́ фо́рья.

Apostolengiri Butý 14:22

и ёнэ подрикирэнас сыкляибнытконэ́н и патякирэнас лэн, соб (кай) ёнэ тэ явэ́н зоралэ́ дро патяибэ́н и ракирдэ́: “Амэ́нгэ явэ́ла трэй бут тэ пиридживас анги́л дава́, соб (кай) тэ заджас дро Дэвлэ́скиро Кралипэ́н.”

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Матфеё 4:10

Тэ́ньци ракирэ́ла лэ́скэ Ису́со: “Джа́ Ма́ндыр, на́лачхо, исын чхиндло́: ‘Дэвлэ́скэ тырэ́скэ клонинпэ и Лэ́скэ екхэ́скэ дынарин.’”

Sykadyipén 1:9

Мэ сом Иа́но, тумаро́ пшал, и мал (дру́го), кон исын кхэтанэ́ тумэ́нца дрэ би́да и дро кралипэ́н и кхэтанэ́ вырикирэ́ла пал Исусо́стэ Христосо́стэ. Мэ со́мас пэ о́строво (джип), саво́ кхарэ́лапэ “Патмосо” пал Дэвлэ́скиро лав и пал дова́, со мэ допхэна́вас манушэ́нгэ пал Исусо́стэ Христосо́стэ.

Sykadyipén 2:13

Мэ джино́м тыри́ буты́, и, кай ту дживэса, одо́й, кай на́лачхо исын бэшто́ пэ пэ́скиро троно. Ту рикирэсапэ пал Миро лав и ту на отпхэндянпэ пэ́скирэ патяибнастыр дрэ Ма́ндэ аж дрэ долэ́ дывэса́, ке́ли Антипо, миро патяибнаскиро якхи́тко, сыс замардо машки́р тумэ́ндэ одо́й, кай на́лачхо дживэ́ла.

Sykadyipén 2:24

А кадалэ́ манушэ́нгэ тумэ́ндыр дрэ Фиатира, савэ́ на рикирэнапэ пал дава́ сыклякирибэ́н и, савэ́ на джинэ́на хорипэ́н, со кхарэ́лапэ “налачхэскири зор”, Мэ пхэна́ва: Мэ на чхува́ва пэ тумэ́ндэ яви́р пхарипэ́н;